|
Marasaw MPSC Member Thiehpa Eima Hnei! |
|
|
|
Written by Maraland News Network
|
|
Thursday, 31 January 2008 |
AIZAWL - Mawrah liata rai la theina asah chaipa alatuhpa liata officer lai pazy hry liata Mara saw pakha eima hnei ha ba.
Puhpa H. Siku, MCS cha Mizoram Public Service Commision (MPSC) Member awpata Mizoram sawkha ta a la pangia.
Puhpa Siku he atahma no ta Revenue Department, Gov't of Mizoram ry liata Additional Secretary ta a hria haipa cha ta, Mizoram sawkha ta MPSC member chata a tlyh papua. Ano he Kolasip district liata DC (Deputy Commisioner) ta a vaw hria ha chiehpa chhao a cha hra.
MPSC he MCS, MPS , state sawkha liata rai lai chaipa zydua ala pangia tuhpa state sawkha body sakha a cha.
MCS tawhta MPSC Member lata a kia pasah pa he Mara saw zy chata vahnei a chhih hmeiseih tah lei theipa cha vei.
Puhpa Siku he Puhpa H. Zacho saw chapaw pa cha ta, Saiko khih tawhta a puapa a cha.
Puhpa Siku paw Puhpa Zacho he Mara pho hla pha kawpa "Ei vawpi khei ei reih cheina" tahpa a phi tuhpa a cha.
Mara saw, he news a vaw theipa zy ta a ma ly khei kaw sai. Aizawl Mara saw zy ta a ma ly khei hlei khota MSO zyta a ma ly khei hmeiseih tahpata Aizawl correspondent ta a reih.
|
Alykheina
Written by Guest on 2008-02-01 11:13:02
Puhpa H. Siku (MCS) ta Mizoram Public Services Commission (MPSC) Member chata Mizoram Sawkha ta atlypa ky lia ta tha ta alykheina eihnei. ABEIPA ta a rai hria nawpa liata by hna a vao ri li naw pata, thlachhana chota.
Paw Ngo Cho Le
Indianapolis, USA |
Powered by AkoComment 2.0! |
|
Last Updated ( Thursday, 31 January 2008 )
|
