|
SHILLONG: Pato (May) 23 - 29, 2007 pa khata St. Anthony's College, Shillong chata Foundation for Academic Excellence and Access (FAEA) Scholars Conference tlokheita, he lia heta India rah tawhta Scholars hlupi ama vaw hlao.
Students avaw hlaopazy cha Delhi School of Economics 2, Lady Sriram College 2, Ramjas College 1, tawhta State hropala tawhta West Bengal, Bihar, UP, Rajasthan tawh zy chhaota Engineering nata Professional line achu hai pazy ama vaw hlo holohra. Ama zydua ta 16 cha eita, St. Anthony's College tawhta 7 ama hlao.
He lia heta St. Anthony's tawhta ahlao hrapa cha MH James (Rony) S/o M. Buichung (Puhpa M. Beicho?) New Colony, Siaha pa II BA (Pol.Sc) achu haipa cha ahlao hra. James he Mara satlia chata, Class X kha Don Bosco tawhta first Class liata passed ta, Class XII kha Gov't JL HSS, Aizawl tawhta First Class liata pass heita, Mawrah popalohpa liata sacharuna (6th ranking holder) kha a cha. Cha ngala chalei pata hmo hropa Quiz zy he pahah kawta, Class XII achuno ta SAARC Regional Quiz liata Mawrah vyuhta ahlao ha hra. Tawhta Charo pazy he pahah kawta, Aizawl khihpi liata Daily Newspaper alalaoh kawpa Vanglaini (vanglaini.org) nata magazine hropazy liata chhao acha chopa acho holo hapa a cha hra.
Atahma he St. Anthony's College tawhta achupatlo hapazy pyta ama thatihbu ama papua tyhpa 'Anthonian Times' liata Joint Editor a cha haipa a cha. Shillong Mara Church, KTP liazy chhaota atheina hawta ahma tyh hra.
Foundation for Academic Excellence and Access (FAEA) he Ford Foundation ry liata Non-Governmental Organisation (NGO) sakha chata, India rah liata Colleges A+ tlyma 5 Star ta thei awpa College achuhaipazy palyupali tyhta, Athai patluapa chyhsa chyhta hnota Scholarship he apie tyh ei, course ama chupa ama patlona taihta.
St. Anthony's he 5 Star college chata, Northeast liata he hawpa duasu liata a y thei chhopa College a cha. Zako khata University Grant Commission (UGC) tawhta 'College with Potential for Excellence' Award adao pa college a cha.
He College lia heta Scholars hleikhota FAEA Path-ways Student sytho (30) rachho y eita chalia cha James he ahlaopaphata, Mawrah tawhta ahlaopa pakha viapa cha RCa chata, ano he news aza paphao tuhpa a cha.
He Conference he SILOAM Transformational Leadership Resources Centre, St. Anthony's College Extension Centre) ta ahneipa a cha. Achu haipazy heta Personalite Development, Leadership Training zy, Communication Skills, etc zy ama hnei tyh. Apalysana chinano nanopazy ama hnei hra.
Mara satlia hehawpa liata ahlao thei pahe eima pachy kaw. Achuna liata hlaotlohna ahnei lyma awpata Maraland.net staff-zy ta eima khokheina asah chaipa eima hla.
Note: He news he R.C-a ta aropa chata, Mawreihta rohta eima theina hawta eima vaw palie. Informal kawpata mail liata aropa chata asialeina bahta a y laihthei aw. James nata apaw moh chhao he arohdah dota pahno thei tu mapi. Nama pacha thaina eima cha haw.
|
Written by Guest on 2007-06-06 19:29:02
Marahpazy hry liata Andrew, James, Jesus tahpa moh zy he khichyhpa liata eima nopaw zy ta ao ama papua thai aw va ma na! | hehehh!
Written by Guest on 2007-06-07 01:18:51
ama aw thai vei khia,..its a high time they educate themselves...in everyway..what diff does it make them not able to pronounce it...doesn't bother, atleast not meh! | Written by Guest on 2007-06-07 01:20:45
Byhnadaorili chata eisala, na rah cha byhna na cha vei hlei khia khava phahnai | Written by Guest on 2007-06-07 10:40:44
james,eima chapalai khei hmeisei...a tha via sy....hmia la toh lyma sy...
beihrua hyd. | mysore_mara
Written by Guest on 2007-06-09 08:21:16
james ei chapalai khei hmeisei na...keep it up... |
Powered by AkoComment 2.0! |
