Maraland.NET - Delhi Mara News Update : Pato 11

You are here: Home

News

Delhi Mara News Update : Pato 11

Written by Delhi Correspondent

Friday, 11 May 2007

New Delhi, Pato(May) 11: Ary liana heta Delhi Mara sawzy news eima vaw update.

Mara Satlia IDBI Bank, Ludhiana liata Assistant Manager ta a hria haipa M Lalrammawia cha Dt 21.05.2007 tawna khita Aizawl City liata IDBI Bank, Branch:Aizawl liata Assistant Manager ta apasie aw. Tahma he a yna Ludhiana su liata ano Post a thla tu awpa a vaw tlo ma lei vata ano he Ludhiana puasai ma leipata, Dt 16.05.2007 rachhoh liana heta a y na su paro pahe puasai thei awpa hawta a hnabeisei.

M Lalrammawia he MSO Joint Hqrs: Delhi, Senior Advisor a cha haipa a cha. Delhi MSO Members zyta eima Sr. Advisor maniah a pasiesai hla hawpa he eima pasai lei kaw. Chahrasala, eima rah ahnia viana nata eima State chhoh liata a hria awpa a cha vata deikua eima ly khei hmeiseih hra. A diahti ta liata a rai hniana su awpa he a pazao thei cheingei awpata eima khokheina a sa chaipa eima hla hra.

Eima Sr. Advisor maniah a pasiesai hla ha ba awpa thatih eima rei hai nota, Dr. K Beiparysa(Sangpuia) Mara Christian Fellowship, Chairman: Delhi chhao ta Delhi khihpi cha maniah pusai pathla hawba ta, a chuna su awpa Mahatama Ghandhi Institute of Medical Science, Mumbai liata Anaesthesia Department liata aly kawpata a pazao haw hra tapa bie eima daopa vata eima lykhei hmeiseih hra. Dr. Sangpuia he eima pahno chhei leipa a cha khiata cha Marapa saw tawhta medical line liata Post Graduate Course a tao tua chaipa a cha. A chuna liata hlao tlo kawpata a kaw patlo theih chengei awpata eima khokheina a sa chaipa eima hla hra.

Comments

DU News..
Written by Guest on 2007-05-14 11:53:31

He a ry liata pa he Under Graduate Admission 2007-2008 pahy nawpa daitih Tentative Schedule a cha. Mara saw achuhaipa zy Delhi liata a chu khopa zy chata pahno awpa peimawh kawpa a cha. Dehli University Oficial Wesite: www.du.ac.in liata a sia viapata mo theihpa a cha hra aw.

Under Graduate Admissions 2007- 2008

Welcome to the Undergraduate Admission Information page of University of Delhi

Tentative Schedule for Open Days 2007
24th - 25th May (Thurs, Fri) - North Campus (DCRC)

26th -27th May (Sat, Sun) - South Campus, S.P Jain Centre

28th -29th May (Mon-Tues) - Bhim Rao Ambedkar College, Yamuna Vihar

30th May (Wed) - Keshav Mahavidyalaya, Pitampura

31st May (Thurs) - Deen Dayal Upadhayaya College, Karampura.

Post Graduate Course nata LLB.,LLM. a chu khopa zy chata tahma no he Prospectus nata Application Form ama pie papuana daitih a cha hra. DU Entrance Exam he Delhi khihpi lia ngala ta a pie theih tapa vaw my kha vy.

Mara Satlia

Correction
Written by Guest on 2007-05-14 11:55:14

DU Official Website ta awpa a cha..