He Mara Satliapa he Marapa liata Evangelist rohna kawpa eima hneipa hry liata pakha Evangelist Ebi sawchapawpa Satliapa Taisa a cha. Ano he 'Sasa', 'Pawsa' tahpazy ta kao tyhpa a cha.

Atahma he 'Study and Speech Tour' UK la hnei heih pata London khihpi liata a y nga haino a cha. Sasa he Dawty Armenia liata achu nga haipa chata, Mara saw chadei chalei pata Chin thyutliazy chhao hmata ama pachy kawpa Mara Satliapa a cha.

London liata a chah chho heta khichhoh liata hmo peimawhpa su zy tly lai awta, bie reina zy chhao a hneina su a y holo heih awpa a cha. Rei chiehpa hawta 2005, 2006 liata eikha sai vatlyh hata, atahma atlyna he a ei 3-na a vaw cha. 

Atliata khata Maraunawzy Yahoo group liata chapaphaopa vaw roh ta he aryliata hawna heta:
-------------------------------------------------------------------
 Kho ngaita kawpa zydua,

Eima chakaotupa Beichaipa Zisu mohta samaw eicha hla ei, May 23 tawta June 8 taita fifth year Exam hnei nata Avakhazopa pata nama thlachha na ao zy theita fifth year eza na liata rona kaw pata eina tobi hmeisei.
 
Fifth year he papers 4 ta eza tao pa chata papers 2 he 60% hmo nata papers 2 he 80% eihmo, hlao tlo kaw pata fifth year cha patlo nata atahma he rah chata study nata speech tour si awpa pata zahnia June 11 kha ta London Khipi cha ei vaw tlo thei haw. London khipi nata cheipa khipi zy, rah zy nata UK liata khipi via pazy dua tly pazao leima pata August 31 tai khita program eihnei. he hmorona ngaita kawpa eicho lia avaw tlo pa he nama thlachhabaona thei lapa acha ta lei thei vana.
 
He Study nata speech tour si na lia heta tly awpa su zy cha , House of Lords. Medical Univ, Univ, colleges, Churches, International NGOs nata phu nata py acha via chai, Ava khazopa khopa ei rei thei awpa nata ei tao thai na hata nama thlachha na liata kha eima thei bi awpa chita eicha haw chaima ta.
 
Eza nata raibuaba na hlupi vata maraunaw zy ei vaw tly theikhao leina avaw rei kaw, nama cho liata hmo atlo ngala pazydua chhao vaw pahno hma ty vana, khapa rai acha chhaota  nama zydua hnota  hmo rona pa atlopa zydua vata Beichaipa moh ei rei thai.
 
Study nata speech tour he 2005 liata khata a ei khana eisi, 2006 lia khata a ei nona, 2007 atahma pa he a eithona acha. Mara pa pahra na maita Abeipa Zisu pahra na cha leima se.
 
Rah chata nama chakaolapa
 
Sasa
London

Mara Unawzy Yahoo Group web address:
http://groups.yahoo.com/group/Maraunawzy

-------------------------------------------------------------------
Note: Sasa he Maraland.net liata Articles avaw thyu tyhpa chi nata rah chata tha apasa kawpa a cha hra.

Write Comment
Name:	Guest
Title:
Comment:
Code:*

Powered by AkoComment 2.0!