|
MADC liata rai pabapazy kahvi leita ama y |
|
|
|
Written by Siaha Correspondent
|
|
Tuesday, 25 September 2007 |
Siaha, Thlarah (Sept) 24 - Mara Autonomous District Council (MADC) ry liata Muster Roll ta rai piepazy November 2006 liata paba pakhua hapazy ta atahma he kahvi lei pata ama rai liata pangia pakhua awpata sawkhana ama hnaw nga hai.
Atanoh chhao heta kah nona a cha haba kahvi lei pata ama y pathaona tawhta. Thlarah (Sept.) 15 tawhta ama pathaopa kha a cha.
MADC sawkhana (MNF siekheipa) parohpa liata rai la pazy ama zydua ta 90 rachho cha eita, chazy cha sawkhana thiehpa a vaw thlah nata paba hapa cha eita Mawrah sawkha recommend-na hawta. Cha cha atahma he la pakhua awpata MADC sawkha ama hnaw nga hai.
MR ta lapazy paba ha heih pazy hry liata kahvilei pata a y pazy he ama zydua ta 80 hlei ama phapa hawta pahnopa chata, ama hry liata chano 4 nata chapaw 2 zy cha ano charuna (6) nohta Thlarah 21 pa khata ama sapata atao vata Hospital la pangai kheipa ama chazie bie eima dao hra.
Eirino, Thlarah 23-pa khata Puhpa S. Khipo, CEM, MADC ta a rei dah ta Mizoram state sawkha ta bie apapuapa hawta nata a recommend-pa hawta Phiapi (Nov.) 28, 2006 kho lata (MADC election chy) ta rai Muster Roll-ta la pazy cha paba khai awpata biepiena apapua vata pabapa cha eita, Mawra sawkha ta la pakhua thei heina pasaina apapua tua lei pata la theipa a chalei zie thatih alapakhy pazy hnota chhota; Executive Committee ta la awpa he ama thlahzie chhao a chho hra ei.
"He rai paba ha pazy he Recruitment Rules leh Departmental Promotion Committee asaohiah tua lei pata lapa ama cha vata pabapa ama cha," CEM ta a tah hra.
CEM ta a rei dah ta, zawpi zy ta council (MADC) budget tawhta phusa hma awpa 8% ngala ama hnei ba zie reita, a y zie cha he rai hlupi la heih awpazy chhao heta budget a y leizie a reina alyu kaw.
MADC liata Muster Roll paba hapa zy hry liata 143 cha la pakhuapa cha eita, chyhsa 208 deikua la pakhua khao leipa cha eita, chavata Thlarah (Sept.) 15, 2007 tawhta chyhsa sycharie hleita he ama demand he hlao patlo cheingei aw pata kahvi lei pata ama y nga haipa a cha.
Powered by AkoComment 2.0! |
