|
Siaha - Chakhei: Chakhei khih liata Unaw pathopazy cha noh no chho liata azao pata khizaw ama khosai haw. He heta pacha hlupi khisawzy apie hmeiseih.
He unaw patho athipazy he Puhpa C. Khaibei (Khabei Chhaihlo) sawzy sai a ma cha. Puhpa Khaibei he apaw cha Macha C. Zakia, Mara rah liata Middle Teacher acha rei chaipa (senior) py, atahma a pension hapa a cha. Ngori Paw tah pata pahnopa a cha. Puhpa C. Khaibei uhta cha atahma ta Lalung Mission Field, Assam liata Missionary-ta ama chhokhata a y ngahaipa Missionary C. Khaisa he a cha hra. Nohlia noh (wednesday) Pato (May) 30th khata unaw papangaw hryta a papalina (4th) na C. Jephatha Ko 4 acha haipa cha thita, ari ama sie kheinga nota zala ta a uhta a utheina la tawhta pathona C. Beipalysa Ko 10 pacha apaha thlah heita, amyla ari asie hlata Beipalysa apazipa C. William Ko 8 pachhao cha avaw paha thlah hei hra. Chhokhazy khisawzy chata palohpasa achhi hmeiseih. Ama tlahleina he bie eima dao dahta Malaria chata, pathilaipa ama hneipa pata pahnopa a cha. Tlahlei zialeina he hlukawta amo unawh chhao he pasa eita, ama vaw tlah viahapa vata ama No nata Paw-ta Awhsa pasaopa eita, ama sangaizy achhiekaw chyhpa vata, cha ama vawnie cha ama pathi laipa kha aparusa via hapa a cha pata pahnopa a cha. Chata arei leipa ta noh no chhota he hawpa he avaw tlo hapa a cha. Puhpa C. Khaibei (Omega Paw) cha angiapana liata thata ahmopasiana ta hmata khisawzy hna apanga kawpaliepa a cha. Ano arei dah ta, "Thla 9 (chaki) chhoh thlahchha nata eisawzy hnatlana chata, Khazohpata aphavia pata lapi atao pana a cha," tah pata ngiapana chota a rei ama tah. Evangelists nazy nata Awhnanohotu penawh zy ta he arikianazy liata ama rei chai pacha, "He khih Chakhei khih he moleina tawhta eima ro vei khiahla he hlata raroh yvia pata Khazohpata eima choliata hmo avaw patlosa awna," tah pata na ama rei chai ama tah. "Chhochhilina ahneipazy ta ama rei chieh hapa na avaw tlo, Omega Paw nata achhokhazy moleina vata chalei pata, Chakhei khih khisawzy cho la liata 'warning' na a cha. Chavata, eima moleina zy eima ro leipata a cha khiah thlaloh rai achhih vei," ama tah hra.
Chyhsa cha thikhai pita, unawzy pano pathozy chhao ko khazie apada pata athi pazy chhao ama y tyh, chasala apazao pata nohno chhoh liata he hawta thina tah ryu areithlahpa he cha Khazohpata bie arei khohpana a cha ama tah chyu. MDC election khaita chata, Chakhei khih he Mara rah khihropazy hlata chhaota Politics liata ala pathu viapa hlupi yna chata, MDC election result apua tawhta MNF sahlao thokhazyta Awhnanopa(ECMI) apuasaipa ama yna khih kha chata, politics ta chyhsa hlupi hmiahao taota, adyhryna araokawna su kha a cha. Chavata, adyhryna a y thei nawpata Khazohpata he hawpa hmo Omega Paw chhokha liata avaw tlokhiahma a tahpa chhao ama hlu kaw hra. Maraland.net staff-zy ta Puhpa C. Khaibei nata achhokhazy eima taokhei hmeiseih. Eima thlahchhana chyu liata Omega Paw nata achhokhazy he athei thlah ha ei su u.
Updated: Mara C. Zakia moh kha Macha A. Zakia tahpata vawro tlamawpa chata, eima vaw update pathi. C he Chhaihlo pho apachhona kha a cha. Eima vaw ro chhei vata pei eima tah kaw. Net ahmatuhpazy ngiathaina eima vaw haw. Eima chaly. - The Admin. |
Anaona: Taokheina
Written by Guest on 2007-06-02 22:48:00
Machhiesana atyhpa eima uhtah C.Khaibei, chhokha, nata viasa sanaw hnota Abeipa tawtapa thlalona charei maw sy!
Thati mia pathei tuhpa Maaland.net staff nama hnota alyna bie eima cha hla.
Elaisa | Written by Guest on 2007-06-03 10:56:11
Tao a pasa awpa rima cha! Vaduana atyhpa Omega no nata paw nata chhohkhazy ama taona liata taokhei kaw hra ei na ta, Thlahlohna Beipa ta thlah a paloh thei nawpa ei ta thlah ei chhapa ei.
He vaduana kyh liata keima mopakha ta ei pacha kawpa cha, ngiapana kyh liata Chakhei khih awnanopazy a mopakiana ama hnei nga kawpa cha kao nanopa cha sala; chahawhta kahrao riabu a chahra kawpa a cha khiata cha sawhkha (health ministry/department)ta kheihawhpa hmah (response) ma ama la, tahpa nata ama tlah-leina, malaria pathi laipa, hawhta reipa cha health ministry ta official ta ama reipa ma a cha, tahpa ei pahno khoh kaw.
Health department ta chahawhta Chakhei khih liata kahrao riabu a chahra kawpa cha a phapa ta nata a daihti liata ama respond leipa a cha khiata cha, kahrao riabu a veipa a poh via aw ei ta, a tlah-lei hropazy chhao eima pahlei via tlamaw aw tahpa ei pacha kaw.
Vanoh paw
PS: Puhpa Khaibei paw, Pachutuhpa Ngori paw, moh a siapa ta vaw pahno khao leipa nata; ama moh alyupa acha lei khiatacha, A Zakia deikua cha aw vei. Pachutuhpa rerired A Zakia cha Siaha Vaihpi liata awnano macha Ngotluapaw khie a cha. | mysore_mara
Written by Guest on 2007-06-04 06:30:26
puhpa khaibei machhie sana cha eima tao khei hmeisei. | apei rima cha!
Written by Guest on 2007-06-04 16:09:06
he hawhta chhokha cho liata atlopa thina he apei ei tah ngasa. Pupa Khaibi chhokha cho liata Abeipa ta thlalohna pi mawh ei sy..
Anodeikua he hawhta thina ama tyhpa vata Chakhei khih Abeipa tawhta warning piepa hawhta pachana deikua he eima awnanopa ngiapana panao cha ta pachuna chocha liata apha kaw leipata ei pahno. Khizaw liata hmoto eima tyhpa he Abeipa kuchhoh lia saita a chapa vata Abeipa liata thlachha bao via ei suh vy.
elipaw | Written by Guest on 2007-06-05 04:25:16
cha khizaw vaduana apei rima cha. Ama sisaipa chhohkha nata khisawzy ngiachhina palohta eitao kheihmeiseih.Eithei chhei veikhia Apaw chhao he Chakhei khi liata eiviasapa/eipahnopa vawcha sala,pangiasa nata nopona eihly hmeiseih. Pastor Sa E Hmo | Written by Guest on 2007-06-06 06:12:57
aw..chahawh ta apie rimachala ..omega paw chhoh kha chata thlah chha bao chyu suh vy... |
Powered by AkoComment 2.0! |
