Washington DC, Siaha: US khihpi Washington DC liata a y nga haipa Satliapa Elaisa Vahnie cha United Nations (UN) ry liata Volunteer Specialist ta appointment piepa a cha.
He rai he chyhsa hlupi ta a apply eita, ama thaina hleikhota ama personality nata efficiency zy mo pata lapa a cha. He hawpa liata Mara Satlia avaw hlao thlahpa he aly achhih hmeiseihpa a cha.
He program he United Nations Development Programme (UNDP) rylia tahpa chata, UN Branch zy liata hriapa a cha. Satlia Elaisa duty station he United Nations High Commission for Refugees (UNHCR) Malaysia liata a cha aw.
Rei chiehpa hawta appointment ahneitua chaina chata Malaysia rah cha awta, Kuala Lumpur liata a y tua chai aw. UN ry liata he hawta rai ahriapazy he hlao (paid salary tahpa ta hnei leipa eita) chasala living allowance tahpa ry liata allowance, grant, benefit, etc ama pie pazy he rai hlupi liata hlao hla chhaota apha viapa a cha hra.
Satlia Elaisa he Maraland Information Technology and Communication Services (MITCS) (www.maraland.org ) nata Maraunawzy Yahoo! Groups apaduatuhpa (Founder) chata, Marapa chadei chaleipata Chin nata Burma level liata volunteer rai hlupi a vaw chakao hapa chata, Thyutlia liata a rah pohpalopa chhaota ama pachy kawpa a cha.
(Satlia Elaisa Vahnie Chhaihlo nothlahpa, ano Honda City Car chhaota Washington DC liata. To View bigger picture Click here )
General Secretary of Chin Student Union (India), General Secretary of Burmese Student Association (IUB) nata ahro hropa orgnization zy liata post nanopa a vaw patu ha hra. Atahma chhao he Chin Student Union of North America liata Vice President tyuvyu patu nga haita, Chinland Guardian liata Assistant Editor, nata Mara People's Party (LA) liata Foreign Secretary In-charge ta achakao nga hra. Chin National Council (CNC) Foreign Committee member a cha hra.
Ko 2006 liana khata B.Sc (Computer Science) Indiana University, Bloomington tawhta
hlaotloh kawpata apatlo hra.
Thyutlia zy hryta apiepasai khokawpa chi nata pho kyh apachapa chysa pakha a cha. "Keima ei hrona nata volunteer rai he pathluathaipa cha ngyu vei" tahpata pahneipa pata a rei.
Maraland.net New Network ta he ahlaotlohna bie he alykheina nata thatih ahiahri nota, ano Satlia Elaisa-ta, he hawta a reih, "He hawpa rohna kawpa UN volunteer rai ei tlo hrapa vata eilynazi rei thei vana. Abeipa moh ei rei thai. Atahma daihti ta liata Marasaw nata eima chiheih zy chata apie pasaina opportunity phachaipa hawta ei pacha. Eima Marapa baokha ama ngia chaina daihti hawta ei py hra. Chavata ei ly pachai", tahpata a rei.
He rai he khati taihta na hria aw tahpa hiahrina achhy pata, "He rai he platform pha kawpa hawta pacha nata achuna asahviapazy chhao tao via zy khoh hmi kaw nata reih thai mah vana," a tah.
"Khazohpa ta eina chhitha dahrei liata apahnie nata, lapi phavia pata ei pachapa cha thlahchhana chota achhi ei chhuah lyma, ko kha deikua he rai he ei hria tua rai awpa abyuh hmi," tah pata a rei hra.
United States tawhta Computer Science liata Bachelor degree ta a graduate-pa chata cha US lia pyly ta rai he thlai a hmo thei, rai hmo he ru vei, chasala Mara saw zy kyhpacha pata UN liata Volunteer Specialist-ta vaw y awta rah hnokhaw viapa Malaysia lazy ta a vaw y awpa he Mara sawzy chata aly achhih hmeiseih.
He hawpa rai phapa Mara satliata avaw hmopa he Maraland.net Staff-zy ta eima ly khei hmeiseih. Mara sawzy chata lapi pha kawpa apahyna a cha.
|
dalls,texas,U.S.A
Written by pathai on 2007-06-22 13:42:22
allyu achhie ngasa,marasaw tawta hehawpa chysa eima hneipa he khazopa ngiachhiena va acha,Marasaw zy hmiala tiamapapua lyma suvy | ei cha ly khei ngasa
Written by Guest on 2007-06-22 21:34:18
Ei paloh chhoh chaipa tawhta ei cha ly khei ngasa. Abeipa khokheina vaw to pha via lyma ma ei. Tovyuh na hneipa he aroh ei tah kaw hra.
elipaw | Written by Guest on 2007-06-22 22:56:10
Dear Elaisa,
Ei cha palaikhei kaw. Abeipa china chota ngaichhih ngaitapa ta na rai cha vaw hria lyma aw chi ta, Malaysia liata a ypa Marapasawzy cha dei cha leipa ta, chi hropazy cha chhaota byhna hnawh cha aw chi ta, hmiala rai a i viapa nata maophaona lai viapa na hria tita experience pha kawpa cha pie awpa a cha.
Beipa ta sona nata thatlohna cha pie mawh sy!
Vanoh paw | mysore_mara
Written by Guest on 2007-06-23 06:19:30
Dear elaisa...na hlao tlo na zy vaw pahno nata mara saw eima dua khao lei zie zy mia pahno sa hei chita ei cha ly khei hmeisei...keep it up!! | Written by Guest on 2007-06-23 06:31:01
mara sawzy ta eima lyna he chhathai khaovei..marah sawzy chata khazoh pata chahmah sala byhna tohnawh cha mah y...
aly ngasana chota...marah saw | Byhna
Written by Guest on 2007-06-23 08:03:59
Chyhsa to chata byhna vaw cha ma y... ei chaly khei hmeiseih... | ka calawng khui
Written by Guest on 2007-06-26 00:49:32
satle,elaisa ka chalawng khui hmuisui he pe.Chin leh mara ming thawta na chhasa.chawngsaw chaita bawnghnang chang lang mang my lo.
zophei(vytu)satle | Alyna Bie
Written by Guest on 2007-06-26 23:39:05
Khochhiepa sai u,
Alykheina nata thlachhana ta na khokhei tuhpa nama zydua hnota alyna bie ei rei hmeiseih. Abeipa byhna rohnapa vaw to pha via lyma mu vei.
With many thanks and best regards,
Elaisa
Camp. Stanford, California | lawngkhuina
Written by Guest on 2007-06-28 20:28:47
Elaisa,kaca lawng khuingetei hepe,marangsaw hmui a pa ngesa ngetei paw cang langmang mylo.Siata(satle)
Malaysia. |
Powered by AkoComment 2.0! |
