CLick here to read in English

Atako April thlapa tawta Lai Autonomous District Council buabana cha pachhasa pata a y haba. Tari noh 7, June noh khata Notification papuapa chata Tari noh 8-pa khata MNF sawkha thiehpa Puhpa C. Thanghluna Ex-MLA, Lytlai AOC bia liata uncontested  ta atlohpa cha House Leader, CEM a cha aw.

LADC he November 2005 khata atlyna hneipa chata, Party sakha atlo eihpa ama y thei lei vata Puhpa F. Manghnuna, Independent, Diltlang biatuhpa cha MNF ta Leader (CEM) liata hmapata sawkhana tao eita, atako April thlapa liana khata Leader he thla eita, sawkhana tao thei lei pata bua eita, MNF ta sawkhana he ama tao heih ba awpa a cha. Leader chata ama tlypa Puhpa Thanghluna he Mizoram Governor ta apyh (approved) hata, Tari no 8 pa khata sawkhana tao awpata Notification papua hapa a cha.

Lai Autonomous District Council (LADC) lia he Elected seat 23 yta, nominated seat 4 a y hra. A zyduata seat 27 a y. Atahma he MNF ta Elected Seat 13 nata nominated seat 3 to eita, ama zyduata 16 ama cha. Opposition party Congress nata ama hriakhopazy ta seat 11 ama hnei hra.

He tana heta Autonomous District Council satho a ypa liata MNF ta LADC nata CADC (Chakma Autonomous District Council) liata sawkhana ama tao haba.

Mara Autonomous District Council (MADC) lia deikua cha Cong+MDF zyta sawkhana ama sie khei nga hai hra.

Source: Zawlbuk.net 

Write Comment
Name:	Guest
Title:
Comment:
Code:*

Powered by AkoComment 2.0!