Khizaw chyhsa to ro ta eima buakhei chaipa sakha cha kyhpachana he a cha tah theipa a cha. Kyhpachana cha hnei chyu pita, anodeikua cha hrylia ta kyhpachana hmeiseihpa nata pakheipa chhao a y thei tlai hra. He article he reihla athohna na hnei cheingei nah ta kha eima loh.
Duhlai LC nata Kyhpachana Dopa
By A. Zawngia, Shillong.
Sala kawpa hawhta ‘eima thyudyuna daihti’ (vaw tah hra tua’ sa) liata cha he hla “Duhlai LC” heta ei paloh na vaw pahnie kaw tyh ta. Nahthlie na ta, ei paloh na eih thai leipa ta. Rah la sie na ta, o tlo awpa ei ngiahtiah leina chhapa chhao he hla nahthlie thlai nahthlie heih awpa ei kho vata a cha. Kei deita ta y hr’aw sala, ei paloh liata he hla nata pyungiapa paryhpazy cha a chalih leipa ta hla cha kha sa tyh ta. Lahlapi tawhta ei thei khia cha, ei chah-ao ei na hriapa ta ei pahno tyh. Cha tlupo ta ei vaw thikhei hrokheipa vaw cha ta. Ei hro chhao, he mydi noh vaw chhi ta dahhawzy a vaw zaopa hawhta azao tyhpa hawhta ei pahno.
Chinlai khuavelah ka lei Lalrengpui. I kaihna run nuam ka bel chang ni hian;
I zawlaidi zun ka phur zual em ni? Ka duhaisam hian ka dawn vawng vawng che.
Ka ngai em che aw, ka Duhlai LC. I tan ka theihna ka nun ka hlan e;
He lai di thian ten kan chhai dun lai che hian, a riang hi sirah min hnawl lul suh aw
Ka rinna zawng leh ka beiseina chuan, hmangaihna rinawm min hlan ve mahna;
Mahse enchim lo I tang belh tur hian, a ngur nun lengdang i thlang dawn em ni?
Tleitir sakhmeltha, i dawn chiang em le? Hei ang hmangaihna nun zawng zawng hlantu;
Ka lawmna kim chu i hmangaihna chauh. Min hlan tawh mai la, engdang ka ngai l’awng.
He daihti liata heta Tlaikaopazy ahaona palohrupa keima liata pih mah leipa ta, maniah ama mohnao kaw, tahpa pachana chhao hnei mah hra va. Thyudyu daihti liata a maohta maoh thlahha na ta, khapa hmah pachapahriana chhao hnei hra va na. Anodeikuala, he hla ei vaw khona kawna chhapa deikua cha, keima hro nata palohrupa pachana ‘hla’ a chapa vata a cha. Keima liata hmo ypa, mohropazy hnohta chho aryh leipa, hmo hropa rai pacha thei leipa ta ei paloh na vaw patypama hmo y ta. Cha pachana zydua cha he hla liata aki khai thlahha ta, he hla ei nahthlie chahta nata ei sa chahta cha ei paloh liata pachana ei reih papuapa hawhta pacha na ta. Ei phao a vaw hua via tyh.
Cha dei chhao cha vei, he hla liata ei pachana cha ahyzy tlyma ta nahthlie hra ei sala, pahnothai hra ei sala, tahpa ta saduzy thlie tyh na ta. Anodeikuala, saduthliena hawhta la, vaw cha thei beih vei. A, chahlo cha-ei hlei leipa ta tla reih sala; Thyudyu daihti liata apah-ru lata khopa (va-iapa) eima vaw hneipa kha cha, ei vaw la pasa ngaita. Kyhpachana lyuhbie va chho awpa ta, ngah tloh na va. Ei paloh liata thi thei tloh va. A bua hra tlaih my! Pacha heih na ta, chapaphaopa za roh na; chahrasala pie ngah tloh na va. Chatanachata, daihti vaw pakho ha heih na, tahpa ta khizaw noh daihtizy tla akho heih tyh.
Viasa hluhpi cha he thyudyupa ‘kyhpachana’ liana heta varo vaw sie ha tyh ei ta, kyhpachana tilih liata ama vaw tla ha nata cha, pua thei khao tyh veih ei. Ama pamoh lalao ha tyh. Achuna uasa thei khao leipa ei ta, ama hmiala daihti pacha khao hra veih ei. Kyhpachana vana chata ama mo cha zoh khai ha ta; ama khizaw cha, ama khono nata khopaw liana khata a chha thlahha. He vata High School akiah patlo khao leipa ama hluh kaw. Ei viasa pakha cha, cha achu awpa ta o tawhta a vaw thao ta. Vaw sie pi ta, rahrina eima tlo nata, “Ei py na pasa” tah ta, a kua ha heih tyh. Anodeikuala, he kyhpachana “Pala Tipo basu”* a vaw thlie leipa nata, thlie haw hra sala a puana dah a pahnopazy chata deikua cha khizaw khaihpa hmona daihti a vaw y heih tyh.
Kei deikua cha ei hmi cha ma chhie tu ha tly, ei khopazy ta khoh leipa hra leipa ei ta. Pala Tipo a tlo mah leipa hawhta apacha na ta. Tipo kiah liata basuhzy cha lahla tawh deita ta a hmopa tla ei cha. Ei khono ta ei na khoh vei tawh cha, rei awpa y leipa ta. Anodeikuala, “Kyhpachatuh hmeiseihpa” a pahnothai leipa vata deikua a hru ei tah ngaita kaw.
Hla lata vaw kua heih ei sihla. “Duhlai LC” hla he ko hluhpi vaw thei khao leipa na ta, zako la liana khata Zomuanpuii ta a vaw sa heihpa ei vaw theipa a cha. He hla ei vaw thei heihpa chata paloh liata athi hapa hluhpi cha, sao vaw cha nata chava a vaw luah heihpa hawhta hmo hluhpi cha vaw thieh heih ta. Ei paloh chhao a vaw lie ngaita heih. Daihti khochiehpazy thata za rohpady heih na ta. He eima pahrana khizaw he a vaw nano ei tah hmeiseih. Eima thyudyu daihti liata eima kho kawpa, eima thi-khei hrokhei nga kawpazy kha a vaw ti-tyh cheingei hlei ma pi. ‘Kyh ei pacha kaw na, ei khoh tu ha na’ eima tah nga kawpazy cha kyh vaw pacha hmeiseih hlei ma pi. Lahpino-vahpa ta hnei cheingei hlei ma pi, tahpa ei hmopapua.
He hla phituhpa thatih nata a phihnana laihsa thatih he ei viasa pakha ta chho ta. ‘Duhlai LC’ nohthlahpazy chhao cha moh pi ta. Biechho thei awpa ta nawhbawzy (Mobile Contact Number) zy a vaw hnei ryhpaohpa vata ano cha bie a kaw chho na ta. Keima dei vaw cha leipa na ta, he hlaphituhpa cheingei chhao heta a ‘kyhpachano’ a vaw ti thei hra vei. He hla tawhna heta a khono kyh a pachanazie nata LC chata a hlanazie, a piepasanazie eima pahno thai nata pangiasa na ta. Chahrasala, LC heta he hlaphituhpa, ano chata hro zydua chhao ahlatuhpa kyhpachana he pahno thai leipa ta, ati thei veih ei. He hlaphituhpa cha, keima hawhta a khizaw cha ‘hnabeidyna rah’ deita cha ta, vadua chaipa ta apahno. Chahrasala, ‘Duhlai LC’ atyh vei hra sala, kyhpachatuhpa atyh hrapa ta, lahpi-sawzy nata aly kawpa ta, ahy hro angiah leipa ta khih ama sa, tahpa ei pahnopa chata keima hro (Testimony) nata aza lyu ngaita kaw.
Chyhsa hluhpi ta cha, kyhpachatuhpa nata kyhpachana dopa pahno veih ei. Khizaw liata chyhsa vadua chaipa ta ei pachapa cha, “Kyhpachatuhpa ahneileipa” zy cha ei ta. A hru chaipa ta ei pachapazy cha, “Kyhpacha hmeiseihtuhpa a pahno leipa” zy ama cha. Keimo heta ahy tlyma kyhpacha kaw hra ei sihla, kyh maniah ama pacha hri hra vei khiala, yzie hnei vei, tah theipa a cha. He hla tawhta pachana ei na pie ngaita kaw. Kyh eima pacha kawpazy khata kyh maniah vaw pahra hri ha hra ei sala cha, lahpino ta eima hnei thlahhaw mah ta. Miah ama khoh lei tawhta cha pasai-pa-i thai hmeiseih awpa vaw cha vei. Chavata, kyhpachana chhao he kyhpachana ta a tyh vei khiata la, yzie hnei leipa a vaw cha tyh.
Pachana hropa tawhta vaw sai heih tua ei sihla. He hla he Krizyhpa hro nata chhao a hmie kawpa ta ei pahno. He hla he Biehrai Parohpa liata Samsawna chhao kha thei sala, a khoh kaw hra nata ei pangiasa cha maw! A hro nata chhao a vaw lyupa kawpa ta ei pahno. Samsawna kha, chyhsa thatlopa nata Izarel rah ryureihtuhpa cha ta. Chyhsa mohpathah kawpa a cha. Ano chhao Delilah kha khoh ngaita kaw ta. Chahrasala, Delilah khata Samsawna kyhpachana pahnothai vei. ‘Veihla lyuhbie’ deita ta vaw hla tyh ta. Achhana liata cha, Samsawna kha avaih thei khao leipa ta, Delilah khoheih liata a ao ta. Raroh y kawpa ta a thi, tahpa eima hmo. Thokhazy ta cha Delilah kyhpachana he chamaih ahneipa kyhpachana (Toxic Love) ama vaw tah. Chi a chhih kaw.
Bei Zisu khata apachupazy nata ano zituhpazy hnohta kyhpachana peimawhzie thata pachu tyh ta. Khazohpa cha palohrupa tlokhuh, sapa nata thlahmihpa tlokhuh ta kyhpacha awpa a cha. He hleikho ta hmiahaopazy chhao kyhpacha ta ama chata byhna awpa awpazy ta pachu ta. Ano ta kyh apachapa hawhta kyh apache raihrie awpa ta bie a pie ei. Ano (Bei Zisu) kyhpachana he “Kyhpachana dopa, ano phana awpa pacha leipa ta, mohropazy chata hro ahlapa kyhpachana” (Greek reih liata cha Agape) a cha. Anodeikuala, apachupa hry liatahpa cheingei ta Zisu kha leih ta. Dawh takari ta a zuah. Bei Zisu ta Juda Iskari hmotao awpa kha pahno thlahha ta. Anodeikuala, Abeipa achana palasapa ta, ano a zuahtuhpa cheingei hnohta chhao “kyhpachana hro a hlakhaipa” a chana palasapa ta kraw taihta riethei a tao. He tawhna heta “kyhpachana” cha khizaw liata hlao a tloh khai leizie eima pahnothai nata ei pangiasa.
Indian Christian Theologian pakha, Hindu zyhna liata theithaipa Ramakrishna Paramahamsa ta kyhpachana he miathoh ta pachhai ta. Chazy cha:
1. Sacricifial Love: He he kyhpachana liata asahchaipa nata chonochaipa, kyhpachana dopa a cha. He kyhpachana liata cha ano sasyh phana nata alyna pacha leipa ta, mohropa a kyhpachapa chata alyna nata palohtlahna tluapa ta hmo a tao tyh. A hro zydua ano chata apaky ta, a kyhpachapa chata a hla khai. A kyhpachapa alyna cha ano lyna cha ta. A kyhpachapa chata hro a hlana liata riethei tao hra sala, papeisa leipa ta. Rietheina cha alyna tlao a cha. Kyhpachapa tawhta khapa hmah ahnawpa (expectation) hnei vei, a tah.
2. Mutual Love: He kyhpachana he cha, abyuhna nata angiahna liata kyhpachana eima palasapa, chhohkha nata viasa hry liata kyhpachana a cha. A uasa kaw hlei leipa pi ta. Anodeikuala, abyuhna liata deikua apaphasai hlei hra ma pi. Keimo liata apahnothaina nata apazaona zawhzi ta kyhpachana ipa cha a y, a tah.
3. Selfish Love: He kyhpachana he cha, ano sasyh alyna, athohna, phana ngalah pacha ta. Mohropazy cha kyhpacha pakhei ta, achhuahna deikua ano athohna nata alyna tlao a cha. Ahnawpa hluh kaw ta, reipasipasuana chhao a hluh ngaita kaw. He kyhpachana he kyhpachana chichhih ngaitapa cha ta. Khoheih hawhta kha apachhopa, kha avaih awpa a cha, a tah.
He tawhna heta arakhapa ‘kyhpacha dopa nata do leipa’ cha a lapasia kawpa ta ei pahno. ‘Kyh ei pacha hmeiseih na’ eima tahpazy kha kyh vaw pacha hmeiseih leipa pi ta. Kyh maniah pachapa hawhta alapa hluhpi chhao kyh maniah pacha hmeiseih hra veih ei. Chanota, thokha cha kyhpachatuh dopa pahno leipa ei ta, kyhpacha hmeiseihtuhpa hmah chha dytha ei ta, kyh a pacha hmeiseih leipazy hmahchha kyh tlao ama pacha lilaw ha tyh.
Atahma tawhta he hla ‘Duhlai LC’ ei thei heih nata ei paloh liata pachana a za ngiapa cha, kyhpachatuhpa ei vaw tyh hrapa a sohnazie zy, aly kaw awpa ei chanazie zy, ei paloh liata aza la tyh ta. Kyhpacha na hmeiseih leipazy ei vaw tyh leipa vata ei vahneinazy, molei chariah tily hawhta arupa hry liata ei vaw pao leipazy vata ei ly ngaita kaw. Chanota, Abeipa ta hrochhoh ta kaolah awpa ta ei khochaipa nata kyh ei pacha chaipa ei na piepa vata aly hmeiseih na ta. Ama hnohta hrochhoh ei kyhpachazie palasa awpa nata, ei hrona zydua ahla khaipa ta amo chata tlao pacha awpa ei chanazy thata pacha papua na ta, tao awpa ei hnei hluh kawpa ta ei pahno.
Ei laihlazy saih u, pacha khoh tua ei suh u. A hrupa hawhta y leipa ta, asopa hawhta y ba ei suh u. Kyhpachana pakheipa nata hiatliana ahneipa tawhta kha avaih ei sihla. Chanota, kyh maniah pacha hmeiseihtuhpazy paso thaipa ta kyhpacha hri hra ei suh u. Hro zydua a hla khaipa ta kyh maniah pachatuhpa Khazohpa kyhpachana he a hmiatuachai liata soh ei sih la, a sanona liata viasa a chapa tlyma, chhohkha a chapa tlyma, eima lahpi-sawzy, chata hro zydua hla khaipa ta kyhpacha ei suh u. Keimo phana nata alyna tlua leipa ta, mohropa alyna tlao tlua ei suh u. He kyhpachana dopa he ochhoh liata a vaw charei tita la, ahryu-sina nata buana y khao aw vei. Lahpino ta vahpa nata sawnahzy alyna tluapa kyhpacha sala, vahpa chhao lahpi-no nata sawnahzy alyna awpa tluapa hro ahlapa ta kyhpacha hra se, chatita la, eima ochhoh he “Varah” a vaw cha cheingei aw.
(*Pala Tipo Basuh he hlano eima mahno mahpaw daihti liata pho hawhta ama rei tyhpa a cha. Pala Tipo kiah liana heta basuh hluhpi y ta, cha Pala Tipo liata liata apahrapazy rohpa a cha. Rah akhiepa nata Tipo lata a siepazy ta basuh cha nie khoh kaw tyh ei ta, anodeikuala ama thliena daihti liata, “Aw, ei thlie tla maw… “ ama tah vei khia cha, Tipo tawhta ama kua daihti liata pua thei tyh veih ei. Tipo kiah, basuh thih liata a khie-hlo a khie-hlo ei ta, a ualuapa lata ama kua heih tyh, ama tah).
Note: Puhpa A. Zawngia he Shillong liata John Roberts Theological Seminary liata BD final year achuhaipa a cha. Shillong Mara Church liata Macha ta chahnaopa cha ta, ano he Marareih ta nohcharei apuapa newspaper alaluah kawpa Khizaw newspaper editor parohpa kha a cha. Maraland.net apalohawh chaipazy hry liatapa ta he hawhta article pha kawpa avaw thyu heih vata acho liata eima ly hmeiseih. Areituhpazy athohna nama to cheingei awpa ta eima hnabeiseih hra. Eima ly kaw.
Related:
-
|2011-07-24 04:19:17 CKC
Dear A. Zawngia(Judith Paw),You are master in Duhlai HC & Kypachana dopa or Agape love. Your article is not bad. I interest the title which you give because we,mara people need the sacrificial love of God in order to make our community better.
I may have the gift of inspired pareaching, I may have all the knowledge and understand all the secrets; I may have all the faith needed to move mountain - but if I have no love, I am nothing ( 1 corinthians 13:2)
Chhochhili theina hneipata, biru zydua nata novana zydua pahno khai hra awh sala, tlazy pasi theina tai ngiapana pakipa hnei hra awh sala, kypachana ei hnei tlo leipa khiatala, khapa hma cha awh vana.
St. Paul is the one who experienced resurrected Jesus Christ and he himself says in Galatians 2:20 so that it is no longer I who live, but it is Christ who lives in me.
God is love. The Trinity of God is love (1 John 4:
In the Greek language, there are four words for love :
1) Storge - Which generally tell about parental love
2) Eros - a love derived from physical gratification
3) Philea - a brotherly love
4) Agape - a love that gives out, or the sacrificial love of God
Duhlai HC is very important. It is derived from Eros. You can not say Duhlai HC is wrong love. All loves in Gk are important for us.
God loved us. So we also must love each other (1 John 4:11). In other words, when we love each other with agape love, God's love comes and shines forth among us, which which shows us God is in us and we are in Him.
Now I ask questions. How do we save others( our brothers and sisters who are in need) wth agape love? do all christains love agape love? Is Duhlai HC wrong love? why does agape love in our pastors of ECM ignor or deny sisters to be ordained pastor?
Your topic is good. I enjoy with it. Please answer my questions.
-
|2011-07-26 09:34:32 AnonymousI am also with CKC, because Agape Love is not effective in ECM Pastors. I heard they excommunicated their own brother from the Church and Jailed him few months back, what do you think?
-
|2011-07-26 12:46:48 KappaDear Anonymous, the pastors understood Agape love and they have been applying correctly. Don't try to drag them here and try to garner sympathy for the excommunicated guy. As long as we live on this earth, we are also bounded by laws including Church. If someone eloped with a girl and run away, they cannot ask Church pastors to let them marry under Holy Matrimony. This is a very simple rule. Does it mean that we should apply Agape love and let them do Holy Marriage in the Church? No.
+
A Church cannot run properly if it does not have a proper set of rules to govern its congregation. There are punishment for disobeying Church governance and rules, as simple as that. The one they had excommunicated too fell under this category. They had considered, they had given him enough chances, but he refused to humble and apologise, instead he went on with his own agenda. Such people deserved nothing but excommunication from the Church.
-
|2011-07-24 07:32:11 AnonymousDear CKC, na comment he sermon sakha hawh tlai a cha thlah hra he zaw. A pha ngaita kaw. Ei paloh chhao atlah kaw. Comment zy he he hawhpa tlai he eima thokhei hmeiseih. Achhana liata hiahrina na taopa he a pha ei tah via pachai cha maw!! Judith Paw article aropa athokheina ei hneipa hawhta na comment chhao he ei thokhei kaw la y...
-
|2011-07-25 06:10:14 Judith PawComments pha kawpa vaw hmo na ta, nama cho liata ei chaly hmeiseih ei. Paso kawpa ta areihtuhpa zydua hnoh chhao ta alyna bie ei hla hra. A viapahchaipa ta @CKC comment pha ei tah hmeiseih. Na hiahhrina he a vaw chhy awpa a chhuah taraw na ta, chahrasala hiahhrina 1 & 2 he achyuta ta reipasia thai awpa a cha leipa vata daihti ryhpaohpa liata Part-II ta tlao pazao sala, pha via aw khiah maw, vaw tah na ta. Chavata yzie hnei viapa ei vaw pachhuahpanoh aw.
-
Na hiahhrina 3-na he a pha kaw. Duhlai LC hlaphituhpa ta 'LC' chata akyhpachana he kyhpachana dopa, hro zydua ahlapa kyhpachana a cha. Kyhpachana 'eros' hmah cha hrasala, hro taihta ahlana he 'Sacrificial love' chhao a hlao. Hlaphituhpa ta kyh a pachapa hawhta 'LC' heta kyh vaw hri hra sala cha, kyhpachana kipa vaw y aw ta. Novah pha kawpa chhao ama cha thei ngyu aw. Chahrasala, LC heta ano kyhpachatuh hmeiseihtuhpa (he hlaphituhpa) a pahno thai leipa vata atanoh taihta dyhcha mah vei. Chavata, a cho liata ei rei hapa hawhta 'Kyhpachana dopa, hro zydua a hlakhaipa chhao he eima pahno thai vei khiata la tlyma, keimo ta kypachana dopa pyly ta kyh maniah pachatuhpa kyh ei pacha hri hra vei khia la, kyhpachana yzie hlei leipa a za cha thei' ei tahna a cha. Khazohpa kyhpachana he a rohnah kaw; chahrasala a sozie pahno leipazy chata yzie hnei hra vei. A pahnothaipazy chata deikua, na reipa hawhta mohropazy cho liata kyhpachana (agape) cha eima palasa cheingei awpa, tao cheingei awpa a cha.
-
Hiahhrina 4-na deikua he, keima chata rei awpa ngiaryh leina ei hnei. Achhapa cha, ei lahpino he KNP (H) liata Secretary chakaona raihria ngahaipa cha ta. Keimo pha nawpa ta mohropa reipachhiepa alyu thei awpa vata, rie bah n'aw pachathai bao mah y. Anodeikuala, eima nopawzy palohru liata chano he pastor ta a pyh thei thlahha ei ta, maisah chhao ama pakiasa thlahha. Ama hlaozy chhao atahma la, chapaw theologian zy nata apalyu haw hra. Mizoram Synod nata Baptist ta women ordination ama tao noh ta ama tao thlahha hra bao na.
-
Ei chaly kaw ei.
-
|2011-07-25 14:30:40 Anonymous
Dear the great Man of God and Boss of Mararah, thank you for appreciating my useless comment and interacting with it. The land in which now we are living is not our land. We are marching towards our own land given by God. When we reach our land, we will be governing ourselves. Our parents will no be waiting the decisions of neighbor's parents. We all will be working hard like God who has created everything and no one can't despise us. We will not be thirsty no more like today.Our parents will comprehend the needs of their children and give accordingly. We will praise and thank God from the bottom of our heart in that land.
Dear Judith Paw, thanks for answering my questions and I'm sorry for my mistakes such as Duhlai HC/ Duhlai LC, can not/ cannot etc.
The Woman : Your lips cover me with kisses; your love is better than wine. Take me with you and we will run away; be my king and take me to your room. We will be happy together. (Song1:1f)
The Man : Like a lily among thorns is my darling among women(song 2:2). Therefore, Eros love is very important and it's needed by many of us all right.
I really enjoy with you. May God bless you abundantly.
-
|2011-07-26 09:08:30 JK Chozah : ATC Aizawl - Judith paw...Judith paw nge nge a vaw hno kaw tyh na. Judith Paw tahpa chhao he Pu KC (Zikpuipaw) generation influence a cha thei hra ma?. Duhlai LC generation khata napaloh thatha a cha vaw chhei naw, hma la na hmo nata la pangiasa vana ! Na Context pasu kaw apha kaw, aly a chhih hmeiseih.
-
|2011-07-26 12:30:29 CKCDear Brother, thanks for interesting the characteristic of Agape love and being with me. What you are saying/asking is right. But you are very fast. We have to be systematic. Judith will firstly answer my remaining Qs and we will discuss step by step and apply agape love in different way for the betterment of our community. It is always good to enjoy by asking good Qs to God's chosen person like Judith Paw. You also ask to him.
-
|2011-07-26 14:58:08 CKCDear Brother Kappa, brother Anonymous is telling me what he understand, heard and asking my opinion. Please don't try to misunderstand his comment. Do you know? why does he ask me? because I am talking about agape love. You can challenge Judith Paw or me who is talking about agape love not anonymous. you are not me. Thanks for joining with us. What we are learning from Judith Paw is
" A hrupa hawhta y leipa ta, asopa hawhta y ba ei suh u" very good and inspiring sentence.i like too much.
we are enriching each other.we are not blaming any one. who is asopa? a wise man is the one who fears, loves the LORD with his mind and heart. We want to be wise that's why we are interacting one another. Understand me please.
-
|2011-07-26 15:36:41 KappaWell, CKC, @Anonymous is blaming ECM Pastors in the above comment which I replied. And I hope you too will notice such condemnation coming from someone who seems to care about Agape love. How can we keep quiet when such accusation is made against our beloved ECM pastors? That's all I want to say.
+
I am blessed and enriched by Judith Paw's article and comments, as well as yours. Do keep going! Kei chhao Marapa pyly na ei cha hra bao. Thachhiereina rei leipa ta a pathaih kawpa ta comment dah a y thlahpa ta ei pahno.
-
|2011-07-27 08:08:24 AnonymousDear MrKappa, you are saying that "ECM pastors are understood Agape love and they have been applying correctly"? then, Agape Love must be wrongfully applied or must be a failure, Pls read carefully what CKC has said, "4) Agape - a love that gives out, or the sacrificial love of God". "A God who died for sinners like you and me" . Please read John 3:16, 1Cor.13, 1Joh 3:11-18, 4:20-21, "If a man say, I love God and and hateth his brother, he is a liar; for he cannot loveth his brother whom he hath seen, How can he love God whom he not seen? And this commandment we have from Him, that he who loveth God love his brother also" "Whosoever hateth his brother is a murderer, and you know that no murderer hath eternal life abiding in him" (1Joh.3:15). Pls also remember that a righteous person can suffered like sinners, e.g. Job & 1Pet.4:12-19.
-
|2011-07-27 08:36:53 KappaWell, well, well. Read this:
A Church cannot run properly if it does not have a proper set of rules to govern its congregations. There are punishment for disobeying Church governance and rules, as simple as that. The one they had excommunicated too fell under this category. They had considered, they had given him enough chances, but he refused to humble and apologise, instead he went on with his own agenda. Such people deserved nothing but excommunication from the Church.
c
It does not mean that they hate this particular guy. He did not adhere to rules and regulations of the said Church. What Agape love you are talking about? If we apply agape love then why not let everyone get married under Holy matrimony? We don't and you damn know about it. That's a simple rule. We still love (agape) those who broke the rule. But, this is not Heaven, we are on earth. So, I guess this excommunicated guy will have a hard time explaining to God -the Chief judge when we all go to Heaven. What you've written above are very good, but I hope the excommunicated guy and everyone will start applying it in practice as well. If we apply our common sense, we can understand when to use the law of Church and agape love!
+
If this excommunicated guy understood what you've mentioned above, why should he went on writing defaming others? His intention was like those at Rev.12:10. - an accuser. He loved accusing others and defaming their names. He wants others to have agape love on him but he will not do the same. he will nail them with his flaming and writings. So, let us be reasonable in our arguments. Cheers!
-
|2011-07-27 09:19:03 AnonymousMrKappa, look like you had met Mr Excommunicated guy and had persuasive argument with him and have not succeeded?? Becoz you seems to be well aware of the situation, you said "They had considered, they had given him enough chances, but he refused to humble and apologise, instead he went on with his own agenda" if this is true, I am totaly with your decision. Pls tell me when and how ECM pastors ask & approach this ex-comunicated guy to compromise with their idea? and by applying which rules & regulations they have had excommunicated? I will be very thankful. I wan to know the truth, only the truth.Pls.
-
|2011-07-27 09:30:51 KappaUnfortunately, the truth is for the Court to decide because both the parties contested the truth they claimed and stood for so many years. And it will be premature for us to pronounce at this stage. The verdict will be pronounced very soon by the court at Siaha. Please have patience and wait till they do. Personally, I don't want to see this kind of fight by men of God. Even if I say something, it will be my truth which can be contested in the court of law by the opponents and vice versa. Therefore, let's leave it here and wait for the truth to come out from the court.
-
|2011-07-27 10:14:36 AnonymousOk, Mr Kappa, that is what i want to hear, lets be truthful and listen to what both the parties has to say in Court. If i am not wrong, you almost cross the border in supporting pastors, that is why i was little bit worried about you. Just like you, i dont want to see pastors in Court, unless others dragged them to Court. I dont like the present situation becoz, instead, the pastors filed an FIR and dragging their sheeps into secular court, this is what i cannot think of. Where is the Bible? where is Spirituaal leaders? I already had a talk with MrExcommunicated guy (as you said), but i will not reveal anything until the court decides, you've made a good decision,
-
|2011-07-27 10:26:01 Kappa - correctionSo, please wait patiently, please stop asking, "Where is the Bible? where are Spiritual leaders? Why ECM pastors, this and that...." Please have patience. If you keep asking, I will also try to respond... hehe...
+
Ok, that is good for you and for me too. My request is what we are talking about is Sssso off topic, and please stop asking. The author will be upset by now. Let's get back to the topic without naming people. Have a great day.
-
|2011-07-27 12:06:33 CKCDear Brothers(kappa and eternal life), very good. Let's be wise more and more. We have right to enrich and question to Judith Paw who is teaching us Kypachana Dopa(Agape Love). Sorry for my selfish idea/mistake. Asopa is a person (she or he) who fears and loves the LORD with all his/her mind and heart. Let's allow Agape Love in us to grow quickly. Thanking u.
-
|2011-09-10 11:29:02 teny kca - "dear duhlai lc mania"what u wrote was perfect....i'm realy impress...wana asked u dat,,in dis sinful world,,can sacrificial love comes true..........................
-
|2011-09-11 08:54:28 A.ZawngiaDear @teny kca, ei chaly kaw.; ei article na vaw reihpa vata nata hiahhrina na vaw taopa vata. Ado kaw, eima khizaw he hmah vaw sie lyma ta, a sosah via lyma ta, moleina poh via rili ta, kyhpachana chhao a padah via lyma, eima tah thei aw. Anodeikuala, Zisu Krista kyhpachana nata Paw Khazohpa ngiachhiena he padah via leipa ta, moleina tily aru via nata kyhpachana chhao tha a tlo via hra. Hro a hla khai hana tlu hleikho ta kyhpachana a sah viapa nata athuh viapa y hlei vei.
=
Satlia nata laihsa likawh, novah cha hlata chhao he kyhpachana he a y thei. Anodeikuala, "Sacrificial Love" a cha nata cha leipa he khotho la tawhta pahnothai ru kaw ta, achhoh liata a ypa chata cha apahnona dah a y cheingei nata ei pangiasa. Lahpino/vahpa cha mah hra vei ei sala, "hro a hlakhaipa kyhpachana a hneipa" hluhpi ama y, nata ei pangiasa. He liana heta satlia nata laihsa hluhpi cha eima so thai kaw awpa byuh ta. Ahy he ma, kyh na pachatuh hmeiseihpa? tahpa ta pachana pasoh kawpa ta kho a pathliah awpa a cha. Kyhpachana mozohpa tawhta deikua a pahnothai vei.
=
Tawhla, novah likawh liata a pahnothei kaw. Lahpino hluhpi cha vahpa nata sawnahzy, chhohkhazy chata a hlakhaipa; ano alyna hlata vahpa nata mohropazy alyna a pachapa hluhpi ama y. Cha hawhna hra chata Pawhrahpa chhao, a lahpi nah sawnahzy hlata a hlakhaipa hluhpi eima opa lyuhri liata hmo awpa ama y. Chhohkha liata adyhryhna nata alyna he Soh nah piah hneirona cha leipa ta, he "sacrificial love" a hnei nata hneileipa he tlao a cha. Chhohkha hluhpi cha he khizaw moleina heta patypama veih ei, tah thei awpa ama cha.
-
|2011-10-04 19:10:55 AnonymousAhe article apha chaima na ,areitupa zypita phahnai khei achhua ei su u, aviapa chaipata keimo thyutlia zy pi heta.
-
|2011-11-16 02:14:07 Anonymous - (Question) plz tell mePleas tell me below question.I don't clear it.
India Christian Theologian pakha, Hindu zyhna liata Theithaipa Ramakrishna Paramahamsa ta kyhpachana he miathoh ta pachhai ta:
natapa Ramakrishna Paramahamsa he, krizyhpa ma a cha?Hindupa ma a cha?Hindu theithaipa tawta krizypa vaw cha ta christian theologian chyhsa pakha a vawhchapa ma a cha? tapa he ba na vaw chhopasiathei bei la lypa acha kaw aw.
Article he a pha chai ma!
-
|2011-11-18 06:18:31 Judith PawNa hiahhrina he thlai vaw hmo leipa na ta, na pachathaina ei cha haw. Ado kaw, Ramakrishna he krizyhpa eima tahpa, Awnanopa liata moh a pangia ta, bati a vaw cha hapa cha hlei leipa ta, chahrasala Zisu pachuna apyhpa, Bible chhao ano ngiapana chata a hmah thlahhapa a cha. Puhpa Mahatma Gandhi zy chhao he ano hawhta Awnanopa liata a vaw hlei leipa ei ta, chahrasala Zisu zituhpa a cha, tahpa ta a reihpa a cha hra. B.D. achuna liana heta he hawhpa Hindu cha thlahha tloh, Zisu pachuna apyh thlahhapazy thatih he achu holo pi ta, amo cha Indian Christian Theologian hawhta reipa ama cha.
Ei chaly kaw
-
|2011-11-18 14:57:14 Anonymous - Patla-paziah khoh via tua siJudith paw
Nâchheihna vaw hmo nata lypa a cha kaw.
Theologian tapa kyh he ei theihna haw ta ba vaw rei chhi hra tua sy.
Theologian tapa he GK word tawta a vypa study of God chata K'zohpa(keimo achhyhpa God) thati a chuna kyh liata athai patlua via pe'naw a machathei awpa ta pachapa a cha. theology students mohmai ta theologian tah thei awpa chhao chathei thlyu ngao vy tahnata,the truth sound doctrine liasa apahno kathluh hawpa nawzy he theologian ama tahrahpa ta ei pahno.chyhsa hluhpi ta k'zohpa angiahpa tuhpa hrei ta bihrai(Bible) apahno kaw pa naw he theologian amatahrapa achahna ta pangiasa a chhi.chahawhrata politician nahchhao he politics apahno kawpa amacha khai tawta politician amata hra.
'Madhu Ravoori' rohpa grammar cha bu liata "krishna is regarded as the incarnationtion of hidus" tahpa hmopa a cha.Anoh he krizy na liata moh apangia pa thati he achhapa (reason)pahno byu achhih kaw?Mahatma 'Gandh'i chhao he krizy pe'naw bible he religion hrei ta hma awpata apha chaipa ta eipahno tahta anohdeikua krizy pe'naw hro he ei mohti ta zisu pazi awpa ta ei kho leina chhapa tlao a cha atahpa eipa hno hra.Zisu pazi tuhpa tahpa yzie cha ngiapa tuhpa zisu krista cha beipa nata pachha tuhpa apy penaw deita aw theipa achahpa ta ei pahno.(keima pahno dah ta a cha).
Buddhist,hidus nahzy he ngiapana ky liata keimo krizy penaw hawta tahleipa eita compromise na amahnei thei kaw pata ei pahno.Chahlei khota Gandhi nata krishna zy he ama libra kaw eitah awma?ama philosopher kaw eitah awma?pachia chhihkawpa chyhsa ta ei pacha ei.
Theologian tahpa he theology tawta avypa GK mohchho tawta meaning a vawpuapa a chapa vata libra kawpa ta reihpa a chakhia la, krizy leipa theology ko hlupi avaw chu hawpa zy he sound doctrine nata bihrai(bible) he Gen tawta Rev taita ama pahno kaw khia la theologian tah theipa acha thei hra thlyu aw.Anohdeikua "christian theologian" tahpa he la Gandhi nata Krishna hpz aw awhpa he la bata apha ah tla ma i tahpa ei pacha kaw.christian theologian tahpa word he theologian tahpa word nata avaw nahno pah kaw thei thyu hra aw.cha eima chuna liah he cha, khapa rai pahly pakhei khai pata achuhpa acha vata he hawpa article rohna le he ta keimo ta ama view eima py khei pah pakha ro pa chhao achathei thla awpa vata krishna ta christian theologian taawpa ky he theology achupa acha va tleima? areason chhao ei pahno byu kaw.judith paw nata ahyrai apahnopa mai tawta thei byu achhi via kaw.
Keima pokha apy dah tala krishna he christian theologian pakha ta rao thei vana.
Ngiachhipa ta he chochah eivaw ro hluh pa kawpa he pacha nathai chyu bei ula, judith paw hnota pacha leina la ta napacha hra bei leipa sala hmodoh pa leta apahno tuhpa nata apyna dohpa liata acharei tuhpa eima cha awpa kho na vata a cha.
-
|2011-11-18 11:23:44 Judith Paw@Anonymous, na reipa he ei cha pyhkhei kaw thlahha. Eima py dah nata pahnonazy he alyu tla leipa ta, cha cha eima nanona tlai a cha. Keima ta ei pyh theileipa hluhpi, mohro ta ama pyh thlahhapa hluhpi a y hra. Chavata, na pyh theipa chhao pei bao vei. Senate of Serampore Syllabus liata "Indian Christian Theologian" tahpa Subject sakha ta hnei pi ta, cha liana chata Swami Vikekananda zy, Radhakrishna zy, Raja Ram Mohan Roy zy, MM Thomas zy, KC Sen zy, Sadhu Sandar Sing zy, etc. pahlaopa ama cha hra cha maw! Syllabus ama tao nota kei na haosiah hra leipa ei ta, ei pacha nawpa chhao pahno hra va na. Ama hry liata thokha he Krizyhpa cha cha leipa ei ta, anodeikuala Krizyna thatih nata Bible a pahno kawpa ama cha tlai.
| < Prev | Next > |
|---|
