 Lauterpatch Research Center for International Law, Cambridge University, United Kingdom liata Snyder Research Scholar ta ei vaw nota Karen zuano pakha nata eima ty. Apaw nata ano he Karen (Burma rah liata tribe sakha) chysa cha raw law ei ta, achyta no ta thi sai ei ta,
Karen reih athai lei pa a cha. Keima viasapa Malsawmliana nata a kho ei ta, Cambridge University liata ei y chho, thla 6 chho viasa ta hnei ei nata, ato ky liata eina bao kha hmeisei ei.
Karen nata eima ty tawta ei pacha pacha, "Eima rei eima thai lei ti ta, eima 'national identity' chhao eima pahlei" tapa he acha. Lai Forum liata "Kan miphun hmelhchumhnak kan thlau tik ah" tapata article sakha chhao ei ro. Karen cha a reih "Karen" rei nata "Burmese" athai khao lei pa vata, Burma/Karen border la ta chhao vaw ty raw law ta, Karen nawta Karen hawta vaw pacha khao va ei.
Atano Marasaw hlupi chhao, Marara khothola lata pua pi pa, Mara zuano acha lei pa zy hia pita, Mararei he ahma hleipa eima hlu ngaita. Ano dei kua la, Marasaw nata Marara ky apachapa zy ta Mararei he zakhei leipa ei ta, Marapa chana he zakhei hra va ei tapa he eima my lei aw pa apei maw ngaita.
Notla Marasaw zy cha, Mararei, Tlaikao (Mawreih), Lairei, English, nata Hindi zy a ma thai. Nochhi Marasaw zy cha, ahlu viata Mararei, Hiakha (Lai) rei, Burma rei (Burmese), nata Mararei zy eima thai.
Marasaw eima cha khiala, Mararei eima thai aw pa chata, Maracha eima ro thai aw pa abyu. Mararei thai aw pi ta, Mara chana eima pahno pasia aw pa abyu. Chakhai tawta eima kiapa liata rei, Mizo, Lai, Burmese, Hindi nata International Lingua-franca acha pa English chhao eima thai aw pa abyu.
Rei hlu via thai pa he apeina sakha hmata y vei. Ahlaona nata athona ngala acha via. Marara nata Mara mo hry liata Mararei eima thai. Mizo nata Lai naw hry liata Lai nata Mizo eima thai. Burmese nata Hindu hry liata Burmese nata Hindi eima thai. International Level liata English nata France zy eima thai. Cha hlei ta Chinese zy, Japanese zy, ahropa rei zy eima thai ri li aw pa nata thai theina palo hnei aw pa nata, thai thei naw pata tiamana palo eima hnei abyu ngaita.
Rei he, Human Interaction liata apei maw chaipa acha. Keima cha Vytu/Zaophe(Zophei) zuano lapi ta hnei nata, Zaophe (Zophei) rei cha Mararei nata 100 liata 50 alyu hlata, Hiakha (Lai) rei, Burmese, nata English ta eilapino nata eima chhy ty. Mararei chhao pachu ngala nata, atahma la, athachhi akia pa liata rei aw pa pha vei. Athai ngala haw.
KHAZOPA ta byhna mia pi sala, Sawchano zy saw chapaw zy eima hnei ti ta, ei sawnaw zyta Mararei ama thai aw pa ei kho khia la lapi hlu pi a y. # 1. Mara chysa hawti amo ho awpa hnei aw pa. # 2. Mararei eisawnaw zy ama thai thei naw pata, hria pasa aw pa, nata # 3. Marapa ama chana, ama rathli, ama ru pa, ama sa pa, nata ama chho ri taita angiana taita chho aw pa ei rai acha. Chho awpa rai ei rai chata, ei chho thei lei pa va ei ta, Mara rei ama thai lei khia cha, khizaw chhana taita, ei mo he rei awpa acha pa chhao ta PEI VEI. I deserve it and I get it! Eima ta nga aw pa acha.
Apeimaw chai pacha, Marapa eima cha. Mararei eima thai aw pa abyu. Mara rei he, eima saw naw zy ta ama thai aw pa abyu pa hawta, Mara chi pathla eima cha tapa he ama pahno pasia naw pata, eima chho aw pa abyu tapa he tlao acha.
Chavata, eima "Identity - Maraness" ky eima rei ti nata, eima ro ti ta, Extreme ngaita pa duahmo liata eima dua lei aw pa apei maw ngaita. Global Age pha pi ta, Cyber Age pha pi ta, Melting Port Age liata y pi ta, eima Environment he kheitama eima aphachaina hawta eima "deal" aw tapa he, tlao pacha ri li achhua chyu su vei.
Sonia Gandhi hawta Italian zuano cha tlo ta, India zuano hlata a Indian zuano viapa, Italian zuano zy he eima mo pahnai tla hmaw khia la, thai lei eima cha pathlei aw.
Rei hlupi thaipa apha. Anodei kua, Marapa eima cha na hawta, Mara reih thai abyu ta, Marapa eima chana eima my lei aw pa he apeimaw chaipa tlao cha vei ma?
Note: He article a vawthyutuhpa he Dr. Ngo Cho Le, Indianapolis khihpi Indiana State, USA liata khih a sa ngahaipa Mara saw tawhta Dah 'Law' lata doctorate eima hnei tuachaipa a cha.
|
APEIMAWTU HAWBANA MARAPA CHATA
Written by Guest on 2007-11-21 19:19:42
Khizaw rah nata chysazy pahnie nawpata Language (Reihka) he apeimaw hmeiseina tapa Khizawlia Mosohpa nawta amareipahawta,Keimo MARA mopihe sutoliata eimavawcharei tita Reihka eimathaihlu vialyma awpa apeimaw hmeiseibana.Chavata Thaina sona & Reihka kiathynahe kheihawpa lapihe keimochata Thaihna, Sohna&Reihka kiathynata avawcha aw? aphah aw? Vawroh chyubei te u.
Pupa Thlasa,
Wester Australia,
AUSTRALIA,
PH: 0894437304
Mob:0402178286 | mann
Written by Guest on 2007-11-26 02:32:02
chi nata pho pabohsa n'awhpata chhaichhi eima hnei chhohpa he 'REIH' a cha.Reih heta chyhsa hlupi khizaw suto(East,West,North,South)liata a ypazy he eima chhichana nata hrozie mania pananotuhpa a cha. India chyhsa nairu liata ano he Bangalorean,a no he Tamilian,a no he delhiite etc.,tahpata eima panano thei,kha vata maw? Hmi a lyupa ama za cha nota ama reih hmapazy ta alyuna ama hnei leiva deita a cha.Chavata khatai su lia raita y sila,eima identity hnei chhohpa he zakhei leipata tlao MARAPAZY pi he khizaw liata eima y hra tahpa he eima pahno chyu awhpata, Puhpa Ngochole article tly chaka pata comment chyuta ei vaw soh hra. Puhpa Dr. Ngochole ly npachhih ngasa,article hropa chhao navaw roh heih awhpata ei cha haw hmeisei.
Mara satlia new delhi
| Written by Guest on 2007-11-26 02:43:04
A pha ngasa, nodeikua a hy rai cha ei sila chyhta ta mara reih typing nata word pazaona nata pazao leina zy he chyhta ta pachapeimawh via ei sila tahpa he a peimawh ngaita, a chhapa cha reih he a vaw pazao tuha nahta cha a reizy ruta a yzie(meaning)chhao a pahlei hrana tahpa he kahno raita marareih eima roh chyta palo liata eima thei chyu awhpata a pha nahta ei pangiasa. Puhpa Dr.Ngochole ei chaly hmeisei marasawzy palahahtupa na cha vata marasawzy pita eima cha palai khei ngaita kaw.
Mara satlia,
New Delhi. | Written by Guest on 2007-11-27 04:34:37
pupa Ngochole ta reih paboh sapata article avaw ropahe aly achhi hmeisei.
Mara rei paboh sa nawpata ary liata pazy he ei vaw bai kho kaw hra.
1.Mo (name)Mara mo cheingeita eima bie awhpa acha.
2.Chhokha pakhyna Family devotion eima hnei tita Marareihta khazopa eima chhy awhpa acha.
3.Mara reita chabu,hla nata article zy eima roh hlupa abyu.
Mara saw zy eima chi nata pho pabo sa via lyma awhpata ei khokheina ei cha hla ei. | Article aphakawna
Written by Guest on 2007-11-29 14:34:57
Pupa Ngochole rohpa article he avawpha hmeiseina, hehaw heta Mara sawzy eima Cha nata Reih he pabosalyma sila, Chipho hropa zyhawta eima kiathyvia thein'awpata Reihka hluviachhao achulyma suvei.Mara sawkiathy vialyma basuvei.
Camp/ Malaysia.
| Written by Guest on 2007-12-03 01:56:40
Mongyuh reih ta "language is culture" tah ei ta, cha yzie cha eima reih eima pahlei ha khiata cha eima chi chana nata phoryhpa chhao eima pahlei pa ha tahna a cha hra. Chavata Mara reih he cheih hluh si la, roh hluh si la, reih hluh hra suh vy. Moh Mara moh ta a bi awpa chhao he a peimawh kaw. Eima moh liata eima chi chana cha a la pa thei thlah hapa vata. East Maraland lata Marapasawzy ta Burmese ta "Maung" tahpa zy, Cho tah awpa Liah reih hmapa ta Cung tahpazy, Thau/Thy tah awpa Thawng tahpazy he eima basai awpa peimawh ta, West Maraland la chhao ta thokha ta Tlaikao moh ta moh a bipa he basai thei si la, Mongyuh moh eima hmapa chhaota Mara moh pakaoh pa cheingei si la, a pha kaw aw.
Vanoh Paw | emon_mara
Written by Guest on 2008-01-06 02:03:56
a rona kaw na...khozo pata hmo so kawpa miah apie pa he eima pahlei tlamaw aw tapa he chi achhi kaw.. | Written by Guest on 2008-02-17 04:08:03
namakhokyna a vaw pangasa.eimarareieima thailiapacha a vaw ruhngasana.hehawpatah.achhaonahe avaw pha nga sa na,eichavawpaleikyngasa, | Ado ei tah kaw
Written by Guest on 2008-02-17 10:40:20
Eima reih ka he y khao leipa sala, Mara pana ei cha tah ei sila, pahhnei chhi eima chhi awpa tlai a cha. He article he ado ei tah hmeiseih.  |
Powered by AkoComment 2.0!
|
Articles 
