Maraland.NET - Marasaw Double Master of Theology apatlo tuachaipa eima hnei

You are here: Home

News

Marasaw Double Master of Theology apatlo tuachaipa eima hnei

Written by Maraland News Network

Thursday, 20 December 2007

Rev. Vako, South Korea liata theology achupa cha, hlaotloh kawpata theology liata master degree asanona a patlo haw. Master of Theology sano apatlopakaohpa eima hneitua chaipa a cha.

Rev. Vako he Mara Evangelical Church (MEC) liata ordained pastor, Lorrain Theological College and Mission Studies liata Professor pakha a cha.

Hanil Presbyterian Theological College & Seminary liata M.Th cha Ko 2003 pa liata vaw patlo hata, cha khai tawhta, Methodist Theological Seminary liata Th.M he avaw tao heih. Atako 2007 Di thlahpa liata hlaotloh kawpata avaw patlo haw.

Maraland.net ta he hawpa master degree sano po avaw chu papuapa ay chhopa Mara saw hryta eima hneipa he alykheina nata comment pie awpata ahiana cha achhypata, Rev. Vako -ta he hawta a rei, "Abeipa na ngiachhietyhpa vata he sano to he ei thokhei kawpata ei pahno." tah ta.

"Theological trend phapazy chhao ei vaw hmo kaw chyu pata ei pahno."

"Abeipa cha rohna chai mawh sy," tahpata eima lykheina cha Khazohpa rohnana ato awpata byhna a aw hra.

Pastor Elipaw tah pata pahno tyhpa chata, asaw uhtheipa Eli a cha.

Atahma no he Myanmar liata khihpi laichaipa Yangon liata Lorrain Theological College (LTC) liata Professor pakhata ava y chy ba aw. A lapi nata saw chhaota.

Mara sawzy nata LTC chata byhna sohpa a cha tah leithei mapi.

Pastor Elipaw he hla nata bie apahah kawpa chata, 'Dauchhau Theology' tahpa chabu chhao rohpapua hata, copy hluvia papua heih awpata apatopatia ngano a cha.

Maraland.net News international correspondent chhaota, Youtube liata Pastor Elipaw ta video a khopa, 'He Ngiachhietuh Khazohpa' tahpa a nathlie khaota "Mara pastor-zy hry lia cha a-ao apha chai ngyu aw," a tah hra. (Video link here click ma y).

Maraland Gospel Centenary byhna hrylia tahpa a cha hmeiseih. Marasawzy chata byhna a vaw cha lyma awpa nata Khazohpata ano nata achhokhazy byhna apie lyma hra awpata eima khokheina eima hla.

Related Link:

Dawchhau Theology: A Theology from Maraland

Comments

Written by Guest on 2007-12-19 21:24:05

eichavawpaliakiekawna,khazongpatabyhnachapimohse,

ALykheina
Written by Guest on 2007-12-20 02:20:29

Dear, Rev. Vako( Elipaw) nata chhokha

Double Master degree apatupa he yzawra vei ei, atakocha Mara Gospel Centenary ko achana hawtah byhna no-ah chhi pah hlupi Marasaw zy chota avaw tlo, Marasaw zy chatah double master mia nahmo theipa he miracle miakha acha talei theipah cha vei.

Kaoki Marasaw hnotah byhna hlupi vawtlo khei awpa tah South Korea rah lia achuna tovyuh pitupah Chokhazopa moh cha rei thei pata ei via rili maw sy AMEN.

Chola tawtah pipa Vision tah avaw chu hualuapa nacha nazi cha In His Grace and Dawchhau Theology tapa chabu navaw roh pazy hetah avaw palasa ngaita kaw,

M Th sano patlona taih achu chhotah emotionally, mentally and prayer tah mia avaw dychhei leima pa zawpi natah pachai ta, Pino Ngopaw ( Elino), Ehlao (Eli), LiLi Si natah Vapawpi zy hnotah chhao alyna bie rei awpa hlupi eima bah thlaha.

Nahnotah asi leima tyhpa Khazopa tah nahmiala sileima hy sala Lorrain Theology College (LTC), Awnano natah kheihawpa area lia rai nachakaona maih liata angiahchhina navaw dao pha leima hyh awpa he ei thlachhana natah ei mohkha pa acha.

Alykheina asa chaipa hlana chota

Sasa
YSMU
ARMENIA

maraland.net hnohta alyna
Written by Guest on 2007-12-21 00:53:28

Ah! Maraland nopawpazy, ei cha ly kaw ei. Tahma atlah ngasapa ta Yangon ei pha haw ba. Net chhao apha kawpata charei theina su liata y khao vana. He hawhta ei na taophapa ei chi he a rohna ei tah kaw. Khazohpa moh ronah rili mawh sy! Tahma "A Ngiachhiena liata" tahpa chabu ro khai taraw nata publish thei ma leipa acha. He chabu botlah thokhazy he "Dawchhau" tahpa sub-website liata rei theipa a cha. Ei chaly kaw ei.
elipaw

Congretulation
Written by Guest on 2007-12-22 20:31:51

Atla pata nachuna hlaotlo ngasa pata na vawpatlo thei hawpa vata abeipa mo ei reithai hmeisei. Abeipa ronana a la na'wpa chhao acha aw tapa eingiapa. ei chapalai khei hmeisei.