Maraland.NET - Mizo Idol Hmingtea Nohah y kawpata Siaha a ngia

You are here: Home

News

Mizo Idol Hmingtea Nohah y kawpata Siaha a ngia

Written by Colin C. Ngohai

Friday, 26 October 2007

Siaha 23rd Oct’07: Lalhmingliana Chhangte,Mizo I-dol Top-3 liata a tlo pa cha Co-ordination Committee pachhuahpano pa ta rohna ngaita pata dy pa chata,13:00hr liata Siaha khihpi a kaw ngia haw.

Mizo Idol Runner up Lalhmingliana Chhangte

(Mizo Idol Runner up - Lalhmingliana Chhangte at Leipo Point, For more pictures Click here)

Dt 22nd Oct ta Aizawl kaw puasai pata,Khumtung liata sakhana cha veihra sala eima I-dol na cha tah pata rohna ngaita pata dy pa cha ta,Hnahthial lia chhao Sikul taih ta khaw pata zawpi rohna ngai ta pata ama vaw dy hei,Lytai a kaw rie ta,khih ama kaw chapiana mai ta vaw dy ei Siaha tawh ta Motor Zakha(100) hleita Kaochao(Gateway of Maraland)taih ama za dy.Motor he 4-Wheeler,3-wheeler nata 2-Wheeler zydua ta cha zano(200) daihma a cha.

Aizawl tawh ta ano nata apaw hlei kho ta a O tlonapa paw,nata chhokha zy,eima biatuhpa MLA Puhpa Hiato nata MSO chhitha tuhpa zy ta ama kaw zi hra.Siaha khih a kaw ngia pa taw nata Siaha meisahtla liata zawpi hlupi ta padua pata vawdy eita ,hmopiepa zy hla ei ta,College vaih nata New Colony zy vaw chahry pata dyna rohna chaipa cha Siaha bazaar Traffic Point lia ta a hmapa a cha.

Co-Ordination Committee Chairman Dr.K.Beichhua chhithana ry liata daihti ahmapa chata ,Puhpa S.Khipo CEM,Pu Zahminga DC,Saiha,Dr.Chawngkhuma nata Pu.K.Hrangsua zy ta biereina hnei ei ta,eima Maraland Artists Ls.T.Merisa,Ls.Vasty Azyu,St.Beiro,Ls.Lalrintluangi nata Ls.Lalzovi zy ta hla sa pata ama ly khei.Lalhmingliana Chhangte chhao ta Hla-2(sano) sana a hnei hra.He khai tawh ta N.Siaha Vetty Kawn liata dyna Program ahma hei pa chata zawpi chhao ama hlu nga sa hei.

Siaha khihpi lia ta sutho lata dy pa cha ta,zawpi chhao Thyno(20,000) tlai eima pua pa khy.Siaha lia he India rah chhithatuhpa hlupi tlo ha chiena su chata Hmingtea dyna liata zawpi ama pua pa haw ta a hlupa pua ngai vei ei ta pata eima News Editors zy ta ama roh.

Hmingtea dyh nawpa Motor eima DC nata College Principal ta pasai ngasa pata sawkha Motors zy thyu ei ta,eima CEM ta dyhna chata Phusa Rs.10,000/- mia pita,Siaha a kaw tlo tawta Hmopie pa chinano nano pa,NGO nata Private ta ama pie hlu ngasa.Eima DC ta Rs.10,000/- a pie hra.

Mizo Idol 2007 contest liana khata Lallawmpuia Fanai kha tlohta, C. Lalthlengliana of Durtlang, Aizawl kha sanona chata, ano he asathona a cha; chasala zawpi fans apazai chaipa nata performance a pha chaipa hawta pacha viachaipa kha a cha.

Comments

Lyhva a cha kawnah
Written by Guest on 2007-10-28 10:49:51

Siaha khi puahpa zy a pasoh thaina nata a cheichaloh thaina he EIMA PHOH lah luahna chhaichhi peimawh kawpa a cha!!! Siaha zawhpi zy ama taopha hmeisei.