Maraland.NET - Mara saw Doctor of Theology tuachaipa eima hnei

You are here: Home

News

Mara saw Doctor of Theology tuachaipa eima hnei

Written by Admin

Saturday, 08 December 2007

BANGALORE, TAIPEI - Pastor Laiu Fachhai (Vânoh Paw) cha University of Stellenbosch, South Africa, tawhta Doctor of Theology (Old Testament) degree piepa a châ haw. Ano he D.Th(Th.D) eima hneitua chaipa a cha.

Rev. Dr. Lai U Fachhai thatih chyupa:
Pastor Laiu Fachhai he 1979 liata BSc (Zoology) a patlô tawhta Zyhno High School liata kô 2 chhôh (1979-1981) pachutuhpa ta y ta. Chakaona raihria awpata Beipa awna â pahnopa vata a pachutuhpa châna rai cha 1981 liata bâsaipa ta Union Biblical Seminary (Pune) lâ Evangelical Church of Maraland tuapata BD a chu awpa ta sie ta. Kô 1984 ta BD kaw patlô ta, Saikao Bia liata Probationary Pastor ta kô 1 y ta.

Chakhai tawhta, ECM nata MEC a pakaohpa ta Byma râh liata râhzohpa field liata Field Director ta kô 4 hlei (1985-1989) za y ta. Kô 1989 liata ECM lâ a kaw lie heihpa ta Tôkalô Biatuhpa (Saikao Bia chhao a pakaoh pa tyh) ta kô 3 y heih ta. ECM vyuhpa ta râh hro lâ missionary ta sie awpa ta, Bangalore nata Maharashtra rachhôh liata kô 2 daihmâ a patohpatiana a hnei khai tawhta kô 1994 liata Sudan lâ missionary ta tuapa a châ. Ano he Maraland tawhta râh hro lâ ta tuapapuapa missionary hmiatuachaipa a châ.

Sudan liata kô 2 a chakao tawhta Sudan lâ missionary ta a sie hrapa Taiwan zuahnô Debbie nata amâ hnei. Amanô Debbie Fachhai chhao he BSc (Medical Technology), MSc (Public Health), MDiv, nata MTh zy a patlô hapa a châ hra. Amâ hnei khai tawhta Sudan liata kô 3 daihmâ theological college liata pachuna rai hria pazao via ei ta, kô 2001 liata South Africa lâ MTh tao awpata ama zu.

Ama pano ta MTh (Laiu Fachhai Old Testament, Debbie Fachhai Practical Theology) ama patlô tawhta Sudan râ lâ a ngia heihna visa ama hmô thei khao lei vata 2003 January liata Ghana lâ ama sie heih. Ghana râh Accra khihpi liata theological college liata kô 2 ama pachu khai tawhta, kô 2004 chhâna lâta Kenya râh Nairobi khihpi lâ a pasie heih ei ta, he Nairobi khihpi tawhna heta SIM-Sudan Director châpa ta chakaona ama pazao heih.

Kô 2006 November liata ta South Africa (Stellenbosch University) lâ Pastor Laiu Fachhai DTh tao awpa ta zu heih ei ta, chatanachata Beipa baona vata atakô (2007) December thla thaona lâna khata Pastor Laiu Fachhai cha DTh cha a phapata a kaw patlô thei haw.

Sawchapaw pakha (kô charupa), a moh Vânoh Laiu Fachhai, hnei ei ta, atahmâno he ama chhôhkha ta Taiwan liata ama y chy no châ ta. Atakô Krismas he ama yna vaih, Meisavaih, Siaha, lâ kaw hmâ a chhuah ei ta; chakhai tawhta, January thla khophie rachhôh liata ama chakaona raihria pazao awpa ta Shillong, Meghalaya lâ ama sie aw. Kô khazie rachhôh ma cha Shillong, Meghalaya, liana heta y chy aw ei ta, North East India awnanopazy tawhta thyutliapazy hluhpi ta overseas (râh hro lâ) missionary hluhpi ama sie thei nawpa ta patohpatia kheina he ama raihria tôhpi chaipa a châ aw.

Shillong liata Mara Awnanopa liata chhao ama theina hawhta a hmâ a chhuah ei ta, chahleikhôta Shillong liata theological seminary zy liata chhao part-time ta pachuna rai chhao hria pâ amâ chhuah hra. Âmo he ECM tuapazy châ ei ta, ECM nata SIM a pakaohpa ta Africa râhzy liana kha missionary ta a vaw chakao tyhpa ama châ. Shillong liata ama chakao nawpa chhao he ECM tuapata SIM ry liata hria awpa pyly a châ aw. SIM website a tly khohpazy châta www.sim.org liata a tly thei.

Rev. Dr. Lai U Fachhai dissertation topic:
PRIMOGENITURE IN THE OLD TESTAMENT: TOWARDS A THEOLOGICAL-ETHICAL UNDERSTANDING OF PATRIARCHY IN ANCIENT ISRAEL

Abstract:
Ancient Israel was a patriarchal society. Primogeniture was one of its manifestations. However, there were surprising exceptions to the rule of primogeniture. The custom was often not followed. It was theologically and ethically qualified and politically and ideologically appropriated.

These theological-ethical qualifications and political-ideological appropriation of primogeniture based on socioeconomic and religious-political changes of the ancient Israelite society indicate that patriarchy according to the Old Testament is not a static divine blueprint for all societies of all generations, but a dynamic socio-historical and theological-ethical process subject to change, modification, reinterpretation, and re-appropriation according to socio-economic and religious-political developments of a given society.

In the name of patriarchy, women had been denied their rights, robbed of their dignity and worth, and regarded as a second class image of God in many societies then and now. Committed to correcting these wrongs, this research – arguing that patriarchy in the Old Testament is not so much a privilege as it is to a responsibility – challenges the contemporary hierarchical patriarchal ideologies, and contends for gender equality in all walks of life, remembering that we are all created equally in the image of God.

Maraland Gospel Centenary byhna:
Ko 2007 he centenary ko a chana avaw hnokaw. Secular la dei chalei pata Religious studies liata doctorate eima hnei holona liata bahta doctorate degree anano nazy eima vaw soh tua aw:

D.Th(Th.D), D.D, D.Min nata Ph.D zy ananona:
Doctor of Theology (D.Th) he theology achuna(academic) chhoh liata asahchaipa, Krizyhpa theology field ngala apahly. Doctor of Divinity(D.D) he cha an honorary degree chata, chakaona liata ahma hapa, khihnarah chata a phahnai kawpazy hnota Krizyhpa Seminary or University zyta ama pie tyh.

Doctor of Ministry(D.Min) deikua he professional degree chata, practical hmo ministry rai hriana liata hmapa theology a apply-na liata asieh via chai. Doctor of Philosophy(Ph.D) in religion - he cha religious study akawh kawpata liberal arts nata humanities focus pata Krizyna ta hmah mania apasiesa thei n'awpa la chha he anyu via chai.

A sona(value) he alyutla vei. A zydua ta a sohna khai.

A tlahpakyna:
Rev. Dr. Lai U Fachhai nata a chhokhazy Maraland.net ta aly khei hmeiseih pita, Shillong Mara awhnanopa nata Mara sawzy chata byhna ama cha pazao lyma awpata eima khokheina nata thlachhana eima hla hra.

Comments
aly khei na
Written by Guest on 2007-12-07 20:45:50
Rev Dr.Lai-u he hawta D.Th apha kaw pata na patlo thei pa vata eima chaly khei ngasa,nama chakaona liata Abeipa ta byhna chapi lyma ei sy.
Written by Guest on 2007-12-07 22:33:22
PawPaw vanoh paw na hria pasahna,kho pasana nata na piepasana zy dua Abeipa ta pahnota a tanoh he na lei lakho cha a cha pie haw...na thatlona zydua abeipa chata a hma via lyma pata chha a vaw y lyma awhpa liata thyutliapazy chata chhaichhi phahnai ngaitapa na cha lyma thei n'awhpata nata rah zoh ngaitapazy pakhai sa lyma awhpata Ato taotheipa chata tha cha patlo sala, cha chhihtha lyma maw sy, na tao phana kyh liata ei chapalai khei ngasa. na chyhsa chana nata phana chhao he mahta pachakhi tlai a cha hra. Ko reihpi kho tawh chhao ei paw nata no zy na vaw thei thlapa he a nano ei tah ngasa. From manna, s/o m.chhalai.
Congratulation!!
Written by Guest on 2007-12-08 00:11:57
Dear Rev. Dr. Lai U Fachhai,

Abeipa Zisu mohta aly kheina bie eichaw hla, Marasaw nata Khazopa chatah Doctor of Theology navaw hmo thei haw pa he arona tahma sei natah araro a y hmeiseipa acha,

Mara Gospel Centenary eima tlo kotah atahma hawtah hmorona ngaita kaw pazy Marasaw zyh chotah avaw tlo phah leima pa he no-a chhi hmeisei pah chata Marasaw zydua alykhei tlahpa acha hmeisei patah eihmo.

Khazopa ta nama hmiala si leima hy sala Shillong Awnano zyh hnotah thlapa nata sapa la byhna zy na vawtlo khei awpah mohkha kaw natah Abeipa la thlachhapa ta ei hiah.

Pathipalo tlokhu tah alyna kheina chota

Sasa
YSMU
ARMENIA
ALY KHEI NA
Written by Guest on 2007-12-08 06:22:05
Dear Rev. Dr. Lai U Fachhai nata chhokha,

ABEIPA Zisu mohta aly khena chibai ei cha bu ei. Mara Gospel Centenary ko lia tlai ta Doctor of Theology na vaw la pe he arona hmeisei.

ABEIPA ta Marara, Marasaw, nata Ngiapa lapa zydua chata a cha hma rili naw pata thla ei vaw chha.

Natupa,

Ngo Cho Le
Indianapolis
USA
Written by Guest on 2007-12-08 10:10:43
Dear Dr.Laiu & Family,
My hertiest congratulations for your glorious achievement, its but the net result of your hard work, dedication and God's blessing.
Abeipa khinara nata Marapa saw zy chata byhna vaw cha ly ma te.
Dr.K.Robin
MZU, Aizawl.
Written by Guest on 2007-12-10 01:05:30
Dear Manna, Sasa, Dr Ngo Cho Le, Dr K Robin, nata Maraland.Net viasa zydua,

nama alykheina bie pha ngaitapazy ei phu leipa pita vaw dao na ta, ei châ ly ngaita kaw ei.

Râh nata Khazohpa raihria liata nama chakaolâhpa,

Vanoh Paw
Aly kheina
Written by Guest on 2007-12-11 02:49:34
Dr. Lai U Faichhai & Family..
Nama hlao tlona ronah kawpa thatih vaw hmo nata palo hmeiseih ta ei cha ly khei hmeiseih ei.Abeipata Mara rah nata Khizawh rah to liata pachhana aphno ma leipa zy hnota nama chakaona ky liata byhna chapie lyma ei se..

Mama Chozah
Aizawl
Congrats...
Written by Guest on 2007-12-14 05:15:00
Pu Lai U Fachhai,Zyhno liata natupa na zydua vyu ta eima cha lyh kheina nata KHOHKHEINA sahchaipa ei cha hla,Abeipa ta na chakaona tha cha patlo via lyma sy...
Congratulation!
Written by Guest on 2007-12-14 21:18:06
Dear Rev. Dr. Laiu Fachhai,

Abeipa na khazopa byhna to chita Th.D nahmo pahe keima topa hawta pacha na ta thata eily. Khazopa ta aky pachapa chapaw saw nacha hmeisei tlaina. B.D na patlo nota chaly kheipa Pupa Zako nata Pupa Laisa zy y khaohra vei ei sala, chysa zyta pahno leina, Khazopa deita apahnona su tawta aly nata eicha palai khei hmeisei na.

Nawlaipaw
Write Comment
Name: Guest
Title:
Comment:

Code:*

Powered by AkoComment 2.0!