Maraland.NET - Maraland Gospel Centenary Report from Mission Centre Saikao tawhta

You are here: Home

News

Maraland Gospel Centenary Report from Mission Centre Saikao tawhta

Written by Siaha Correspondent

Saturday, 03 November 2007

SAIKAO: Mara Awhnanopa adua tua chaina su Saikao khih liata CCI(M) ta Gospel Centenary rohna kawpata ahmana liata alyna bie nata report Macha Pasa T. Azyu ta arohpa eima vaw post.
He hawta:

Tari noh 25 - 30 Thlarah (September) 2007 pa liata Maraland Gospel Centenary Programme Saikao khih liata hma patlo hapa liana khata Khazohpa nata Mara rah zawpi zy cho liata alyna bie rei hmeiseih pita, Awhnanopa to, mo pakha nata politicians, officers nano nano pazy tawhta baona eima daona lia chhao alyna bie reih tua khoh nata, nama baona vata he programme he hlaotloh kawpata eima hma patlo theipa a cha.

Report tlahpipazy:

1. He Centenary alyna lia he Macha L. Molua nata Macha Pasa T.Azyu zyta pahnie
kawpata apakhyna chhitha eita, Pandal lai kawpta adohlata Feet 108 aseihpa, aha lata 60 ft pa sapa chata, khichhai 1857 po ama pha. Mongyu rah la tawhta Rev. Dr. Janet Wooton, Rev. John Taylor, Rev. Preb Martin Walker nata David Ticner, Mr. Andrew Cantelo hlei khota Mawra tawhta Rev. Dr. Raltawnga, President Elect nata Rev. Lalbiakzama E/S zyta maniah ama kaw hma khei.

2. Maraland Gospel Centenary Inauguration a hneituhpa cha Rev. John Taylor chata, Souvenir kha Rev. L. Mark, Alo bopa Macha Pasa T Azyu, Prayer House pahyna Macha L. Molua, Bonfire Rev. L. Lychhua, Centenary Choir Album release na Puhpa S. Khipo CEM MADC ta a hnei hra.

3. Abie pipa, 'Thyula, Khai te' tahpa hmapa chata, Awhnanopa hlapy 11 dua ama y hlei khota Gospel Outreach, Maraland Selected Love Song singers nazy ta Khazohpa reithaina chhalei pata maniah ama ei ngathlah hra.

4. Maraland Gospel Centenary aly awpata avaw tlopa zy hry liata chyhsa peimawh viapa thokhazy cha Puhpa H. Siku, Macha N. Zahry, K. Hrahmo EM, S. Lalremthanga EM, K. Chhuabei Dy. Chairman, KH Beihlo MDC, I.P Junior MDC, V. Zacho E.O, K. Chhiehrau DAO, Thaly T. Azyu, S. Lalmuanpuii I&PO, Jeffrey Khara Editor Moonlight Newspaper, Wellborn Manners Azyu nata chyhsa hlupi ama hlao.

5. Centenary kyhchhina (Feast) cha Puhpa IP Junior MDC ta maniah atohpa khai eita, Naw 1, Seih 1, Viahchao 1, Vao 3, Mietaku 1, Broiler awh 7 nata Awh 1 zy ta ama patopatia pa a cha.

6. Eima foreign delegate zy ta thohna o (Clini) sa nga haipa chata Rs.25,000/- maniah bao eita, Office Building (RCC) sa nga haipa chata Rs.5,00,000/- mania pie pazao lyma ama chhuah hra. Tawhta, Clinic chata chhao maniah pie pazao lyma ama chhuah hra.

Hako Penge Congregational Church Centenary liata thlano rachhoh aryu awpa laita chyhsa pano (2) ahlao aw pata maniah ama pasai pa hra. Chahlei khota, USA liata ICF Conference a vaw y awpa liata chyhsa 2 sie n'awpata maniah ama finance aw pata bie maniah ama tai hra.

Rev. L. Lychhua cha M.Th course UK liata a chu awpata aryh ama ta hra.

7. Gospel Centenary apatopatiana chata soh (fund) eima pachhapa zydua cha
Rs.2,50,000/- ra chhoh a cha.

8. Congregational Church of India (Maraland) - CCI(M) Siaha Vaihpi chata Evangelist N. Pakho hrua pata Centenary programme eima hma pazao lyma no a cha hra.

Written by Macha Pasa T. Azyu.

Comments