|
Mara saw hryta Post-Doctoral Researcher Tuachaipa |
|
|
|
Written by Maraland News Network
|
|
Friday, 25 January 2008 |
SAN FRANCISCO - Mara saw hry liata Post-Doctoral Researcher tua chaipa eima hnei ha ba. Law (dah) la chha a cha vata aly achhi pachai ngyu aw.
 Dr. Ngo Cho Le, he Ko 2007 ko thaona liata Doctor of Law (Juridical Science) degree he vaw patlo ta, achu tyhna Indiana University School of Law-Bloomington liata doctorate hlupi zyta tao via awpata ama khoh tyhpa chyhsa chyta deita ama tao theipa Post-Doctoral Scholar ta lapa a vaw cha haw. Post tahpa yzie cha 'a khola' tahna chata, doctorate khola tahna a vaw cha. A rohna kaw.
A chabu awpa cha, "'Ethnopolitical Conflict, Constitutional Crisis and Discord over Federalism in the Union of Burma" tahpa a cha aw.
He position he a moh yzie haw tlaita Doctoral degree ahmo haw chiehpa zy deita hmotheipa a cha. Academic lachha viata research tao awpa a chapa hawta pahnopa a cha hra. Tawla ahriana awpa suh chhao he US liata Top Law School sakha a cha. US News and World Report ta USA liata Top Law School 600 zy ranking atly papuapa liata 36th liata a soh, tahpa maraland.org chhaota a report hra.
He post-doctorate research University sakhata fund pata atao awpa he Maraland News Network ta aly kheina ahla nota, anota a rei dah ta, "A to (hmoto) he ABEIPA ngiachhina vata acha hmeisei."
"Post Doctorate Fellow cha ei pazao haw. 40 % he keimah Doctorate Dissertation 'Ethnopolitical Conflict, Constitutional Crisis and Discord over Federalism in the Union of Burma' tapa kha chabu ta ro ta papua awpa acha. 40% he Prof. Williams rai bao aw pa a cha. Research, Teaching, etc ama ta tao aw pa eina ta pamai ei tao aw. 20% hi khitly awpa a cha." a tah.
"Asia lia ta research tao aw pa acha aw," a tah hra. Eima rah la atlyna lapi apahy lyma awpa alyu kawna a y.
He chabu ama papua awpa he ryu hawta, Mara saw ta 'The Lakhers' tahpa Puhpa N.E Perry ta maniah aropa pa eima hnei hawpa khata dah (law) la chha liata ryu sakha Myanmar (Burma) chata a cha awpa a cha tah sila ta chhei tu aw ma pi. A peimawh kawpa hmo a cha.
Dr. Ngo Cho Le he US Department of State sponsored scholarship dao pata 1996 taw US liata higher education a vaw chu pathaopa lyma pa kha cha ta.
Atahma Constitutional Democracy in Pluralistic Societies liata Reserch Fellow hawta a hria nga hai hra.
Doctorate ala nota news chhao maraland.net liata rei pasia theipa a cha : click here.
He hawta achuna pasota tiamana chota hlaotlohna a vaw dao lyma pa he Maraland.net nata staff zyta eima palai khei hlei khota 'ryuh' apasotuhpa hawta a pa cha hra. Aly khei chyu ei si.
|
emon_mara
Written by Guest on 2008-01-26 05:49:27
Dr.NGO CHO LE...ei chapa lai khei hmeisei..ABEIPA ta hmiala ta na sie namai liata BYHNA cha pie lyma maw sy... |
Powered by AkoComment 2.0! |
|
Last Updated ( Saturday, 26 January 2008 )
|
