Maraland.NET - Baly asuna liata Marasaw 4 ama thi

You are here: Home

News

Baly asuna liata Marasaw 4 ama thi

Written by International Correspondent

Thursday, 27 December 2007

KUALA LUMPUR - December 21, 2007 khata Burma chho (South) Thailand kiahpa Andaman tilaipi (sea) liata Baly asuna raroh y ngaitapa liata Marasaw papalih (4) pazy cha chyhsa 46 hrona alei hapa liata ama hlao. Myanmar tawhta Malaysia tipi lata siena map

Myanmar tawhta Malaysia tipi lata siena map

(Baly siena asaih (red) ta palasapa a cha)

Cha Baly cha Malaysia lata asiepa chata, Chin chyhsa sai ama cha. He Baly he Kawt Tawng town, Tanintary division; Southern Burma puasai pata Malaysia la asie nga haipa chata, nga amapatuna baly (fishing boat) sakha nata asu eita chyhsa 99 hryta 46 zy cha ama thi haw. Ahro penawh deikua vahnei pata fishing boat he ama kiah hma tahpa Khonumthung news ta areih.

Mara saw eima pahlei hapa zy cha:

1). Pihno Makhei (Ngozatlei No), Ko 26, Khih moh Potia B, (Nochhi Mara)
2). Ngozatlei D/o Pihno Makhei & Puhpa Khaibie, Ko 4. (Nochhi Mara)
3). Laihsa Hnaiki, Ko 25, College Vaih, Siaha. (Notla Mara)
4). Satlia Zato, College Vaih, Siaha zy ama cha. (Notla Mara)

Pihno Makhei nata asawchano Ngozatlei he pawhrahpa Puhpa Khaibie (Ngozatlei Paw) ta Kuala Lumpur, Malaysia liata rah hrola sie awpata a vaw mokhah thlah nga haino ta he hawpa vaduana he avaw tlo hapa a cha.

Malaysia khihpi Kuala Lumpur he Myanmar chyhsa hlupi ta rah hrola sie nawpata ama chhaina su pha kawpa chata, Mara saw chhao aza hlei rah hrola sie awpata ama y ha nga haina su a cha.

Puhpa Khaibie nata machhie asapa zydua hnota Maraland.NET ta eima tao khei hmeiseih.

Eima thlahchhana liata kha a thei lyma ei si.

Comments

Written by Guest on 2007-12-27 01:22:23

[B][Red]A peikaw dua maw...!!![/Red]
[/B]

Mara sawzypi eima population a chyh thlabao nahta cha hawhpa thatih eima vaw theipa dua maw...a raroh-y kaw... chasala machhiesap'enawh hnohta thlalohna a y thei n'awhpata thlachha khei chyu suh vy...