|
Mara Politicians UT hmalana Aizawl Mara officers ama chho |
|
|
|
Written by Aizawl Correspondent
|
|
Saturday, 08 December 2007 |
NEW DELHI, AIZAWL - Eima rah politician pano zy Delhi ama daoh khaota Aizawl liata Mara officer-zy apakyhna hnei eita, UT ama hiana thatih ama chho.
Puhpa PP Thawla, Dy. Chief Whip, Gov`t of Mizoram ta a Chamber liata Aizawl MSO luh penawh zy nata Aizawl liata Mara Officer a y haipa zy nata Christmas Advance Thopi doh pahmaona hnei khei:
Tari noh 5. 12. 2007 khata PP. Thawla, Dy. Chief Whip, Gov`t of Mizoram ta a Office Chamber liata Christmas Advance Thopi doh khona Aizawl liata Marapa saw Office rai laipa a hria hai penawh nata MSO Joint:Hqrs: Aizawl liata chhituh penawh zy hnei khei.
He daitih liana heta Puhpa Mylai Hlychho, Senior Politician, ta New Delhi liata hotuh penawh zy ama hmona dah tla pipa nata ama khih tlyna tla pipa zy report na chhao ahnei hra. Puhpa Mylai Hlychho nata Puhpa PP Thawla zy Delhi la Maraland UT Memorandum pangia awpata ama sie hnaopa, ama hmo chhua penawh zy adaitih ta liata ama hmo thei leipa vata daitih varo pi raopa ta Delhi Mizoram House liata za cha khao tawhta tari noh 01.12. 2007 pa khata Aizawl ama kaw ngia pakhua hei.
Eima Politician pano penawh zy heta Delhi lia ama cha chhohta India rah Politician ronah penawh mo hlupi tlai a za dao hma eita, atla pipata India rah liata Political Party lai via penawh Leader nah zy apakyna pha kawpa za hnei khei eita, Maraland UT Memorandum copy chhao ama piepa lyma pa thatih ama reih hra.
Prime Minister, Man Mohan Singh cha a Office Chamber liata apakyna minute 15 tlai hnei khei eita, he eima politician pano penawh he Office ama daona mai liata Mara atobina ata ama tobi lyma. Home Secretary chhao apakyna hnei khei hra eita. Rajya Sabha Session daitih acha vata Home Minister deikua daiti ruapa ahnei thei lei vata ahmo thei veih ei.
Rahul Gandhi chhao ahmo hma hra eita, ama bie reipa ana thlie thai kawpata ama pahno hra. Eima polician pano penawh ta ama rei ai leipa cha Home Minister parohpa (Amo vaw my haw nata....)eima District Council maniah pie tuhpa ama charei na thatih cha ta, anota advice pha kawpa zy vaw pie eita, abyu khia cha tahmata Maraland UT Memorandum he ro pathipa zy abyu zie chhao ama rei hra.
He eima politician pano penawh he Maraland Democratic Party luhpenawh ama cha. Congress party nata sawkhana Mara Autonomous District Council lia ama tao nga hai.
|
Written by Guest on 2007-12-07 22:40:12
rie tiama papua pata tei tuah u mara sei chana tawhta mania pachha ba teh u
| supporter
Written by Guest on 2007-12-09 01:44:00
keep going maraland,until you catch. | Written by Guest on 2007-12-09 02:06:30
Eima vaw thei thlah ha tyh. Wish you all the best! | Hmeiseihna ahlao pa apeimawh kaw
Written by abie on 2007-12-09 21:39:59
Khahla zydua UT hia eita, asawkhana ama vaw tao na daihti liana deikua UT hnochhy pata MNF maia abai sai hei ei... MLA Election chyta UT pyu ama vaw parosa heipa hela ado vei.. zawpi zy doveina nata Mara saw zy khapa sawta rei leina acha pata eipa hno.. MLA ama cha nona heta House liata UT kawkha chha ama rei ngah ma???? | Written by Guest on 2007-12-11 08:31:18
Abie, na reipa he ado ei tah kaw hra chamaw. Apei hmeiseih. | Written by Guest on 2007-12-14 01:03:02
Council biehneina he a zydua ta hmah khai thai ta, soh chhao a chhuahna hawhta hmapa ta, tiama ngaitapata eima politician zy ta maniah ama chhihtha khiata cha council biehneina rakha heta hmahta Marapasawzy hmasiena khi a tloh hmeihseihpa cha ta. Eima maluh, infrastructure, nata capacity zy mopata atahmano ta UT reipa he a practical chai aw va tly ma? | 777 or 666
Written by Guest on 2007-12-14 01:36:47
MLA atly na avaw hnia hei bata UT thati chhao thei awpa avaw y ha hei ba hra na...once in five years hehe | Identity politics ,and simply vote bank
Written by Guest on 2007-12-17 03:42:39
It seems that our politicians frequently raised the isue o greater autonomy .Yet,they hardly take the matter seriously with realistic action.it seems, they used such propaganda to win over common man's vote.It may also lead into isolation from mainstream Mizo sciety.Lets us be realistic and not exclusive. |
Powered by AkoComment 2.0! |
.jpg "Viarah liata Mara satlia amopa tlah achapa")
