Maraland.NET - Mara saw Theology lia Doctorate tuapa eima hnei

You are here: Home

News

Mara saw Theology lia Doctorate tuapa eima hnei

Written by Bangalore Correspondent

Tuesday, 23 October 2007

BANGALORE: Mara saw theology liata Ph.D eima hnei ha ba. Notlala liata Mara saw hry liata Ph.D doctorate degree theology la liata ala tuachaipa a cha hra.

Khazohnoh Phiata (Oct.) 21, 2007 pa khata Dr. John Hamlet Hlychho cha Acts Academy of Higher Education ta Convocation rohna kawpa Bangalore liata ahneina liata Ph.D he piepa puapa a cha haw.
Dr. John Hamlet Hlychoo

(Dr. John Hamlet Hlychho Ph.D piepa acha nopa) More pictures Click here

A dissertation cha, 'The impact of Christianity on the social, cultural, political and religious life of the Mara tribe in Mizoram' tahpa a cha. (Mara chyhsa thatih a cha vata notla dei chalei pata nochhi chhao apahly pa pyly tahpa kha pahno sila).

Dr. John Hamlet Hlychho thaina he M.A, M.Div, M.Th, D.D, Ph.D (History & Mission)
chata, ano he NEHU tawhta BA patlota M.Div he Union Biblical Seminary, Pune tawhta patlo heihta, MA he Bangalore tawhta patlota, M.Th he SAIACS, Bangalore tawh pyly, D.D he USA tawhta piepa chata, Ph.D he rei chiehpa hawta Acts Academy of Higher Education, Bangalore tawhta a vaw dao heipa a cha.

A thatih chyupa:
Dr. John Hamlet Hlychho he Pami (March) 30, 1968 pa khata Laki khih liata Elder H.C Vahlei nata Pihno H. Nochhi zy tawhta vaw pita, a hawti kaw chy nota Ko 7 a cha hai no Ko 7 acha no khata Ko 1975 pa khata Tipa 'V' la akaw paih khei eita, PUC a passed pataw na ta Ko 1986 liana khata kyuna sia kawpa a pahno vata chakaona liata a hro zydua avaw pie khai hapa (full time ministry) chata; chakaona liata a yna chota achuna he atao pazao lymapa a vaw cha.
Dr. John nata alykheipazy

(Dr. John nata Mara sawa aly kheipazy chhaota) More pictures Click here

A viasano Pihno L. Deli nata saw pano Joseph Beiduakhei Hlychho Ko 16 pa nata sawchano Esther Beihruasoh Hlychho Ko 15 zy chhaota ECM Bethel Local Church, Siaha liata ama y nga hai. He degree adao no heta alapi nata saw aza hlao thei vei ei.

Ano he cha apakawpa chata, M.Div achunga nota apatlopa pata USA tawhta University sakha tawhta a charopa (thesis) vata Doctor of Divinity (D.D) ama vaw pie hapa kha a cha. Chasala, achuna cha basai lei pata pazao via lyma ta atanoh ta Ph.D he avaw hmo pa a cha. A uhta Rev. H.C Khaicho B.D chhao atahma he Shillong liata M.Th atao nga hai hra.

Mara saw zydua chata acharopa chhaota ryuh (treasure) a cha hmeiseih. He achabu rohpa he khati tama chalei thei awpata publish pa a cha aw tahpa he pahno thei mahpa cha mahvei.

(Dr. John nata Ls. Vicky Azyu narozy chhaota) More pictures Click here

Dr. John he KTP Headquarters liata angia tua tawhta avaw chakao lyma pa chata, Ministry experience cha ko 20 hlei tlai a vaw hnei. Pune liata a y nota Mawsaw (Mizo) nata Marasaw zy chata chhituhpa ama phahnai kaw tyhpa kha chata, Bangalore liata a y tawh chhaota Mara Christian Fellowship: Bangalore adua tawhta President chana avaw patuh tua chaipa Khazohpa cha nata Mara sawzy chata avaw hma tyhpa kha a cha.

Mara saw Centenary avaw chapana liata byhna eima dao hmeiseih. Secular lata Law liata Doctorate Dr. Ngo Cho Le vaw hnei pita, History la liata Dr K. Robin vaw hnei heih pita, atahma he Puhpa Paul Pai U chhao D.Th final US tawhta thlai a vaw patlo hra aw, byhna thata eima dao.

He hawpa degree asachaipa Ph.D a vaw dao thei pa he Gospel Centenary ko vaw chapa heina liana he ta, Dr. John Hamlet Hlychho nata achhokhazy Maraland.net ta aly khei hmeiseih pita, Mara saw zydua chata byhna a cha lyma awpata eima khokheina eima hla hra.

Note: India lia Mara saw hryta Theology la liata doctorate achu papua tua chaipa a cha. Apie ta piepa lia cha ano chhao he D.D a vaw daona kha arei kaw ba hra.

Comments

Centenary byhna
Written by Guest on 2007-10-23 12:05:30

Dear Maraunawh zydua,

Namo nata eima Khazohpa hmiako liata Dr. John Hamlet Hlychhoh ta atako Ph.D Degree a vaw hmopa he Centenary byhna acha tahpa ei palaha.

ABEIPA nata ano nata a chhohkha hriapasana he Khazohpa moh rohnahna , Awnanopa chata byhn nata ama chhohkha cha chakaothatlo byhna la ta pacha sa mawh sy.

Rev. Mai Ki
Camp.Aizawl

Source: Maraunawzy Yahoo group.

Byhnah Thiepa A Tlohkheipa "Centenary"
Written by Guest on 2007-10-24 06:33:31

Eima Khazohpa ta Mara saw zydau chata achuna ky liata "Byhna" mia a vawpei via lyma haw hi! Dr. John Hamlet Hlychho Doctorate a tlohpa thati vawthei na ta eima Khazohpa lata alyna biereina cho ta ano cho lia chhao ta ei ly kheina ei pala sa.
Eima rah liata hmohsohpa nata losôhpa zy pua vei hrasala Marah sawzy hmâhsie khiathyna (Mara Humen Resourece Development)ky liata eima Khazohpa ta Byhnah thie viapa mia a pei ly ma awh tahpa he ei ngiapa.

By
K. Hliesa
Geography Department
Yangon University,
Yangon.

Written by Guest on 2007-10-25 01:47:44

Dear Dr.John Hamlet
Na hria pasana nata tiama na he amohpa acha eita hmeisei, Mara saw nata eima Awnanopa chata Abeipa ta Byhna nata hmo rohnapa tlo khei tupa chapa chasa lyma maw sy,
Dr.K.Robin
Aizawl

Congratulation!!
Written by Guest on 2007-10-25 04:47:11

Dr.John Hamlet

Navaw hriapasana zydua cha atano Khizaw Kaoki Marasaw zydua nata Abeipa Khinara chata alyna so kawpa avaw tlo khei haw he zaw!!

Abeipa ta AKhinara kaw viarili na chata chahma via leima sala, Degree so ngaita kawpa mia nahmo theipa zydua he Abeipa tlai chata azi chasala Akuchho lia so parei thla ha maw Se, AMEN.
Krista liata

SaSa
Armenia

Ei cha palai khei kaw
Written by Guest on 2007-10-25 20:30:42

Dr. John Hamlet,

A pha kawpata Ph. D na vaw patloh theipa cha ei cha ly khei ngasa. Ei palorupa chhoh chaipa tawhta ei cha palai khei kaw. Khazohpa ta cha hma lyma mawh sy!

Rev. Vako
Camp: Seoul

Aly kheina
Written by Guest on 2007-10-26 10:02:01

Dr. John Hamlet,

Mara Gospel Centennial ko lia ta tlai Ph.D. (Mission and History) ta na vaw hmo thei pa cha Marara nata Marasaw cho liata Abeipa ngiachhina ala pasiana hmo hlupi hry ta, hmo ro na kawpa sakha avaw cha hmeisei. Abeipata nasi lai lyma chy aw pa lathlo liata a cha y pa lyma naw pata thla ei vaw chha.
Aly kheina cho ta,

Paw Ngo Cho Le nata Pino Ngo Tei Te
Indianapolis, USA

ei chaly khei kaw
Written by Guest on 2007-10-31 02:16:55

Notla mara sawzy hryta Ph.D (Theology) navaw hmo tuachaipa vata abeipa mo ei reithai hmeisei. Abeipa rona na alana awpa hleidy (brige)cha bei maw se.

Cho U Hlychoo
Yangon, Burma

Congratulation...
Written by Guest on 2007-11-01 04:35:24

Dr. Hamlet, Na hlao tlona he palo hmeiseih ta ei cha ly khei kaw. Na hriapasana nata hlaotlona he Mara pazy chata Byhna ronah kawpa a cha hleikhota, apalai khei tla a cha hmeiseih. Abeipata byhna cha pie lyma maw sy.

Mama Chozah
Aizawl

pathai dalls,texas,U.S.A
Written by Guest on 2007-11-09 13:26:39

Dr,hamlet
eichlyu kheikaw hra,khazopata byuhna chapi lymase.

pathai dalls,texas,U.S.A
Written by Guest on 2007-11-09 13:26:52

Dr,hamlet
eichlyu kheikaw hra,khazopata byuhna chapi lymase.

grizzly
Written by Guest on 2007-11-12 04:03:09

[B]maraland[/B] is a land where i stand forth and back. toward and behind where i had my bro and sis with love a dignity we server. long live maraland :roll