|
Page 1 of 2 SIAHA: Atahma asiehapa Chutyno za khata Meisatlah okathi State Vety Quarter liata chhokha pakha member 4 nata ama khichhaipa pakha cha ahyma tahpa pahno leipazy cha o angiathlu eita ama thie khai haw.
Atahma asie hapa Eirino za dawh 7 rachhoh khata he ari zy he hmopa chata, Khazohnohta Siaha Civil Hospital liata Post-mortem taopa chata, Khazohnoh pyly ta he ri zy he pabuhapa a cha.
He vaduana atyhtuhpazy he Puhpa Hopna Judu Ko 28, chhokha paw chaipa chata, ama no Pihno Anita 26, ama sawchapawpa Patron Judu 3, nata ama sawchano Nancy Zorinpuii 1 ama chahlei khota ama khichhaipa rasohsapa Nathaniel 27 rachhopa zy cha eita. Chhokha pawchaipa Puhpa Hopna Judu he State Vety Labourer a cha. Dumga chata, ama khichhaipaw he Puhpa Hopna no nawta saw chapawpa a cha pata pahnopa a cha. Ano he rasoh he liata Dumga a y pazy hnota asapata akhie tyhpa a cha pata pahnopa a cha hra.
He hmotlopa chochah pahno palahpa chalei pata, pahnopa acha pataw nata Police, Doctor nata khitlah chhituhpazy hleikhota Vety Deppt. hotupazy cha he su pangai palah pata hmo yzie ama mo pasia palahpa a cha.
Pawchaipa he aka nata apy liazyta chaizota vina hmotheipa chata, su 3 rachho cha hawta yta, nochaipa chhao akhipah liata chaizota achaina nata apy liata vina zy su 3, 4 lata hmotheipa a cha hra. Ama sawchapawpa Ko 3 rachhopa he akhipah liata chheina hmothiepa chata, akhihpa chhao abyu khai. Chaizo chhao phia leipata ama khichhaipa py liata ama siesai thlah ha. Araroh a y ngaita.
Puhpa Hopna Judu he Krizyhpa chhokhapa chata, Meisatla Evangelical Church of Maraland(ECM) liata ama y. He biero nga hai no heta, he thiena raroh y ngaita pa liata pangiasapa a hy hmata patu pa y tla mah vei ei.
|
Elaisa
Written by Guest on 2007-03-26 08:49:52
Dear Mara chhokhazy,
Eima Mara rah liata hmo atlopa hawpa raroh y ngaitapa thiena thati eima thei pacha a pei ei ta hmeiseih na. Abeipata machhie sapa chhokha sanaw, viasa richa, nata khi nata tlah lo panga hri maw se.
Elaisa | A pei thei da la aw!!
Written by Guest on 2007-03-26 19:22:14
He haw hmo raroh y ngaspa eima rah liata a vaw tlo hla hapa he.... Marasaw zy eima moh pasiapa a peimaw ngasa ta na eipahno.... Centenary ko liata he haw tlu pota raroh y pe eima vaw ty hla hapa he, a Beipa ta Marasaw na a mohpa sia nawpa daiti a pa hy ta na eipa hno.A tao tu dohta he... dah (law) hawta a pasa theichaipata hriepa cha sie.... a thi hapenaw chokha eipa loh hmeiseita eitao khei.. | Written by Guest on 2007-03-27 00:59:38
Ah, cha chhohkha thina vaduana ngiakhoh a y leida cha. Paloh ta eitao khei hmeiseih ei. Eima ABEIPA thlahlohna cha mohthlih apathlah kheipa opa nata sanawrino zydua hnota y beisala,
By.Rev. Sa E Hmo,Hanil,Korea. | Written by Guest on 2007-03-27 02:12:43
Apei dah cha aw, tahpa hleikho rei via n'awparai pahno thei vana.
News athyutuhpa(Abie) cho liata eily kaw thatih vaw pahno thei nata. | Mara saw thyula eima chaisai apa-i su vy
Written by Guest on 2007-03-27 03:04:15
Mara rah liata he hawta angacha kawpata Ku a pathla pa, Chhokha zydua Hrona apahlie tupa he Sawkha la Beihnei tupenaw zyta achatliena lata patu thei eisala, aphuna hawta Ku pathla tupa hnona heta Dah(Law) hawta hriepa cha maw sy.
Mara saw eithyu tliapazy sai u dua sai hra tua u... he hawta eima rah liata Hmo raro y pa atlo pahela eima pachyu leizie ala kaw tana pahno!Eima hnola ta eima unawpa, Mara Satlia Pawthang thina chocha zy kha eipa cha nata la eipalo pasa pathie kaw ty. Keimo Mara saw ado lei va chama acha haw va tly! Arah hneitupenaw chi-zahna rai hnei leipata eima rah liata ama hmo taopa nata hriapa zy he dua sai pacha hra tua...Mara saw eima kuchha baola ..Puhpa Vialua Hla liata "Apahno thai leita akei chapaota atyu thla haw!" tapa tlai kha eima cha.
Napacha beihra tlyma? eima rah khihpi Siaha zy khi azo lata thlalo kawpata amo ngapa chhao cha khao leipata, a eihpachaita chano nah nata hati penaw zy saita y ngana pachhao cha khao hra vei. Thyutlia thyula eima chaisai pa-i pata eima rah chhiena he padua pathi hei su u.
Mara Satlia | Ei ngiah achhi kaw
Written by Guest on 2007-03-27 03:38:10
Hehawhpa eimaMara rah liata hmo avaw tlopahe pacha awpa abyuh hmeisei..Kheita y eima tao aw..nama chhao vaw rei hra tua..
Bi Bi
chennai | Palopasa achhie hmeiseina
Written by Guest on 2007-03-27 04:55:40
Mara rah Khipi Siaha lia sawvawna raroh y ngaitakaw pa atlopa he ta eima rah nata achhoh lia pahrapa chysa zy cha chysachhie (murder) zy ku tawhta a baoh vei tapa mia achhoh pasia, chysachhiepa satakuphei zy tah Mara rah nata achhoh lia pahra pazy he mia ama mo pakho awpa pasai chachyta khah eisi, murder hmiako ta dikha ta chhao thazei chachyta lei pata Maratlah phopa liata terrorist attack raroh y chaipa miakha acha pa he apopa tlaita ryureina hmiako lia avaw chhi cheingei awpa achhua chyu su vei.
Eima rah ryureitu penaw zy ta he chysachhie pa he ama patu thei hla lei cha Mara rah chho lia thati theikho achhi leipa he atlo via chy aw ta thei pa acha, rah chata aduapa phu nata py zydua chhao thakha tla pata killer he achatlietheina hawta justice la avaw chhi thei pa achhua chyu su vei.
Marasaw zydua ta sawvawtupa (killer) he condemn su vei, Pupa Hopna Judu nata alapisaw viaduana he Maraland history ta my bei leipa sala sawvaotupa he justice la ama vaw chhichatliethei nawpa chata thlachha bao su vei;
Machhiesapa zydua palochhochaipa tawta taokhei hmeisei nata Mara rah achhyna o to tawta thlachha na ao paroh sala, Marasaw pahrana mai ta PawKhazopa hnota awna ao paroh sala Pupa Hopna lapisaw thlapa achhi ngapa chhazaw thadana rah sina lathlo cha pala leima maw se. AMEN.
Machhiesana lia
Sasa
Armenia
| Iana satlia (malaysia)
Written by Guest on 2007-03-27 20:55:37
Eimara lia ta hehaw pa hmao sawvaw ta athi pa chhokha zyduata athi pahe he, hlano taw ta y tla vei ei.A tahma he hawpa vachhei na rura pa eima vawthei na ta la,eima lo a pasa kawna.Ano deikua la,Athi pachho kha cha ta thlachha bao lyma eisuh vy.Helei lia nahe ta, aty thei lei eisi la, thapha paha na ralia ta eima ty pakhy hama y. | the_man
Written by Guest on 2007-03-28 08:38:26
palopasa a chhi hmeiseina...he hawta thina raro y kawpa hela vaw thei ngai mah vana,,eima la khiamaw ei ta hla ha mata...!!!!Khazohpa taotuhpa palo cha khatlu tama a pasa va tly iii...krizyhleipa rah liazy cha chasala pahno thai a chhi kaw..Ei mano mapaw tawhta a thietuna zy eima thei bei leipa tahno ta,he hawpa hmo a vaw tlopa hela Mara zawpi chhaota eima mo pakia hmeiseipa a byuh aw,,Abeipa pathi iana eima chota a vaw tlo pathlei tla maw aw...Eima rah cha nata Athietuhpa chata thla chha bao chyuh ei suh vei... | A Pei Kaw
Written by Guest on 2007-03-30 22:09:43
He hawhpa thatih eima rah liata a tlopa he a raroh a y kaw. Eima ochho a vaina chhao a rari via awpata maniah a pachu. A pei kaw hmeiseih. | Written by Guest on 2007-04-04 06:28:21
aw...apei hmeih seih na ..centenary ko cheih ngeih ta eima rah liata he hawh ta hmo a tlo pahe pacha a chhih hmeih seih,,, a thipa chhoh kha zy chata thla chha via suh vei |
Powered by AkoComment 2.0!
|
.jpg "Viarah liata Mara satlia amopa tlah achapa")
