 Maraland.Net viasazy, He ary liata bie he reipahmao tua ei si. Nama pachâna vaw thyu chyu u la, a chhâna lâta bietlâhpakyuna vaw tao ei chhuah aw. - Laiu Fachhai (Vânoh Paw)
Maraland Gospel Centenary cha eima hmiakô ta liata y bâ ta, a rei leipa liata Maraland Awnanopa cha kô 100 utheipa awnanopa eima kaw châ bâ aw.
Kô 100 utheipa Maraland Awnanopa heta hriachabâhpa hluhpi hnei pita, cha hry liata sâkha cha Maraland he corruption free (zawpi/sawhkhâ sôh avyuna nata nieparuna y leina) râh ta tao awpa he a châ. Kheita e eima râh he avyuna y leina râh ta eima tao thei aw?
How shall we make our land a corruption free land?
|
Ahrua
Written by Guest on 2007-08-29 06:39:34
Thlahpa liata ahrana dopa eima hnei tua chai awpa he alapi y chhohpa a cha pata alyu. Thyutlia na chhao politics liata pathai kaw eita, politics lia ama ngia patawh nata rei chiehpa hawta tlao a ma cha tyh hra. Khazohpa china ngala he lapi a y chhohpa a cha. Api pathipa ama cha abyuh. Ahrana dopa a peimawh chai pata ei pahno.
Ahrua.. | Ahrua hmô dâh he â do kaw
Written by Guest on 2007-08-29 10:28:26
Ahrua hmô dâh he a do kaw ta; Kirzyhpa patapa nata Khazohpa a chipa châta cha sawhkhâ/vâtlâh sôh avyu paruna liata a ngia aw veih ei; politician tlyma, officer tlyma, sawhkhâ raihriapa tlyma, py hyutuhpa tlyma ama châpa chhaota. Ahy ta ama hmô leipa chhaota, Khazohpa ato zydua a pahnotuhpa nata a hmôtuhpa ta a hmô thlah hapa vâ ei ta avyu paruna tao ngâh aw veih ei.
Eima râh liata ahrana chi nano chi nanopa hluhpi tlô ha ta, chahrasala thokha eima Krizyna hro liata deikua eima pata awpa hawhta eima pata thei leipa nata eima pitloh awpa hawhta eima pitloh thei leipa alyupa he, eimâ râh ahra dâh â do leipa vata a châ thei aw ma? Khazohpa biehmeihseihpa liata ahra leipa ta, a ziza liata hluhpi cha amâ hra thlah hapa vata a châ aw ma? Ahrana dopa a châpa chhaota, a chhihtha pazina (discipleship and solid Bible teaching) kyh liata Awnanopa ta eima tao awpa hawhta eima tao lei vata a châ aw ma?
Vânoh Paw
| Written by Guest on 2007-08-30 23:29:03
Marland.Net viasazy,
Nama dâh kaw dua! Nama pachâ dâh nata hmô dâh vaw reih tua rai u. Eima râh taopathi nawpata hehe a peimawh ngaitapa sâkha a châ.
Vânoh Paw
| Written by Guest on 2007-08-31 10:44:11
Krizyhpa eima cha tawhta cha Krizyhna lapi dopa liata eima dua he peimawhta, chavata kei cha eima ngiapana he suh tua sala, Pastor nazy chhao he siano hra eisala, politics zy siesai ba hra ei sala, chata zawpi ta nie hra aw eita, cha hawta hmo do leipa sahlao zy ama tao ti chhaota ama rei ama pathlei ngah aw.. politics buakhei khai ha eita, abua kaw... eima ngiapana he buakhei tua ei sila apha chai awpa hawta ei pacha....
Ahrua | satlia _hmipha
Written by Guest on 2007-09-01 03:30:02
He ky liana heta a chyta ei pachana dah vaw tho hrawpa kho kaw nata,Mara rah cha Khazohpa ngiachhiena nata chhithana vata Ko 100 a uh theipa eima vaw cha haba,,Corruption he krizyhpa rah liatala a y thaipa cha vei,,eima rah liata corruption a y na chhapa hela,khazohpa eima ngiahpa hmeisei leipa a chapata ei pahno...A moh tahta krizy pakheipa eima cha hawta ei pahno...nie paruna y lei nawpata cha keimo mopakha no cha eima ngiahpana liata eima sia chyuh awpa a byuh pata ei pahno.. | Written by Guest on 2007-09-01 09:13:52
Discussion a sie pha lyma.
Ahrua nata satlia_hmipha hmô dâh he â do ngaita kaw. Eimâ ngiapâ kyh liata eima sia awpa a peimawh hmeihseih. Pastorzy politics liata pahâna kyh he bâh vaw reih pakawh via tua u. Kheihhawhta ma pastoryzy cha politics liata ama pahâ? Pastorzy hrozie awpa nata chakao awpa peimawhpa ta nama hnabeiseihpazy vaw reih via tua rai u.
Vânoh Paw
| Pastor-zy politics liata
Written by Guest on 2007-09-02 09:52:01
Eima rah liata Pastor alalaoh viapa thokha na he party ama support pa ala kawta, chavata party ama support lei paliata a ypa sahlao eima mararah awnanopa liata pa thokha zy cha awnanopa puasai chhao ama chhua pahru ngapa kha a cha. Asia viapata moh achakhi laih pacha phalei pata, Siaha rachho atlo pazy ta cha ama pahno khai...
He hawpa duahmo lia cha pastor nazy bie reipa chhao ama party support na liata a y lei pazy ta cha ama bie chhao na thlie hoh vei ama tah cha maw... apei kaw... | khon
Written by Guest on 2007-09-03 21:54:32
A hmia tuata keimo KHAZOHPA eima pahnopa dei adailei pa ta KHAZOHPA ta apahnopa chysa acha awpa acha.Asanona liata Marapa chi, pho nata Mara rah kyh apacha hmeiseipa acha awpa acha.
Pawtha.....M`sia | Written by Guest on 2007-09-06 00:20:00
Marapasaw zypihe eima thathi kaw saipita tiama awpata eima pachu tua awpa abyu,Bible liata areipa hawta A HRIA LEIPACHA ANI CHHAO NIKHA SY ta pa he eima bievao pata hma chyu silacha,eima ra he AVYUNA[corruption]y leina avaw cha nat ei hnabei a sei
Beizawzi
| Written by Guest on 2007-09-10 03:13:19
Maraland.net viasa khongaitapazy eima rah tahmahla duahmoh liata nama pachana thyupazy he arohna ta nata eima rah ta angiah kawpa tlai a cha. Reipahmao awpa biepipa a thyu tuhpa Puhpa Vano Paw hno chhaota ei ly hmeihsei.
Corruption chohcha liana heta eipachana vaw thyu hrawpata eikho kawpa cha he zy he a cha: Eima rah(Maraland) chhoh tawhta Nie-paruna(Corruption) eima papaisa thei n`awpa ta lathlo a peimawh kawpata a lapazy cha:-
1. Abeipa a chituhpa eima cha tuah awpa a byu.
2. Apachuna dohpa eima rah liata eima patlaisa tua awpa a byu hra.(he chohcha liana heta:Awnanopa, sapa nata thlahpa chhihthana ky liata Mara sawzy eima pachuna he a dadie kaw chypata a la)
3. Marasaw hry tawhta cha thaipa(Highly Educated Person) eima hneih hlu tua awpa chhao abyu kaw hra. Cha thaipa he a moh phaota cha Marasaw hry liata reih thei awpa eima hlu kaw tarawh. Chasala, eima rah, khihtla nata keimo mohpakha laisei nawpa nata hmasiehna awpa lathlo nata hmiala ta eima duahmo awpa chhao pachana a hnei thai leipa eima hlu kaw!
4. Raih thaipa(Skill person) eima hneih hlupa a byu kaw hra. Eima rah chhoh liata ama rai dadeipa chhao ahria thai leipa, sawhkha phusa a nie ngathla hapa deikua eima hlu kaw!
5. Apokhana chhao he Corruption adyuna ky liata chhaichhi peimawh kawpa a cha hra. Marasawzy eima chy thla bao nata keimo hry liata apokha thai leina a rulata a y pa he a peimawh kaw. He apokha thai leina heta theila phalei kawpa, keimo pahrana eih viapa ngala pachana pahneihsa ta, moh hropazy tyuvyu awpa taihta hnei khai khona palo ruhpa apahneisa thei ty hra.
6. Ngachhina: Ngachhina he Marasawzy pita eima hnei lei kaw ba! Ngachhi leina heta chyhsapa hro parao ta, uavana nata khohleikhona palorupa taihta apahneisa thei tyh hra.
Pastor- nah zy Politics liata:
Pastor -nah zy he keimo la pachana liata cha Politics bie rai raita ama paka tawhta apua awpa cha vei tahpa he eima bie pipa a cha tyh. He he eima chi nata pho ahnai zie nata eima sosa ma leizie apalasa kaw. Pastor-nah zy he ama support pa party reipa pha ei sala, politics a kei khai hra eisala eitana cha leipata, Polics a dohpa cha ama rei papua hra awpa a cha. Eima Mara rah Autonmous District Council miah a pahneisa tuhpa he a thabyhpa eima laichaidai khiatala eima missionary nah zy hmo patotiana nata patuapaluana tawhta avaw pi pa a cha.
Pastor nah zy he Bible nata tahmahla hro ahmiepa zy pathlua pathla thaita, thyutliapa zy nata a rah ta angiahpazy reih pasia thai awpa a peimawh kaw. Politics pahanah ky liata Pastor nah zy cha rah kypachana nata Abeipa china chota ama reih awpa a cha. A ma khohkhei viapa chyhsa nata party a cha vata a doleipa chhaota hrohrata a keicha thla ha awpa cha hra vei. Hlano tawhta Politics nata Religion he avaw sie pakaopa chata, eima nohto sapa nata thlahpa hro liata eima ngia kawpa chhao a cha.
Achhana liata ei reih khoh kawpacha Zyhna ky liata asiapa rah cha politics lia chhaota sia hra ei ta, chahawna hrata Politics liata sia awpata cha Zyhna ky liata a sia tua awpa a byu. Chavata, zyhna nata politics he 'Tow sides in the same coin' tah theipa a cha. | Corruption nata Pastor nah zy Politics l
Written by Guest on 2007-09-10 03:20:19
Mama Chozah | Written by Guest on 2007-09-13 12:20:18
Pawtha, Beizawzi, Mama Chozah nata Khon(?) reipazy he a do kaw sai. Ahmiatua chaita pastorzy politics pahana kyh he comment tua chai si la.
Mama Choza rei dah he a do kaw. Mongyu reih ta "grand and nation-building" politics ama tahpa "rah paduana" politics kyh liata cha pastorzy chhao eima rah chata hmo phapa hawhta ama pahnopazy cha ama rei lyma hra awpa a peimawh kaw. Ahrua nata thokhazy reipa he "petty nata party" politics liata pastorzy he ama hnia awpa pha vei ama tahna hawh tluta pacha na ta, chacha ama pacha dah a cha khiata cha a do kaw hra. Petty tahpa cha rah nata zawpi chata achhuana a hnei hlei leipa, kyhchhie hlahru a rei pa laihna chota nata a pachhie pahru pa laina chota politics a khaihpa, tloh thei nawpa kah a cha khiata cha, Krizypa hrozie hawhta a hmie ah leipa chhaota chari chamy pa lai thlah hana, hawpa politics he petty politics cha ta, chahawhpa liata cha pastorzy cha ama hnia awpa pha tlai aw vei. Party politics heih cha, eima party a cha hnokua cha, tah ta, a chhi a pha nata a do do lei chhao hrua leipa ta, blind ta party yna a chah kheipa he a cha. Party politics liata a ypazy ta cha, amo party luhpazy cha valyuchapa hawhta hmo ei ta, ama taochheina rai pahno khoh veih ei. Chavata hehawhpa "petty nata party" politics liata cha pastorzy cha ama hnia lei awpa cha a pha kaw tlai. Grand nata nation-building politics liata deikua cha Khazohpa china chota Khazohpa kho dah hawhta eima rah padua awpata maniah ama paso paka thei awpa hluhpi ama hnei.
Tawhla, Krizyhpa a tahpazy ta zawpi, py nata sawhkha soh ama vyu paru khoh nata ngah thlah ha khiata cha, nama rei sa ta, Khazohpa china hnei hmeihseih veih ei tahna a cha. A mohphaoh ta Kri azyhpa tla ama cha aw. Chavata Kri eima zyna kyh liata eima sia awpa nata Khazohpa eima chi awpa he a peimawh hmeihseih.
Hetawhta eima rei pakawh via heih aw.
Vanoh Paw |
Powered by AkoComment 2.0! |
Articles 
