Maraland.NET - Aizawl Mara News Update

You are here: Home

News

Aizawl Mara News Update

Written by Mama Chozah, Aizawl

Friday, 05 October 2007

Aizawl: Mizoram khihpi Aizawl liata Mara sawzy news update a cha.

Aizawl Mara Church Bia Pakhypi news

Aizawl .5.10.07: Mara Church Aizawl Bia Pakhypi cha tari noh 5 - 7th October, 2007 pata Aizawl Mara Church liata hneihpa a cha aw. Tari noh 5.10.2007 zah tawhta Pakhypi Programme he ahmah pathao awpa cha aw ta, khihchhai zy chhao thatih rona diatih liata eima pahno theina hawta cha Shillong Mara Church tawhta Malu- 19 a khy thei eita, Lolei Mara Church tawhta malu 15 ama vaw hlao thei hra. Mara Church Aizawl Bia pakhypi he zako la liana khata Maraland khohtho la liata Shillong suh liata Bia Pakhypi ama vaw hma haw hra. He he Maraland khotho la liata Marapa sawzy pakhypi eima hma tuahna eikhana a cha. Mara pazy thatih rona liata daitih nata noh ngiatla kaw awpa a cha.

MSO Joint Hqrs Aizawl News

Aizawl 5.10/07: MSO Joint Hqrs: Aizawl Fresher Social Programme awpa hmiahla liata eima vaw palasapa kha Awnanopa programme nata a daitih alyu hawpa vata tari noh 13rd October, 2007 lata pasiepa a cha. General Election chhao tari noh 20th October, 2007 liata hneihpa a cha hra aw.

Zyhno MTP zy Sawlakia Aizawl liata

Aizawl 5.10.2007: Bamboo Festival - Tourism Depth, Gov't of Mizoram tah apachhuapano liata MTP Branch: Zyhno zy cha Mara LA(Sawlakia) palasa awpata malu -27 zyta ama za hlao thei. Bia pakhypi lia chhao Hla tah chakaona rai hria awpata ahnabeiseihpa ama cha hra.

Aizawl Mara Newsletter Aizawl Mara Ao papua aw

Aizawl 5.10.2007: Aizawl liata Marapa sawzy eima pokha via thei nawpa nata Mara Literature avaw sosa via thei nawpata Aizawl liata Marapasaw u thei viapa nata palo ha viapazy asao hiapata "AIZAWL MARA AO" tahpa Weekly News Letter cha pahpua thei awpata patohtiana siekhei nga haipa a cha. He liata hria tuh awpazy cha he ary liata palasapa hawna heta ryraona taopa a cha;

Editor : Puhpa J. Rawna.
Joint Editor : Stp. Mama Chozah.
Contributors: 1. Stp. M. Lalrammawia. 2. Stp. Vabeilaikhai.
3. Stp. Andy Beirona Phiapi.

'Aizawl Mara Ao' he pahanoh(sunday) mai ta papua thei awpata achhuanopa a cha. Article khei hawpa raih Marapa sawzy zy chata hmasiena nata hmo phahnaipa a cha thei awpa na hneihpa a cha khiatala he ary liata palasapa e-mail add. liana heta paphao thei pa cha aw. Ahy rai nama contribution zy cha alyhkawpata eima vaw papua lyma aw. Mara sawzy chata Byhna vaw cha a chhua ma y.

Contributed by Mama Chozah, This e-mail address is being protected from spam bots, you need JavaScript enabled to view it

Comments