Site Tools
| Washington DC area liata Maraland Gospel Centenary Celebration hmah |
|
|
| Written by USA Correspondent | |||
| Wednesday, 14 November 2007 | |||
|
Washington DC: US Mara Fellowship Washington DC Area pachhuah panohpata Eirinoh (Sat.), Tari noh 10, 2007 pa khata Maraland Gospel Centenary Celebration rohna kawpata kyhchhina chhaota hmapa a cha.
Tlah liata o sakha liata ahmana he taopa chata, chyhsa apuapa zydua 70 rachho ama cha. Mara saw Washington DC area liata a y pazy he 30 hleita ama cha. Ahmana su phapa hlupi yta, Church chho liazy, o chho hropa hall hawpa chhao a y holo chahrasala achakua kawpa chhaota okah liata ahma he asohna chaipata pahnopa a cha vata okah liata o aba achhopa a y leipa liata ahmapa a cha. 47 degree Farenheit (8 degree celcius) rachhoh chata achakua hmeiseih. ECM Choir hlapy zyta album ama taopa hlazy cha daihti athao hmeiseih hlata pasa sapa chata, aparo kaw pata sound system pha kawpa liata palohlie chhao avaw chhipa kaw.  (For more pictures CLICK HERE) Daihti pahy n'awpata Pihno Laichai No ta thlah chha ta, Chairman cha Satliapa Sithy, Vice President a cha. Puhpa Paul Pai U, President ta welcome speech reita, he hawpa daihti sohna kawpa chyhsa hlupi ama tlo thei leipa nata eima tlo heih khao lei awpa daihti he Mara saw zy US liata eima hmatheipa he vahnei achhihzie chhao a rei hra. Pho hropa ama veih seita avaw hlao pazy chhao bie reina ahawh eita, achyupata pareisa pazy cha Chin Students' luhpazy, Tiddim leader zy, Zotu liata ama uhtheipazy ama hlao. Chi hropa hry liata bie areihpa hry liata chyhsa paloh a khai kawpa cha, Puhpa Chiakhai (Mara mohta tla so sila) Azao-pa ta areipa he a cha. Azao chyhsazy (amo he Mara rah kho Burma rah liata reih hropa Azao reih acheipa ama cha) he Pastor Mathao (Late) ta thatihpha azachho tawhta chyhsa hlupi chhazaw hrona la ama vaw y zie a reih. Bie areihtuhpa he Ko 65 rachho chata apalohzy chhao alie kaw hra. Solo liata Pihno Sathlei zy, Puhpa Maung Khaing( Viamoh a cha) zy, Group song Maraunawzy tawhta nata Satliapa Sithy na chhokha tawh zy chata. Recitations chhao hawti la tawhta Mary nata Sichole reih eita, u thei vialata Beinehmo nata Sasa zy ta ama reih hra. Gospel Centenary thatihpha tlah a awh-khei tuhpa cha Rev. Chatlai chata 'Thyula, Khai te,' tahpa bietlapipa hma pata sermon a hnei. Ano he aviasa no nata US Mara Fellowship DC Area zyta ama hruapa air fares zy pachapa eita, San Francisco tawhta ama kaw hma. Benediction ta he daihti he pachhapa a cha. He tlah (hill) liata o a hmana suta hmapa he achakua kaw vata ahmiala liata mei patina aryhpaoh kawpa yta mei pati pata no y kha ro a hmapa a cha. Kychhina lia chhao achakua nota Barbecue zy tao pata nata keimo la sa chho dah ta vaosa zy, meisa zy chhao chhopa pa a cha. A pahah hmeiseih kaw sai hra. He programme a hmana he video ta Puhpa Khaitha (Meipaw) ta maniah lapa khaita, thlai papua thei awpa a cha hra. He noh heta Washington DC area liata a y nga haipa hry liata motor a hneipazy Puhpa Paul Pai u, Puhpa Khaitha, Satliapa Sithy nata Satliapa Pepe zy ama bua kaw. Chyhsa palypa nata dypa liata ama pasaina zy he he noh ngala chalei pata Mara saw rai hriata ama yna la pathlieta rai hriana lata ama chhi tyh hra. A mona (sleeping) daihti chhao ama hnei chyh kaw tyh. Mara sawzy ta ama cho liata ama ly kaw sai. O toh saoh pata o (house) a chalei hapazy Puhpa Paul Pai U, Puhpa Khaitha nata Satliapa Sithy zy he Mara saw zyta ama pabua chaipa nata nopaw a vaw cha tua pazy ama cha hra. He hawpa daihti soh kawpa US Mara sawzy ama hlu chaina su liata ahma theipa a cha pa he aly achhih hmeiseih. Mara saw US chhoh liata a ypa zydua 80 hlei ama pha haba. Chasala, ama yna ahla kaw sai vata nata avaw tlo thiehpazy ama hlu kaw hra vata atyu aduana ama buaba khei lichi a cha vata he daihti he ama vaw hma thei leipa a cha.
Powered by AkoComment 2.0! |
|||
| Last Updated ( Wednesday, 14 November 2007 ) |
| < Prev | Next > |
|---|
| MTP ta Political Party lia chana a pakaohpazy cholia action la |
| Mara Laihsa mini-DIET Lecturer thiehpa eima hnei |
| Feature Maraland websites homepage liata sopa a cha |
| Khipiluh MEC KTP zy Tipa Electric Vaih KTP ta Fellowship nata Baona hnei |
| Mizoram Airtel Post-paid Users chata Mobile Office & NOP thei |
| Delhi Mara Family Welfare ta Satlia Sasa Thopi dona hnei khoh |
| Delhi MCF Apakhyna hma pathao heihpa a cha |
| Picture of the Month - Prince Charles nata Mara Satlia |
| Viarah liata Mara Satlia Computer Engineer amopa tlah a cha kawpa thatih |
| Puhpa Laima Chozah I.A.S. USA liata training ngahai |
Login Form
Check Email
Copyright © 2002 - 2008 Maraland.NET.
Maraland.net do not necessarily endorse users' comments.
