Hmiala tawhta eima pangiasa paphah beileipa "Good Friday" he Delhi Mara Christian Fellowship zyta thlachha pahmaona eima hnei thei va ma i tapata uthei viapa nazy achhuano n`awpa zie ama pacha hainota Abeipata eima ngiana nata peimawna zy pahnopa ta eima rah lata Pastor na zy Singapore nata Malaysia liata MCF a ypa na zy va tly lai awpata ama siena daihti nata avaw o chhota, Good Friday cha eima rah lata Pastor nazy nata lohtla kawpata Abeipa bie apakyna hneipa a cha.
 
Good Friday apakhyna he Stp K Beiraduakhei O, Indra Vihar, North Delhi liata  daw 4:00 pm pa tawhta ahma pathaopa chata, Stp Denish Solo ta maniah chhitha ta, daihti pathaona awpata St Mama Chozah ta Bible reina nata thlachhana maniah ahneipa.  Rev NC Vabeilua ta  "Khraws Bie Hmeiseipa" tapa biepipa hmapata Abeipa bie pachuna maniah hneipa ta Delhi Mara sawzy eima thokhei kawsai pata eima pahno.
 
Sharing na ta daihti he hma pazaopa cha ta, Stp L Beimopha IRS ta  Abeipa china chota Mara sawzy eima chuna nata eima raih hria-hmotaona liata ngachhi kawpata eima chu awpa nata hria awpa  abyu zie zy maniah pachu ta, eima chheipa liata  mohropa zy hriapasana he amopata hialamaw tah ta  Viara liata eima yna chha chaipa atheina chyuta tiama eima papua chyu awpa apeimaw zie zy maniah a pachu hra. Stp Mama Chozah chhaota eima rah(Maraland) khotho lata Mara saw achuhaipa zy pihe eima rah thlala(Mirro) cha pita; eima rah ta khapa hmopha pama maniah ama kaw tlokheipa aw tapata maniah ama mokha kaw saipa zy  cha pita,  chavata, khati no raita MSO motto "Abeipa nata Mara rah chata" tapa he atheithlana chota tiama eima papua awpa abyu zie zy maniah a chho hra.
 
Abeipa bie apakypakhyna hnei khai tawhta Refreshment paha kawpa hneipa cha ta, daw 8:30 pm tawhta eima Pastor na zyta Dinner maniah ama pachhua panopa cha eima do kho chyu hei hra.  Delhi MCF zyta eima my beilei awpa cha, eima u ta penaw S Lalmuanpuii, PP Beinonai nata Dawhniarili B.D zy ta Dinner he apaha thei chai na hawta maniah achhuanopa eita, amota athao dyuna tawhta hriapata eima nie na taita abyupa mai ama buakhei khaipa vata eima ly hmeisei. Delhi MCF Members nazy Abeipa bie achuna daihti maniah paruapa eita ama palo hmeiseita maniah ama kho kheina he eima ly hmeisei. Abeipata ama hmopha taona liata Byhna ahluviata pie chyu ei tlai sala tapa he eima lyna a cha. Delhi Mara sawzy eima pua pha kaw.

Stp L Beimopha IRS chhao he daihti he pahpeimawsa ta a y na Ghaziabad tawhta maniah avaw hlao thei pa vata  eima ly ngasa. Stp. Beipatha(Patha) of Kolkota chhao eima hry liata maniah avaw hlao thei hrata eima lyna aki viapachai hei.

Stp M. Lalrammawia  Asst. Manager, IDBI, Ludhiana deikua Holiday ahmo thei tu lei vata eima hry liata maniah avaw hlao thei leipata, hmiala daihti rypaona hropa liata maniah avaw hlao thei hei cheingei nata eima hnabeisei hra.

For more photos CLICK HERE

Write Comment
Name:	Guest
Title:
Comment:
Code:*

Powered by AkoComment 2.0!