Maraland.NET - Chipabuna amopatlah kawpa news

You are here: Home

News

Chipabuna amopatlah kawpa news

Written by International Correspondent

Sunday, 21 October 2007

Mara satlia Armenia liata Medicine a chu nga haipa Dr. Sasa S/o Evangelist Ebi ta chipabuna rohna kawpa Mara rah chata vaw taota. Cha cha a phusa lata India ta Nuai 3 (3 lakhs) rachho ( Rs.42 per dollar ta) chata, US $ 7,300/- po a cha.

{For more pictures Click here }

He phusa heta Mara rah (East Maraland) nochhila thotla khih 4 zy liata ti phapa ama nie awpa tilana ‘pipe’ chalei nazy nata khih 5 zy liata achhyna o pha kawpa ama sa hai pazy chata chi apabupa a cha.

He he Maraland.net staff-zy pita arohna tah kaw pita ano he interview hnei khei pita, he phusa he kheita tlai ma a vaw pacho dah chata avaw thyu papua thei tahpa hiahrina a chhyta, a rei dah ta, he hawta a rei:

"Ko 2002 Armenia eivaw tlo pataw nata Abeipa liata bietaina hnei nata cha ei bietai pazy cha -

Suhraw liata sutho pahe so lyma awpa, khih la si leipa pata khila eivaw si na vyu apta air ticket ta acha pazydua he eima rah chata so lyma awpa
Khazohno (Sunday) noh maita patie nie lei pata pati nie pahapa nie vyu pata a phusa la ta eima rah chata so lyma awpa
Pocket money nata achuna hlei khota phusa eihnei chhopa zydua eima rah chata so lyma awpa
Bus fare and Taxi fare zy vyu pata pheita (foot) University kia pa ta he transpaortation liata hma vyu pata eima rah chata so lyma awpa tahpa zy he vaw so khai nata

Bank Account pahy nata Ko 2002 na taw khata eivaw so lyma pa a cha. Ata ko taita avaw tlo papuapa cha a zydua ta USD ta $7300 avaw pha thei pa acha. Arona hmeisei pa hawta ei hmo.

Keima vata cha lei pata Abeipa tlai ta avaw parona sa pa a cha ei tah hmeiseih.

MBBS patlo ha chita, MD he khati ta na patlo aw tahpa cha he hawta a chhy:

MD he 2009 ta patlo aw nata, Ko 2009 khola taw khita UK la he achu pazaona hnei awpa ei pachhua pano ngala nota acha chy, a tah hra.

Arei pazao dah ta, Pahno tlai na Khazohpa khona a ykhia la a vaw ry pao khai awpa ei hnabeisei. Chasala atahma pa he vaw patlo tua sala cha khai tawta UK la achuna he cha ei pacha hei abyuh aw. Abeipa ngiachhi na vata UK liata chysa peimaw thokha zxy ta atahma tawta na rei khei pathao haw eita avaw thei thlyu awpa ei beisei nama thlachhana liata rie navaw thei hra mu vy, a tah hra.

{For more pictures Click here }

Eima hnola ko liata UK a tly no zy chhao khata Tearfund (tearfund.org), oxfam.org - khizaw liata Christian Aid agency alai kawpazy luhpenawh nata chhao ama hmo hapa kha a vaw cha hra.

Dr. Sasa he amoh aseina la cha Taisa chata, Atai, Pawsa, Sasa tahpazy ta aw tyhpa a cha hra.

He hawpa Khazohpa achipa nata rah kyh apacha pa Mara satlia he thyutlia zy chhaota ano hro hawpa he eima la lyma awpata Mara thyutlia zy chata achuna pha kawpa a vaw cha.

Eima thlachhana liata athei pata achuna nata rah chata apie pasana zydua Abeipata byhna pie lyma maw se.

Comments

Ahrua
Written by Guest on 2007-10-21 07:17:34

Dr Pawsa, ei chapalai khei kaw. Mara saw chata byhna vaw cha lyma ma y.

Moses C. Tehlo
Written by Guest on 2007-10-21 21:12:27

Paw Taisa, Eima chalei ngasa. Navawtao pha hmeisy.Khazo pata na y namai ta beihna chapilai maw sy. Amen

Written by Guest on 2007-10-21 21:59:01

Dera Sasa,
Abeipa hmo taothei napa he nama liata ala via nga kawpa vata eicha ly khei hmeisei, ngiapana liata tha mania patlo tupa navaw chai ngaita kaw, Abeipa ta Byhna chapie via rili maw sy,
Dr.K.Robin

Written by Guest on 2007-10-21 22:01:53

Dear,Dr.Sasa
Abeipa hmo taothei napa he nama liata ala via nga kawpa vata eicha ly khei hmeisei, ngiapana liata tha mania patlo tupa navaw chai ngaita kaw, Abeipa ta Byhna chapie via rili maw sy,
Dr.K.Robin

Hlao tlo via lyma ma ei !!!!!!
Written by Guest on 2007-10-22 05:44:35

Dr. Atai, na hmo tao rona pa choliata ei chaly khei hmeiseih. Mara pa angiana na pahno pasukaw. Khazopa ta ano ku phei ta chahma rili maw sy...Pa Hmo, Chennai.

Written by Guest on 2007-10-22 07:51:00

He chipabuna vata khih athohkhei pazy detail cha This e-mail address is being protected from spam bots, you need JavaScript enabled to view it liata a hiahri thei aw.

Admin (not login)

A rona kawna
Written by Guest on 2007-10-23 08:43:18

Dr.Sasa,na hmopha taona lyma cha Abeipata cha tho sala na chuna liata tha cha patlo sala byhna cha pie via lyma maw sy,,Mk B'lore

Written by Guest on 2007-10-23 11:26:44

Dr Pawsa, amo patla nacha hmeiseina Mara thlyu zy ta nama spirit hawpa he hneithei sila cha Mara rah he atahma hawta avaw cha lei awpa tlai
H.MN

Rona via rili maw se
Written by Guest on 2007-10-24 09:49:58

Dr.SaSa,Natao phanazy dua he Marasaw thyutliapazy chata lathlo phapa chhao vaw chabei maw seh.Marasaw byhna vaw chapha via rili ma ei.

Written by Guest on 2007-10-27 13:30:04

Dear Sasa,
Sasa hi ka hriat chian em em ani a... kum 2002 a tang a ka zir pui ania , Pathian malsawmna a dawn zia hi sawi theih bak mai ani a.
Mara atang a he tiang a pasaltha hi an vang ngawt ang, a thil tum hi ka hre chiang a, Europe leh USSR a fan chang te hian tum ran nei in a kal a, a ram mite hi engtin nge a tan pui theih ang tih hi a tum ber chu ania....Medical lam a ka zirpui ania...mahse ani chu broad minded person a ni a...medical in a huam phak hi ngaihtuah na a nei ngei ani...
Pathian in hetiang em a mihring a malsawm hi mak tak mai ani.... Ka thian a hetiang a mahni te tan a inpe ka nei hi malsawmna ani tih ka hre chiang a, a thil tum leh a thil tih a piang ah Lalpan Malsawm zel rawh se tih hi ka duhsakna sang ber ka hlan theih chu ani.....

Matthew Pa,
Heibikliana Thangtu,
Saiha.

Written by Guest on 2007-10-31 21:13:02

Dr SASA,
KHAZOPA ta hehlata arohnah viapa thaihna sohna byhnah chapivia lymamaw seh, Amen

By. Thlasa
WESTERN AUSTRALIA,
PERTH.

Abeipa cha ronah chai maw sy
Written by Guest on 2007-11-01 04:42:47

Dr. Sasa..
Na chakaona ky liata amopatla na cha na he Marapa zy pita eima cha palai khei kaw. Na hriapasana nata na chi hei chata na taophana, tha pasana zy dua he Abeipata byhna pie tlai sala, amo cha Mara pazy hnota vaw ronah via rili lyma maw sy.

Mama Chozah
Aizawl

Written by Guest on 2007-11-01 11:51:53

Dear Dr Sasa
Mara Pasaipha tapa tah eithei tyh pakha nama tlai he navaw cha, eima rah saw zy chata natao phana he Mara pata mei bei kha se.

Khazo pata byhna hlupi chapi vialeima thla maw syu.

ZT Mara