Siaha, New Delhi (Maraland Gospel Centenary Day) : Mara rah liata thatihpha a kaw tlona Ko 100-na cha Mara saw suto liata a y pazy, Japan, Korea tawhta Canada nata US tai ta a ly ngaita pata hmah chyu pa a cha.
Yangon, Myanmar (Burma) khihpi parohpa lia deikua rah abua via ha heihpa vata sawkhata Maraland Gospel Centenary alyna he pasaih khao lei pata hmah thei khao vei ei. Yangon he Lorrain Theological College yna su kha a cha. (Buddhist theithaipazy ta lapi ama chhi pazao lyma pa cha zawpi ta support chaima eita, pheisai sawkhana ama luh apahiasa ngasa no a cha). Sai hei ama chhih kaw.
Mara rah chhoh (nochhi - East nata notla - West) liata ama hmana dah tlahpipa cha apahyna hawta a cha via chai. Phiapi (Nov.) khita noh 10 ahmana alyna kychhi pipaw kawpa kha Siaha liata hma awpa a cha aw.
India rah khihpi New Delhi liata cha Puhpa H.T Sangliana, former Supercop nata Member of Parliament (Lower House) from Bangalore North cha Chief Guest ta hmakhei eita, chyhsa apuapa ama hlu kaw. Viasa rih cha hlupi hrua eita, 200 hlei apuapa ama pha. For Detail Report Click here
Bangalore liata cha Mara Christian Fellowship, Bangalore ta he daihti phakawpa he programme rohna kawpa taota, Wesley Church, Fraser Town liata ahmapa a cha. Puhpa P.S Chhuasa, India Insurance Company liata Bangalore liata alai chaipata a y nga haipa ta Chief Guest a cha. Apakhy tyhna liata ryhpaoleina vata nata pasaina ama hnei lei vata apuathei leipa zydua chhao puakhai eita, he no cha apuapa ama hlu kaw tahpa bie eima dao. Report chiehpa hawta, Chief Guest chhokhazy ta kychhina tao eita, Laihsa Florence Nohro ta Centenary cake a vaw thyu tahpa bie eima dao. Detail Report Maratechnology liata post pa a cha Click here
Ahnola chaita ahmapazy cha San Francisco liata Mara saw a y pazy a ma cha. Maraland.net correspondent ama chho dahta, San Francisco liahchho chaina su - Union Square liata he daihti sohna kawpa he hmapa chata; Pastaw Chatlai ta biereina a hnei, apuapa zydua papangaw a ma cha. He noh ta Centenary kychhina ataotuhpa cha Satliapa Vabei Mauthei a cha. Thai Restaurant phakawpa liata keimo la bei chhodah alyupa kawpa sahlaozyta ama nie. Ama ly kaw sai.
Mara rah khothola a ypa ama hluna su, Kuala Lumpur (Malaysia), Singapore, New York, Australia nata Mawrah chhoh Shillong Mara Church, Aizawl Mara Church, Lolei Mara Church, Lawngtlai, Paitha nata suhro Mizoram chho liata Mara awhnanopazy nata Sittwe, Mandalay, Thlatla zy chhao ama hmana report zy chhao eima thei palah nata eima pangiasa hra.
PHOTOS: Centenary alyna nothlah su thokha tawhta eima hmo pazy mo aw pata, CLICK HERE
|
Written by Guest on 2007-09-28 11:26:46
couldnt be more happier than witnessing the hundreth year of gospel missionary..a time to remember our brave forefathers who have given up their faith and follow christianity...its a high time to ask ourselves on wherther we are ready to give up our love for materialistic world? a challenge i must say...but let none of us be fooled by the greatness of this world for one day we will be answerable to the creator of our so great world! and secondly...God had spreaded us...the least we could do is show our love for humanity and love of God to our next neighbours whichever part of the world we may be living in...wishiunf everyone a happy maraland Centenary...let us not be bogged down by greed and hatred. |
Powered by AkoComment 2.0! |
.jpg "Viarah liata Mara satlia amopa tlah achapa")
