|
Main Celebration of Maraland Gospel Centenary |
|
|
|
Written by Siaha Correspondent
|
|
Wednesday, 14 November 2007 |
SIAHA: Maraland Gospel Centenary Main Celebration cha hma pazao lyma pa a cha.
Maraland Gospel Centenary main Celebration cha district playground, Siaha vaihpi liat ahma pazao lymapa chata, zahia kha Dr. K. Beichhua cha Master of Ceremony cha pata Puhpazy H. Vabeitha, C. Thahe nata Miss P.P Beinonai zyta pahnie kaw pata ama host, Siaha Vaihpi Choir nata YMA Choir zyta hla paryh eita, Macha S Vadyu Chairman MADC chata biereina a hnei.
Chapi, Hermon, Tisi, BCM, Siaha, Presbyterian, Siaha, Chakhei nata LIKBK zy ta phola palasa eita, J. Vialua, C. Reuben, H.C Ngoki, Kalvary Hlychho nata Emely zyta hla ama sa hra.
Zahia za (Nov.11) ta entertainment programme cha Macha Dr. K. Zohra cha MC chata, Km. V. Samson nata Miss S. Lalmuanzuali zyta pahnie kawpata ama host. ECM Choir nata Centenary Musical Band zyta hla paryh eita, IKK nata MEC tawhta biereina nathliepa a cha.
Macha S. Khipo CEM MADC chata bietana reita, "Mara saw zy pi he chyta atlytla leipa nata charoh papua tlah leipa eima chapa chhaota Khazohpa ta kyh maniah pacha kawta, Rev. R.A Lorrain hma pata maniah tlua papua ta, cha thatihpha chata kaw toti liata hmasiena torai maniah tlo kheita, a hmeisei pata ahmo tuhpazy eima cha, " tah pata atahma he Khazohpa rah cha tlo hawta, chyhsa mopakha hro liata eima ngiama ngia vei ma tahpa deikua eima pacha pasia chyu awpa abyuh hlei khota thyu ta khai awpa he Khazohpata maniah a khoh a ta hra.
Pavaw rahpa 7 Lorrain Stadium cholia ama zaw
Maraland Gospel Centenary Main celebration Sunday programme a hma nga haino ta Rev. R.A Lorrain Stadium cho liata pavaw rahpa sasari (7) a zaw cha vei nga thlahta, achahta satho chata, achahta sasari a cha tyh tahpa a hmo tuhpazy ta ama rei.
Source: Moonlight Newspaper, Siaha.
|
mysore_mara
Written by Guest on 2007-11-14 03:07:16
Abei pata byhna mia pie lyma maw sy.. | lakhei nata viasazy-chennai
Written by Guest on 2007-11-15 05:17:02
Maraland Gospel Centenary Main Celebration cha Eima pohpa ta eima kawhlao thei khaoleipa chhaota eima palohrupa ta eima kawhlao lyma hra. |
Powered by AkoComment 2.0! |
