Deputy Commissioner, Siaha liata a ypa Puhpa Zahminga ta ahnei dah ta cha, Lodaw Polling station liata vote pathla a chakhai tawhta Mizoram Arm Police (MAP) pa 2-zy nata Presiding Officer zy chata Siaha pangai khei eita, Lokhy khih ama tlo chyta lapi vaw pakha eita ballot box cha chhu eita ama parao khai ha.

He hmo he Mizoram governor thlai pahnosapa chata, chata vote pathla pathi awpata bie piepa a cha. Khotho chyhsa he khih he ama ngia pasai leipa chata, security tight kaw pata vai awpa a cha hra.

Lodawh khih he vote 130 hleita yna khih chata, zahnia lia khata 92 votes rachho apathlapa ama cha.

He Lodaw khih liata Ballot Box paraona chochah liana heta Co-ordination (Congress+MDF) zy ta cha MNF party hmotaopa hawta ama reih. Puhpa Mylai Hlychho nata Puhpa N.G Sila zy ta cha Lodaw khih lia he Co-ordination duahmo apha kaw vata MNF party supporter-zyta ballot box he ama paraopa hawta ama rei.

Vote atlapazy cha Lodaw liata vote pathla pathi heipa chhaota Hriatuanoh Chhiepa 7, 2007 khita Siaha DC office liata rei awpa cha. My dawh 8 tawhta athao aw eita, rei ama patlona taihta ama rei lyma aw.

Source: Zonet. 

Note: Siaha tawhta eima correspondent-ta arei dahta Lodawh khih liata ballot box paraotuhpazy he patu hapa cha eita, MNF party supporter-zy ama cha. Lodaw liata MNF candidate ahmochhie kawpa hawta ama pacha vata ama paraopa hawta a rei.

Comments

Written by Guest on 2007-05-07 06:37:22 kheihhawpa party chhao rai cha se, noza achhi hmeisei.. Tlaikaopa rei chhao hmata ama thai pasia nata pangiasa vana....

Ado chia Written by Guest on 2007-05-07 07:15:30 Democracy a chana hawta, ama theina hawta politics cha reih hra ei sala, ballot box zy paraopala a mao(foolish) kawpazy hmo tao china a cha. Lo-o(Prison) tla ama pangai aw... noza achhih, ama ck lei kaw.

Written by Guest on 2007-05-08 01:08:39 democracy rah lia ypa cha pita.Apa raopakei khao lei pata cha ba sy, ei ta kawh..

Write Comment
Name:	Guest
Title:
Comment:
Code:*

Powered by AkoComment 2.0!