Maraland.NET - Kuala Lumpur (Malaysia) Maraland Gospel Centenary rohna kaw, Video chhaota

You are here: Home

News

Kuala Lumpur (Malaysia) Maraland Gospel Centenary rohna kaw, Video chhaota

Written by International Correspondent

Monday, 15 October 2007

Kuala Lumpur, Phiata (Oct.) 15 - Malaysia khihpi Kuala Lumpur liata Mara saw a y pazy ta Maraland Gospel Centenary cha rohna kawpta Phiata (Oct.) 13 khata hma hapa chata, Rev. John Byhna tawhta report eima dao dah ta chyhsa 450 hleita ahmah eita, news reporters chi hropa pano nata chihropa a zydua 11 ta ama hma khei. Video a y palah aw.

Mara Christian Fellowship, Kuala Lumpur, Malaysia Pastor Rev. John Vabeibyhna ta report a piepa he rei hra tua ma y. A kichai kaw. Nohthlah pazy he This e-mail address is being protected from spam bots, you need JavaScript enabled to view it liata thlai eima dao tita eima vaw upload aw.

Dear Mara Unaw & Sietano zydua,

Eima Beipa Zisu Krista mota Mara Land Gospel Centenary alyna chibai Kuala Lumpur, Malaysia tawta eicha vaw bu ei. Khizaw kaoki liata a ypa Mara sawzydua hnota Mara Land Gospel Centenary ( Ko-100 ) Jubilee byhna nama hnota vaw tlo maw sy. Amen.

ABEIPA ngiachhina va nata Mara unawzy thlachha baona vata eima program zydua eima hlao tlokaw pa ta eima vawhma thei pa acha. Malaysia Mara sawzy ta eima chhuana nata eima pacha pa hlata apha via pata , arona kawpa ta eima vaw hma theipa cha aly achhi ngasa. Chysa tota Malaysia Mara Land Gospel Centenary VCD/DVD pua aw pa he angia tia mapi ABEIPA liata hnabei seikawpa nata aly kawpata thlachhana chota eima mokha ngala nota avaw cha.

Malaysia rah Kuala Lumpur Khipi liata Mara Land Gospel Centenary VCD, November First week liata eima vaw papua ba aw. Rahto suto liata Mara sawzydua ta nama yna mai liata nama hnota eicha vaw paphao khai awh. ABEIPA liata thlachha nachota Malaysia Mara Land Gospel Centenary VCD vawmo kha mu vei. Keima pakha tawta Ko-100 , alyna Lasy ta Malaysia Mara Land Gospel Centenary VCD eicha vaw paphao aw ei.

Malaysia Mara Land Gospel Centenary no liata avaw tlo theipa malu- 450 ( Zapali nata sypangaw ) ama cha. Chi pho zydua ta -11 ( phohraw hlie kha ) ama vaw tlo. News Reporter mo pano ama vaw chhie. Pakha pa he South America chysa pa chata pakha he France chysa pa ama cha.

Malaysia rah liata Mara Land Gospel Centenary eima vawhma pa aphatu hawpa vata daiti chhao pachha kho thai khao mapi arona tu hawpa vata acha.

Chi hro Phohropa zydua chhao mo hlupi mania avaw hlao eita "Mara " tapa he mania ama vawpahno kawpa avaw cha. Centenary no liata " Mara " Biography nata Missionary thati zy English ta ropa chata MCF tawta papuapa acha. Mara tapa he ama vaw reithai kawpa avaw cha. Ahy vata ma acha - Zisu Krista va deita he acha. Isai 60:1 , Bie hawta Mara sawzy dua ta Khizaw kao ki liata Mara pa Chi nata Pho, apakhai sa tupa nata Khazohpa rai ahria tupa ngachhipa Kraws pheisai phapa Mara sawzy eima chathei naw pata ABEIPA ngiachhina byhna nata Mara Land Gospel Centenary rona na byhna zydua Mara saw zydua hnota vaw tlo maw sy. Amen.

Krista liata,

Rev.John Byhna
Secretary
Mara Land Gospel Centenary Board
Kuala Lumpur, Malaysia

Comments

zkvabeimauthei
Written by Guest on 2007-10-15 12:54:51

Rev.pastor byhna y namatao zie phapahe vawmeitheiawh vana. :grin