Samaw tahpa he atahmahla chibai abuna chata nahta a eihpachaipa ta cha (letter) paphaopa liazy ta hma tyh hrapa cha ta, anodeikua Dr. S. Hrachu ta athaona nata zakhano ta manoh mahpawzy ta ama hmana a vaw rei pasia tawhta cha Krizyhpazy chata hma awpa ta ngiaryh leipa hluhpi ama y. Hma pazao lyma awpa pha eima tah ma? Ary liata article he reih la, na pachana vaw thyu hra ma y.
Mara Article: 'SAMAW' - by Dr. S. Hrachu
Macha Dr. S. Hrachu Nohthlahpa. Photo courtesy: Marasaw.com
Samaw he Krizyhpa heta hma lyma awpa pha eima tah ma?
Zohna, Sata biehneina ry liata miah pathlahtuhpazy ama charei daihti no khata ama Khazohpa chata ama chhypa cha ama pahrana khih chyu liata tlah lai chaipa nata asah chaipa liata apahrapa KHASOH a cha. Ko to ta akhihpi ta Vao ta tlyma Seih ta tlyma ta cha tlah cha ama naoh tyh. Seih ta ama naoh theipa khiacha ko 3 chhoh chata angiapa theipa a cha.
1. Cha ama chhypa KHASOH cha, Bala khazoh achhy penawh ta, ama chhy awpa nota ''Bala, Bala'' tahpa ta ama aw tua tyhpa hawhta ama naoh awpa nota he hawhta ama aw hra. ''Samaw, Samaw, Samaw,'' tahpa ta ei 3 cheingei ta awpa a cha. Ei 3 ama aw tawhta ama byuhpa nata ama ngiapa mai cha ama theithaipazy ta ama khasohpa hnota ama tlo khei tyh. Ama peimawhpa ama rei awpa cha ama theithaipazy sahlao ta ado kawpa nata sia kawpa ta ama rei paki awpa cha ta,ama reichhei awpa cha leipa ta,reichakapa tly ma mypa tlyma a y awpa cha hra vei.
2. Athipa, Seih ta ri a ha theipa cha ama ri thla la pasie awpa chy ta ama Puhpa ta tako tiah kawpa achabapa ta, aikah tawhta chhochha chhana taih,Chhochha,ri pasohna chhachhua tawhta aikah kahmi taih, athihpa moh cheingei reipa ta,''......... Samaw, Samaw, (Athipa moh). Ahy hmah chipa ta la tlei lah chi e,kholeisapaw ano saw na ei cha a kei tah mah y,'' tahpa ta ama tako tiah kawpa chata asutoh zy, pakozy chhikaotohzy chyhhu sa pa lymapa ta ama chhawhpa pa lyma tyh ei.
He he apalai kawpa nata apasahsa kawna reihka, chyhsa hropazy hlata a khohtlah via na, ahy ry lia hmahta y lei awpa ta a pasyuna a cha hra.
He hawhpa Ahripa ama chhyna daihti liata Lyurahhripa la reihka nata apalaipateina la reihkah, keimo Khazohpa hrohpa achhytuhpazy ta ahlypa ta eima kaw hma lyma awpa he dia ngiaryh a chhih kaw vei e!!
Awnanopa chakaona la kyh liata la pahlao leipa cha sala kho achhih kaw. Duah pacha khoh chhyu tua si.
Source: Siaramo Facebook group (na login tua a byuh aw)
-
|2012-04-10 06:58:33 AnonymousMara Literature Committee nata Mara Research Society (MRS) lata nopawnazy official kawpa ta ama pachana pahno byuh achhih kaw he kyh he. Tawhta, awnanopa nopawzy ta kheita ma ama pacha hra va tly?
-
|2012-04-11 05:47:15 pt visagDr. s.Hrachu ta a vaw reihpa kha a do kaw.ano deikua keima mopakha pacha na dah ta la.Samaw eima hmatypa he apha eita ngasa.mara rei he rei hneiropa a cha lei vata hmo eima kho na da hawta chhopa sia thei leina daiti a hlu kaw,he samaw tapa chhao he a hripa a ma theina cha ta a ma reihtypa chhhao a cha thei aw. anodeikua a ta hma eima generation lia deikua reithie va hawta lapangiapita eima hmapa he kei ma pacha da ta la apha leina nata ngiary a chhi leina y hraota pa hno na.Samaw tapa rei ka heta mara rei pangiasa tupa sakha a cha hra pata eipa hno.
-
|2012-04-12 05:28:00 AnonymousSamaw tapa he chi-zahna, anaohna, chibai buna a cha. Hlano marahpa zy ta ama chi-zahpa, anaohna chata ama vawhma ty. Ama vaw naoh tyhpa cha Lyurahripa a cha. Chahrasala, atahma daihti liata samaw eima za hma pa heta Lyurahripa eima naoh tahna cha vei! Chysa za chhihpa nata zahtla cha pa zy palasa a cha pa vata hma lyma awpa tlao a cha. Zo-hnahthlak zy chhao ta ama za hnei hra. Amo ta kheita ma ama za pachu hra aw va tly?-rairao cabin
-
|2012-04-12 06:16:25 MrObserverZakhano ta a hmana eima pawhrahpa Dr. S. Hrachu ta maniah a pachu va nahta pahno hra awpa ta maniah a chho vata a cho liata eima ly kaw. Hma pazao awpa kyh deikua he hawhta keima mopakha hmo dah a cha. Eima surrender hma kaw tyh na...
Lyurahhripa eima chhy daihti liata reihkah eima hma tyhpa hma khao lei awpa eima tah khiahta cha Marareih liata hmo mohchhoh pha kawpa eima hnei pazy thy lyma a byuh ha aw. Khizaw rah hrola he hawhta tao tla vei ei? Marareih eima pahleipadia tlamaw aw tahpa chi a chhi kaw. Marareih ta Lyurahhripazy a chhy tyh pita, Marareih cheingei chhao eima sie sai aw ma? Khizaw liata reih zydua he a kheihawhpa daihti liatama cha Khazohpa do leipa a chhhy n'awpa ta ama vaw hmah khai. Chahrasala, Khazohpa dopa ama vaw chhy tita cha hawhpa reihkah cha siesai hlei vei ei. Eg. Allah tahpa reihkah he Muslim na dei cha vei. Arab chyhsazy ta ama khazoh awna tla a cha hra.
Allah tahpa he Muslim nazy ta amo eih hawhta apacha ei ta, Arab rah liata Krizyhpazy chata cha Krizyhpa Khazohpa chhao cha 'Allah' ama tah pyly. Krizyhpa zyta Allah ama tahpa he Muslim nazy ta Allah ama tahpa nata ama kaw hihsapa a lyu vei. Krizyhpazy ta cha Abraha, Aisika nata Zakaw Khazohpa --- hleikhota Kalvari a la. Muslim nah ta Allah ama tah no deikua la Mohammed zy Mecca zy ama paloh liata a la. Arab Krizyhpazy ta Allah ama pado daihti liata Kalvari tlao a la. Chavata, Samaw, Marareih pahneirosatuhpa he hma pazao lymapa chasala, ahripa achhy n'awpa deikua hma byuh vei. Krizyhpa eima cha ha va ta.
-
|2012-04-12 12:16:51 Laiu FachhaiMara Research Society vyuhpa ta cha leipata, keima mopakha pacha dah vaw reih hra tua sa.
"Samaw" tahpa reihkah anaohna chata eima hmapa he pha ei tah kaw. "Chibai" he thokhazy ta Mara reih a cha hra na, tah tyh taraw ei ta, chahrasala Mara reih lyu thai vei. A hma nawpa dah chhao a lalao kaw. "Chibai eima cha bu" tah thlah hapa cha, Mara reih lyu thai vei. Chibai eima cha hla tah awpata tlyma, chibai eima cha naoh, tah awpa ta tlyma su thai va. A bu ta a bu awpa cha ta, chahawhta anaona tlai a bu ta a bu thlah ha awpa cha, a lalao pa kaw.
Chavata "Samaw" he a pha kaw. Hlano ta ama vaw hma tyh dah cha ama khazohzy achhyna chata avaw hmahpa rai vaw cha ei sa la, athih la pasiena chata a vaw hmahpa rai vaw cha ei sa la, Kri eima zy ha tawhta cha eima bati awpa tla a cha. Mongyuh reih ta "God" ama tahpa chhao he German "Goth" tawhta lapa a cha zie reih ei ta, Germany nawh ama tho nata lo achhyna daihti liata ama khazoh ama aw dah a cha ei aw. Mongyuh reih ta "sacrifice" ama tahpa chhao he, hlano ta lyurahripa achhy daihti liata atheihna hlana chhao kha sacrifice tah ei ta, atanoh ta Beipa lata a hlana nata a piena chhao he sacrifice ama tah pyly thlah ha.
Chavata kheihhawhpa hawrawh rai cha se, a hmana (context) nata daihti rei sai cha ta, "samaw" cha bati aw pih ta, Krizyhpazy ta aly kawpata eima hma thlah ha awpa a cha. Krizyhpazy ta "samaw" eima hlapa vata Khazohpa hie eima pahah tlamaw nawpa y leipata, Sata eima palysa muarua nawpa chhao y hra vei.
Eima reihkah a pahneirosapa cha ta, chavata kei ta la hma tyh awpa pha ei tah kaw.
Vanoh Paw
| < Prev | Next > |
|---|
