|
Mara saw Canada liata rai a hria'pa eima hnei |
|
|
|
Written by A Correspondent
|
|
Wednesday, 22 August 2007 |
SIAHA : A ei khana chata Mara saw Canada rah liata rai a hria tua chai awpa eima hnei.
Puhpa Henry PL. Hnaihly, Deputy Commissioner Officer, Siaha liata Computer operator rai a hria nga haipa cha Canada rah liata khihpi sakha Montreal khihpi, Quebec province liata Computer Assistant ta a y aw.
Puhpa Henry PL Hnaihly ta Maraland.net a chho dah ta, "Atahma thlapa Thlazoh (Aug.) 29, 2007-pa my dawh 2:00 pata Mumbai tawhta British Airways ta London pangai pata a thao aw nata, noh 30th pata Canada Montreal Quebec Hotel Finder liata ei raih eipazao awh," a tah.
He Mumbai tawhta Montreal khihpi atlona taihta Expenditure zydua chhao he ano a sponsor tuhpa 'Rose Grand' ta a ma toh khai hra tahpa Maraland.net a chho hra.
Ano he Palai tahpa ta kyu tyhpa chata, atahma asie tuana lia cha alapi nata sawzy deikua ama sie mah lei awpa hawta a cha chy hra. Ano he Mara Autonomous District Council liata Executive Member (EM) L.A.D portfolio apatu nga haipa Puhpa H. Sahlo sawchapawpa a cha.
Maraland.NET ta Puhpa Henry PL Hnaihly nata achhokhazy eima lykhei hmeiseih. Ano he sawkha rai ahriapa a chapa chhaota Mara sawzy kyh apachana vata nata sai a heina va zy ta Maraland.NET lia chhaota atheina hawta news maniah avaw rohpa tyhpa Editor pakha kha a cha hra.
Mara saw zy chata lapi pha kawpa he hawta a vaw-a laihpa he Gospel Centenary ko zy cha pata, aly achhih hlei khota eima palai khei hmeiseih. Hnatlana pha kawpata Montreal khihpi atlo thei n'awpa nata a rai zy hnatlana pha kaw pata apazao lyma thei n'awpa zy ta thlachha bao chyu ei si.
Note: Montreal khihpi he map liata ala dahta Canada khihpi Ottawa chacha via liata yta, Canada South-east nata US a rahrina liata yta, Map tawhta na hmo thei aw. Click here to see Canada map
|
kp
Written by Guest on 2007-08-23 05:31:33
ABEIPA mohta eipalai kheikaw. | All the best
Written by Guest on 2007-08-23 11:34:25
Hi Palai, MSO luhpazy cha tyh chita he hawpa rai na pazao awpa he students chata computer la chha hmasie awpa thathyuna apie tuhpa na cha hmeiseih...
God bless! | Abeipa nata..
Written by Guest on 2007-08-24 00:18:09
Mara pa sawzy chata lapi phakawpa miah taopa tupa moh cha reithai pata y maw sy.
Nasie na ky totie liata cha tao tuhpa a thei thla ha la. Kei mo Mara chichyh phochyhpa ta zy chata byhna navaw cha awpa ta khokheina sa chaipa ei cha hla... | Written by Guest on 2007-08-24 02:07:52
Dear,
Palai, ei chalykhei ngasana. Abeipa ta byhna chapie sala, nama nata na family cha dei cha leipata, Marasaw zy cha chhaota byhna avaw cha chengei awpa kha cha ei hnabeiseih. Krizyhpa na chapa athei thlaha awpata byhna ei cha awpa hra.
Duaduapaw,
Dr. John Hamlet Hlychho, Bangalore | Written by Guest on 2007-08-26 04:44:08
Dear,palai.
Ei cha lykhei hmeisei.na-na maita/na tobie naliata ABEIPAta byhna chapi lyma maw sy.
Duhchai,
Kuala lumpur,Malaysia | Written by Guest on 2007-09-03 03:36:09
Eima cha lykhei hmeisei.
Hyderabad. Marasaw.
(Gospel Centenary byhna) | Written by Guest on 2007-09-11 03:46:10
Dear Palai,
Eichaly khei hmeisei,Marapa chata Byhna cha ma y.
Dr.K.Robin
MZU.Aizawl. |
Powered by AkoComment 2.0! |
|
Last Updated ( Saturday, 25 August 2007 )
|
)){kind=link}
