EDITORIAL - Mararah zohna tawhta khaihna la eima siena lathloh liata khih peimawh chaipa tah sila eima tachhei lei awpa cha Saikao khih he a cha. Mararah zohna liata eima y thlah no ta, eima pioneer missionary novah Rev. & Mrs. R.A. Lorrain zy ta he khih he mission centre chata vaw hmah ei ta Khazohpa bie (khaihna chhaichhi) peimawh kawpa chi ama vaw hie tuana a cha hleikho ta Marareih ta ta cha achuna school ama vaw padua tuana su chhao a cha.
(Saikao khih liata Maraland Missionary zy Thla O sa ngahaipa)
India rah ryureina ry liata eima ngia hla zydua cha Marasawzy chata eima thlahpa lata khihpi nata sapa lata centre peimawh chaipa cha ta, atanoh liata tobi leipa ta thotlah khih sakha la ta a liehapa nata he hawhta a y thlahpa he Marasawzy mohmia eima pasai thai leina achapa ta lyuta, eima missionary hnohchaipazy maniah ama lo sai hlata biehneituhpazy ta mohmia pasaih pathi ei sala kho achhih hmeiseih.
Mararah liata khih asosah chaipa nata peimawh chaipa cha atanoh eima mo khiah tholah khih sakha lata a lie haw. Achhapa cha Siaha nata Tipa liazy ta Mararah liata sawkha department peimawhpa zydua eima so khai vata a cha tah sila tah chhei ngyu ma pi.
Rah dyhchhiepa liata cha sawkha rai hriapa ama hluhna nata sawkha supipazy he khi asosah viapazy cha ta, rah hmasiehapa (developed countries) hluhvia liazy ta cha ama national capital zy, state capital zy nata headquarters nata township khihpizy he khipi chaipa nata asosah chaipa chahlei vei ei. Achhapa cha ama economy tha patlo tuh chaipa cha sawkha ama cha khai hleilei vata. Rah dyhchhiepa lia deikua cha sawkha a mokhah thlahpa eima cha vata sawkha rai ahriapa ama hluhna su zy cha khihpi peimawh chaipazy a cha viaro.
Chavata, Missionary zy ta Marasawzy byhna eima dao nawpa su ta ama vaw tly hapa Saikao khih chhao he sawkha la tawhta department zy sopa ta khih peimawhpa ta India sawkha ryureina ry liata eima y khaoh chhaota eima tao pazao heih awpa he eima byhna daona eima paso thaina nata taodah dopa a cha cheingei aw.
Chavata Saikao khih tobi awpa ta cha Mizoram sawkha ta department thokha aso theina tei pa chasala pha kaw aw ta, cha hawta so awpa ta lakao a pahy tu leipa chhaota keimo eih ta ta ryureina eima hneipa Mara Autonomous District Council (MADC) heta cha department thokha he soh sala, officer thokha pahrana su vaw cha aw ta, cha chata Siaha nata Tipa ngala pangai leipa ta Saikao chhao kyh hluhpi liata pangai byuh hra aw ta, he he ta eima mission supipa chyhsa hluhpi chata tlyna chance a vaw cha hra aw. Lathloh zy vaw pha via laih lyma ba hra aw ta, dawh kawh 1, 2 zy ta khih hluhpi tawhta ama tlo thei ha hra aw.
He department ama sopazy vana he ta Mara chathaipa hluhpi he liata vaw y aw ei ta, khih ama vaw sah aw. English medium school phakawpazy chhao he su liana heta a y cheingei a byuh hra. He he ta Saikao cha Mararah liata educational, cultural nata spiritual centre hmeiseihpa acha tyhna su la ta a palie cheingei aw.
He hawhpa su pipa a cha tita cha Marasaw hluhpi ta eima pahra khohna su vaw cha aw ta, Marareih ropa eima hma ngahaipa 'Tlaosai reih' chhao he ado viapa ta pikheipa ta ahmah leipa Chapi, Hawthai, Vytu nata Zyhno sawzy ta eima vaw thai via cheingei hra aw. Achhapa cha keimo nata keimo lihkawh liata Marareih ropa eima hma ngapa eima thei hluh via awpa vata; he heta Marareih ropa peimawh kawpa cha ro dah chhao thai via awpita, literature la chhao thata eima sah via cheingei aw.
Mara nopaw thokha Saikao liata eima missionary na school liata cha achupazy tawhta eima pahno theipa cha, Tlosaih reih ropa nata cheipa ama thai viapa he a cha. He he Marareih laiseih via lyma n'awpa chata a peimawh hmeiseihpa a cha.
He hawhta Saikao khih he su peimawhpa a cha awpa he Mara rah chata hmo peimawh cha ta, reih dopa laiseihna cha aw ta, awnanopa hnatlana phana cha aw ta, Mararah chata byhna a cha cheingei aw.
-
|2010-08-18 04:37:39 a do kawBaptist nata Serkawn ama pacha peimaw kawpa hawta Marasaw zy chhao ta Saikao khi he papeimawsah a dai bah.
-
|2010-08-22 07:39:36 Anonymous - Apeimawh kawpa tlai a cha.Ado kaw. Eima Missionary novahzy ta,eima rah pakhaisa awpa ta ama vaw chhaina khih cha ta,eima pasoh thai kaw awpa na ta,eima cheichalo thai kaw awhpa a byu. Mizoram sawkha ta mania a uasa leipa chhao ta,eima rah nopawzy ta ama paloh liata ama thei thlaha awhpa nata ama mylei awpa he apha kaw awh. Tawla akhih liata pahra penaw chhao he ta,eima Missionaryzy Centre hawta ama hmana khih a cha tahpa he ama paloh liata athei thlana cho ta,sapa nata thlahpa liata chhao amopa tlah chapa ta ama y lyma awpa chhao he apha kaw awh.
-
|2010-09-08 12:33:42 hyderabad soccer - He building he???Evangelist Eb/AB..(sorry..whatever..) ta Donation khie pata a sahpa kha cha vei ma? Patlapa cha ma vei ma ie??....
-
|2010-09-08 12:47:24 AnonymousPatlo mah leipa a cha... Evan. Ebi ta sohhnawh atohpa a cha. Mararah awnanopazy ta ama support na chhao hmo peimawh kawpa cha ta, fundraising chochah liata awnanopazy ama pasaina nata apiepasainazy Khazohpa ta byhna pieta, chavata a hlao chhao atloh lyma eima tah thei aw, alypa a cha kaw..
- SK Satlia
-
|2010-09-16 08:26:01 PasaiphaMaraland.net,"Mara pho zie" pachi Hlychho rohpa he reih byuh achhih kaw. Plz..
-
|2010-09-16 08:35:28 maraland.net@Pasaipha, na comment eima no avah dah ta tla chavaw chho si la. Puhpa Pachi Hlychho "Mara Pho Zie' tahpa article aropa a yna cha Maraland.net Menu Articles > Mara article ry liata post pa a cha. He http://www.maraland.net/articles/mara-articles/508-mara-pho-zie.html liata reih ma y. Click the link.
-
|2010-09-22 15:06:53 Pasaipha - No-ah eita kaw hra....Maraland.net, eicha hawhna hlaopatlo awpa ta, einaw chhotheipa va chita eicha ly ngasa. Anodeikua he article he Maraland.net Manu Articles > Mara article ry liata post pa a chapa haw ta, ahropa article zydua he reih thei awpa a cha khai thlaha tarawpa ta, he Puhpa Pachi Hlychho "Mara Pho Zie" tahpa article ngahla he apahy thei leipa a cha. Keima chhao no-ah eita kaw hra.... Ahropa nama post na dahawhta vaw post thei u la ei ly kaw aw.....
-
|2010-09-22 17:39:45 Maraland.netDear Pasaipha, Puhpa Pachi Hlychho article ropa kha eima vaw kho pathi haw. MSword liata ropa he a format ualua ta eima post tita Internet Explorer ahmahpazy chata ala lei daihti a vaw y tlamawh tyh vata a cha. A vaw comment thei thlahpazy kha firefox nata browser hropa ahmahpazy ama cha ngyu aw. Bah vaw pahy pathi muh vy, formatting ataopa - bold, italic zy deikua eima vaw soh pathi aw... he http://www.maraland.net/articles/mara-articles/508-mara-pho-zie.html liata... Post alaleipazy a y tita bah maniah vaw pahnosa chanei lyma tyh mu vy. Eima chaly kaw..
| < Prev | Next > |
|---|
Na saina da a pha kaw na, anodeikua ...
Chua? misual.com liata The Doctor c...