Mararah chhoh liata KTP sahlao nata Awnanopazy chata thlachha kheina awpa kao pahno nawpata reileipa liata eima tlo awpa 2007 KTP JC pakhypi, thatih aryla hawhta achyh ei vaw palasa.

Biehmiapa: 2007pa he marazaw zydua chata ko peimawhpa nata ko sohpa a cha aw achhapa cha Marara liata thatihpha avaw tlo tawhta ko 100na achapa vata Centenary Jubilee acha haw. Jubilee ta athyu kheipa byhna toti cha Marapa chata K'zohpata miah asody ha aw. Mararah Gospel Centenary kyhchhi rohnah ngasapa he December 12-16, 2007 Sabyhpi khi liata tao awpa a cha aw. Cha kyhchhi taona awpa apatohpatiana chhoh liata eima y ngano ta KTP JC pakhypi he MEC nopawzy ta Pre-Centenary khychhi hawhta taopata MEC KTP JC, KNP JC nata Assembly EC sathoh pahlypata Combine tao awpa a cha. He pakhypi KTP aduana 1947 tawhta chhuhpata ko 60na Diamond Jubilee acha hei hra. Chavata KTP Sahlao chata he ko nata pakhypi he apeimawh kawpa a cha.

Pre-Centenary Pakhypi

Asu : Lialaipi Vaihpi
Tlonoh : March 7, 2007
Painoh : March 8, 2007
Theme : Abeipata hmorohnah ngaitapa miah tao haw ta eima lyngaita
kaw. Hla.126:3

Delegates avaw tlo awpazy cha:

KTP Delegates:
1. Youth secretary nata his team ( Baptist Association of Maraland)
2. Youth secretary nata his team( Evangelical Church of Maraland)
3. Youth Secretary (Myanmar Council of Churches)

Assembly Delegates:
1. MCC delelgate
2. ECM Delegate
Hlapy a vawtlo awpazy cha: 1. Gospel Outreach Choir
2. ECM Vaihpi Hlapy
3. Tipa Local Awnano Hlapy
4. Zyhno Awnano Hlapy
5. Laty Awnano Hlapy
6. Laki Awnanopa Hlapy
7. MEC KTP Hlapy zydua nata chheipah liata Awnanopa Azao KTP hlapy, Lautu KTP hlapy nata Zophei KTP hlapy chhao hruapa ama cha hra.He liata KTP hlapy nata hla solo zy ataopasuana a y aw.

Mara Satliapa hlasa thaipa nata laisa hlasa thaipazy ama vaw tlo holo aw.

Solo apahawhpazy cha: Ls. Vadawtlei Hloma, Ls. Khihlame, Lialaipi, ls. Mange,Tisi, Ls. Neiha, Sabyh, Ls. Krawsngia, Siaha, Ls. Debora, Siaha, Ls. Sida Lialaita, Ls. Tamari siaha, St. Khaisa Heima, St.Beikhochhi Marahla, St. Sacho Ngephepi. etc....

Abeipa ta hmorohnapa miah ataopa vata satlialaisa reithai pyu cha Mararah liata diah beih aw vei. Laki KTP he khichhai dyna apahawhpa cha ei ta kyhchhi zydua liata miah bua khei awpa ama cha. He liata Centeanry chata hmo pachhuahpanohpazy ( steward maluh 100 atlypa, hlapy maluh 100 atlypazy nata Centary chata seminarzy hnei awpa a cha aw) Centenary T.Shirt nata Lakhu zuapa a cha hra aw.

Marara Gospel Centenary LOBO MEC Office liata bona chhao a y hra aw. MEC Office Building thiehpa Cement o 50x20 pa pahyna chhao a y aw. Khichhaipa estimated 2000-2500 amokhah a cha.Kyhchhi achahkheipazy cha:

1. St. Taisa: Khichhai a vawtlopa nata khisawzy pakhypi chhoh ta thopi adaina taih chata Amul nata chini chaleina Rs. 45000-50000( Kyats 12 lakhs) a beipa liata chi a pabu.

2.Hlapy ataopasua chata First Prize he P.P.Zalena(Outgoing KTP President, ECM) tawhta Kaobei kha 10pa miah pachhuahpanohpa a cha.

He kyhchhina pitlo thei via nawpata K'zohpata ama cho liata hmo rohnahpa ataopa vata Centenary alykheina chata Kazohpa byhna patosapa tawhta achahkheipa St. Taisa(Armenia) nata P.P.Zalena(Siaha cho liata a eih viapata alyna bie eima reih.

He kyhchhi liata a vaw hlao thei khaoleipazy chhao palohru liata thlachhana ta avaw hlao ula, eima cho liata Abeipata hmorohnahpa sakha ta chha ataopa vata alyna bie rei su vy.Pre.Centenary Celebration a khihnarah kawh via nawpata thlachha abao su vy.

Krista liata,

Rev. Zodau
KTP Secretary

Comments

mara Written by Guest on 2007-02-27 01:02:44 a hlao hraw thei hr'aw sila atlua atla aw pada chu....laisa hmisia pazy ama hlu thla nata aw..

Khydi Written by Guest on 2007-02-27 04:07:37 Mara lolz...    Adokaw... Nochhi nata notla Mara thyutlia ama ki kaw aw.. y byuh achhih kaw hra...

Write Comment
Name:	Guest
Title:
Comment:
Code:*

Powered by AkoComment 2.0!