MC. Dr. S. Hrachu ta Mara reih cheingei ta "Lailâhzy ta veih lâ lyuhbie sôh naw hlâ ei" tahpa article pha kawpa arohpa he vaw reih hra tua ma y. He article pha kawpa he Siaramo, MTP official Weekly Newspaper liata papua tuapa a cha.
Lailâhzy ta veih lâ lyuhbie sôh naw hlâ ei
by MC. Dr. S. Hrachu
College Vaih, Siaha
MC. Dr. S. Hrachu Nohthlahpa. Photo courtesy: Marasaw.com
Keima byrypa thâtih tlai cha Siaha khihbôhpi noh to Thâtihbu liata chapaipa ei hmô thlâh hapa cha Noâh tahpa ta ei luh patha leipa tlai eina pakhaosa ngâ kaw !
Siaramo nata Moonlight he zâhsâ hry ta ei thâ nâ chaluah chaipa châ ei ta ei ly ngaita ei. Ei phuh leipa Doctor Degreee he khâpa vâta ma keima thaina sona ahnei leipa nata Primary pachuhtuhpa riatawpa heta Middle nata High Siku Hyutuhpazy hmah ta ama hmô leipa ta ei vaw hmô thlâh ha tly i ?! tahpa pachâ na ta kâchhie lâta avaw chhih ta; châhrasala Abeipa Khazohpa ta ei hmia lâ liata lâthlôh eina vaw taopa hapa a châna zie nata einâ chhi lymânazie ei vaw pachâ nata ‘Keima vâta châ leipa ta, Nô chhôh tawhta ei vaw pi tawhta Zeremia hawhta nâ pananotuhpa Khazohpa vâta a châ tahpa pahno na ta Ano hnohta alyna bie ei reih.
Mo to khokheina nata alyna reihkah zy, khokheina kuhria to zy, hlâno pasaiphazy pâchhô liata chavyh-Ngiahraih nata sa to luh ama tawpa hawhta nata ama paziahpa hawhta RYUCHÂ tlâhpakyu angia ngaitapa hluhpi, a chhôh liata châ â chapaipa hrochhôh ta moai lei awpa zy pâchhôtlâh tlôro nâ vaw paziahpatuhpazy, ei sawnawh sahlao nata Edenthar Local Church ta vao lai ngaitapa tan â lypatuhpa zy, Tâkâ sôh lâta nâ baotuhpa zy, Degree Dress nâ vaw taopa tuhpa nawhtanawh K. Ngôlâ nata S. Hiatô zy, Town chhôh liata Awnanopa hropa pasator zy nata ECM Executive Secretary zy, Moderator nata eima Pastor nawh zy, Aizawl tawhta C.N.I. Pastor nata Dr. R. Lalauva zy, Officer hluhpi nata khi hro lâ tawhta maniah avaw lykheipa nata kyhchhi pati namiah avaw dôhkheipa zydua hnohta alyna bie eima reih.
Kô kha chhôh liata za pachhoh chaipa zâ 21.6.2011 liata eima vaih mo ( College Vaih ) ta Azipa ma Châna hawhta eima O chhiepata liata a eihta ta ( Special ) ta Ryuchâ ngia ngaitapa nata tlahpakyu ( Frame) pha chaihmâhpazy M.CH. P zy, MTP zy nata Siaramo Editorial zy ta maniah kaw hlâ heih ei ta, a Chhôh liata BIEPHAPA hleikho ta, pasyuna bie nata alyna bie ei phuh leina taihta na hlâ pâ heih ei ta, ei ly chaihmâh ei.
Hnôh lâ hâta liata “ CHÂ A THAI LEIPA DAWHTY” tahpa Article khata na palysa kaw ta; chadeikua einâ lykheina reihkah he ei phuh lei chaihmâhpa a châ hri. Ei chô liata nama phana zydua vâta Abeipa lâ alyna bie ei hlâ.
Article Source: SIARAMO(Published: 20th-26th Chhiepa, 2011)
Related:
-
|2011-07-02 06:37:40 AmpanawMacha Dr. S. Hrachu cha website lâ tawhta veih lâ lyuhbie eima hlapazy he a hmo mah leipa a cha ngyu aw. Vaw hmo hrasala a pha kaw awpa tlai!!
-
|2011-07-02 14:02:33 emon_maraDr. S. Hrachu, na phu patlaina na hmo, ei cha lyh khei hmeihseih!
Mara rei he la avaw ngiah kaw tlai na.....! Mara saw mara reih ei thai atah pa zydua article ro lyhma ei sahla a reitupa ama yh leipa chhaota, paso awpa chhata cha chhao rai pha ei tah kaw. Tawhta, marasawzy chata Mara reih Grammar reference pha kawpa papua thei sahla ei tah kaw, a cha nata eima nopaw mara reih athaipa zy chhaota ; ama mara reih ama ro dah alyu tyh leipa ta, reference awpata no rai achhi pa kaw ty!
-
|2011-07-05 19:04:06 Rachel Paw - Dr. S Hrachu & Mr. J VialuaDr. S Hrachu tahpa ta khahla(late twenties) taw rakha takha aw ha ba ei sie la aphu hilia pata ei pahno,,,,,, Dr S. Hrachu tahpa hawna heta vachhiepa Pupa J.Vialua kha, Dr. J. Vialua vaw tah ha hr'aw sila khatlu ma mara hla nata bie eima chei chalo via tly,,,, Achhapa cha Dr. title avaw patai ha hra khiata cha Mola (tlaikao) penaw zy chhao ta mania amavaw za pa via ha hra awpa tlai.....
| < Prev | Next > |
|---|
Paloh hmeiseihpa ta ei ly khei ngaita.
Sakha ei pahno thai -ah leipa deikua cha, Khaziama he a degree hlapa aly kheituhpazy cho liata alyna bie a rei/hlapa lia he ta
"Lailâhzy ta veih lâ lyuhbie sôh naw hlâ ei " a tah va i ?
Paloh hmeiseihpa ta khokheina ama hla chyupa a cha khiata cha
"Veih la lyuhbie.." tahpa reikah he a cha thaitu lama ei tah.
Mara reih ei phahla va ta ei pahno thaitu leipa chhao a cha ngyu aw.
Dr.S.Hrachu ei chaly khei