Maraland.NET - Mararah education hmasiena chata ngiapana chi pabupazy

You are here: Home

News

Mararah education hmasiena chata ngiapana chi pabupazy

Written by International Correspondent

Tuesday, 13 November 2007

Satliapa Dr. Sasa ta $10200 USD or Rs Nuai 4 hlei(4lakhs)in kyats Ks 10000000 ( Ks 100 laks or Tei 100) hlei nochhi Mara siku hawti zy chata chi a vaw pabupa thatih ary liata eima vaw soh.

Nochhi Mara rah siku hawti hluvia cha chabu lei pata nocharei siku ama kia, paloru tatah hnabeideina zy hlupi hnei hraw ei sala, thapatlotuhpa, baotu pa hnei vei ei. Phahlapa,lyutaopa Nopaw zy ta saw chypata zy achuna chabu bukha chaleina chhao amarai aru kheina daiti eima tlo haw.

Nokha cha Medical University Library chho lia, cha eimoh ngano ta Mara rah thotla khi tawta siku hawtizy ei pathilo navaw tly eita,thaisona hnei awpa ama khohna hmiaphao cha ava liata deiva, awsi hawta khaitah, ahy nata eihmo pacha kuruapa ta adua thlapa achuna chabu bukha ahnei leipa zawpi cha eita, bi rei awpa chhakah pata mothliechi chhaota atlanabi eima reih.

Siku hawti sai u, namo chata chabu bukha chha eivaw tlo khei hla lei cha ei hrona he Cho Khazopa ta napazao chy maw se tapa ta thlachhana hnei pita Mara rah thotla khi zydua liata mini-library padua awpa ta bitaina eima hnei. Khazopata bitaina cha hlao mia apatlo sa haw vata Halleluiah!!! Abeipa moh cha chhazaw nata tly zaw ta reithai pata y via rili mawse. AMEN.

Ngiapana chipabupa khi nata siku zy

   1.   Lialaipi High siku                      Ks 400000
   2. Liailaipi Agape boarding School         Ks 150000
   3. Lialaipi Centre for Maraland education Ks 150000
   4. Patheitla(Ta-Ao) Middle Siku            Ks 250000
   5. Chakhai Private middle Siku           Ks 250000
   6. Sabyta Middle Siku                    Ks 250000
   7. Sabypi(Vasai) Middle Siku             Ks 250000
   8. Nge Phe Pi Middle Siku                Ks 250000
   9. Satu private Middle Siku              Ks 250000
10. Lialaita (new)    Private Middle Siku Ks 250000
11. Taobu Private Middle Siku            Ks 250000
12. Tisi Private Middle Siku             Ks 250000
13. Lialaita (old) middle siku            Ks 150000
14. Salapi Primary Siku                   Ks 150000
15. Siaha Primary Siku                   Ks 150000
16. Potia (A)Primary Siku                 Ks 150000
17. Para private middle Siku              Ks 250000
18. Tlopi Primary Siku                    Ks 150000
19. Hemata Primary Siku                   Ks 150000
20. Hemapi Primary Siku                   Ks 150000
21. Chali Primary Siku                   Ks 150000
22. Lovaih Primary Siku                   Ks 150000
23. Pasai Primary Siku                    Ks 150000
24. Aru Primary Siku                     Ks 150000
25. Sosai Primary Siku                    Ks 150000
26. Teina Primary siku                    Ks 150000
27. Potia (B)Primary siku                 Ks 150000
28. Chapy   Primary Siku                  Ks 150000
29. Zoma    Primary Siku                  Ks 150000
30. Dawlei Primary Siku                   Ks 150000
31. Tola   Primary Siku                   Ks 150000
32. Mala   Primary Siku                   Ks 150000
33. Hlama Primary Siku                   Ks 150000
34. Locheita Primary Siku                 Ks 150000
35. Locheipi Primary Siku                Ks 150000
36. La-ao    Primary Siku                 Ks 150000
37. Lialai rah Primary Siku               Ks 150000
38. Ngephe sizo Primary Siku              Ks 150000
39. Khipi lu   Primary Siku               Ks 150000
40. Meisakotla Khi Primary Siku          Ks 150000
41. Ptheithla(Asah) Private Primary siku Ks 150000 *( 100000 = Tei 1)*

Mara rah education chata Ngiapana chipabupa he azydua cha $10200 USD or Rs Nuai 4 hlei(4laks)in kyats Ks 10000000 ( Ks 100 laks or Tei 100) cha chyta ahmasina hawta arah pakaw via leima awpa acha vata fund chhaohe ahlu viatheina hawta pahmao vialeima awpa achhuapa acha. He chipabupa so zydua he acho liata khi moroh pa siku Library chata acha, Library he siku tah amamawpa achuna chabu zydua hnei Khai awtah, Khi Macha, khi Awnano, YaYaKa, MTP, MSA nata chhokha Nopawpa zydua amao pyuna ahlei khei awpa acha, khito maita siku hawti zydua cha Kokha chho chata Siku Library tawta chabu ahla theipa cha awta, siku hawti no nata paw pahnokhei pa nata moho khei awpa ta chhohia khai tawta pahmasa leima awpa acha, East Mara rah siku achychaipa chhao hnola arasai lei pata tovyu pi chyu awpa acha pa hawta West Mara rah thotla viapa khi zy lia chhao he mini libraries padua thei hra aw pata pachhuapano ngala no acha.

He library project heta Mara rah thotla siku tawta avaw tao phapa siku hawti zy cha Lyma pi awpa taita khona a hnei pa hawta atahma tawta pachhua pano ngala pa acha. Library Project he long term project acha vata ahmasina hawta hriapakaw leima awpa acha,hlaotlo na moh pazi pata computer system he ahma si viapa Siku zy chata patopatia thei awpa taita thlachhana asi. Mara khito siku maita mini library he padua khai theina taih hnabeiseipa acha.

He chipabuna so zy he hmo no-a pa tawta aveipa acha

Mara ra khi 4 Achhyna O nata 5 khi thipathaipa lana pipe chata Ks 7000000 (70 Laks) hlei chipabuna hnei khai tawta byuhna sokawpa vawtla tah,University bihneitu zyta university fees (achuna ma)takhu 50% naw pahnai (pachho pa)eita he phusa zydua he Mara rah education hmasina chata ngiapana chitu aw pata Abeipa hnota thlai bitaina hneipa acha. He hlei khota chituna hlao patlosa pazy cha;

·        Suhraw liata sutho sopa
·        Khazono (Sunday) mai nie leipata aphusa la so lyma pa
·        Taxi fare nata Bus fare chata acha pa phusa zydua
·        Hmoda ei hneilaka zuana tawta so avawhmao thei pazy..

Pahno awh pazy:

1. Ahy rai ta thlachhana ta tly ma, pasyupalina tly ma, so ta tly ma Library project chata abachhai khopa zydua cha email ID This e-mail address is being protected from spam bots, you need JavaScript enabled to view it liata apazao theipa acha.

2. Library Project he local church,MTP,MSA branches, Pachutupa, Khi Nopaw, YAYAKA zy nata akaorao pata moho leima aw pata pary sa pa acha.

3. Libraries he area 4 tah hriapazi awpa acha, Rev.Dr.LB Siama, Rev. Haidau, Rev. Victor Ve U nata Evangelist Ebi zy ta taohria abyupa momai ta library he ama sikhei leima aw.

* Mara rah education hmasina chata ngiapana chipabupa he ta nama thlachha baona so ngaita kawpa ahnaw ta thapatlona a beisei*

Rah chata nama chakao lapa,

Sasa
YMSU
Armenia

Comments

Moses C. Tehlo
Written by Guest on 2007-11-12 20:02:53

Paw Tai Sa, Eichytano tawta Miracle he avawzo gaitapa chanata, eima Beipa khazo pata ,Mara pa zy chata Miracle he nahno ta avawtao leima tapa pacha nata eivawlei gasa ty hleikhota AMORONA nahe eivaw reithai gasaty.

ALyna bie..
Written by Guest on 2007-11-12 20:52:47

Dr.SASA,
Nataophana nata napipasaina zydua he MARA pamopho nata Khizawchysa zydua chata Hmasiena (Kiathyna) vawchalyma mawseh.
ASA,
Western Australia.

Pa Hmo
Written by Guest on 2007-11-13 03:49:23

Dear,
Dr, Sasa kheita e eima chalyzi eima chachho aw!!! Keima pakha ta eima rah nata hawti nawh zy chata kyh na pachana, hmiala chata na vision zy he eichaly khei hmeiseih, atahmahla eima rah liata chysa zy ritheichaina daihti liata he hawpa thatih aly ykawpa zy va heta Khazopa nata nama cho liata alyna bie eima rei hmeiseih. Abeipa ta chahma pazao lyma mawh sy!!! ]

lakhei
Written by Guest on 2007-11-15 04:54:16

Cha ropa ta eimalyna eima palasa pa hlata paloh lia he ta cha via chyuta, Abeipa ta Marapa chata chatobi via lyma mawhsy.

Written by Guest on 2007-11-17 23:09:24

Ràh hlapitawta naliari thlohna ràh na Marah ràhhe, mo hlupi myhawpa hawhta achapa chhaota, nathaina nata nasôhna zydua Mararàh cha hmapata nahmôhpha taonahe keimatawta thata ei chaly khei hmeiseih. Eima Beipa khazo môhta nachi pabupazyhe apôvialyma naw pata thlahchhah eichavawbao hrah. Khazopa bie avypa hawta Na satlianota ahyhmata chamonao kha se.ngiapanaliata tly ma, Na hmôhpha taonalia tly ma...etc.Eima cheipah vata left or right tlysai leipata nachhypa khazopa asaohia nachhota hmôpha vawtaoly ma ma y.

Nahmôtaona mailiata ABeipata chabaosala byhna chapie maw sy Amen.

Thata a lykheinachota.

SM
NDL

Dear Atai
Written by Guest on 2007-11-17 23:38:42

Dear Atai,

Eima beipa Zisu khrista mota a tlana chibai ei cha bu, nachuna ky nata nahria pasa nazy liata chataotupa nahnota kha a cha y pa lyma, Mara pa saw cha ta abeipata chah tuata, nacha kaona maita chatao tupa
eimapaw, a valiata pata a cha y pa lyma aw,reipa saona china nopa zy latawta na hnota a vaw tlo lyma aw,abeipa mota pahnie lyma ma y. Pawla, ta keimala ei hropa chhao eithipa chhao khrista y ei cha a ta pa haw tlanakha ta,abeipa ta Mara pacha ta achatuapa kha vaw mycha chhieta kha y,chariepa chhitupa zy hlupi a ma vawpua aw, khizaw liana he a thaipa nata aso pazy hlu ngaita eita khrista tawta ngachhina nata thlo khuta a pipa he a ma chykaw vawmy chhieta kha y,na nie aw pachhao nielei pachhita Mara pa chata tlokhu napinahe chola ava tawta chamotupa chata hrona nata rona na byhna cha vaohi vialyma mawsy..AMEN.....
Atlapata