Skip to content
Site Tools
Narrow screen resolution Wide screen resolution Auto adjust screen size Increase font size Decrease font size Default font size blue color
Advertisement
You are here: Home arrow Articles arrow Articles(Mara) arrow Mara reih nata Maw reih na cheih pahlao ngai ma ?
Mara reih nata Maw reih na cheih pahlao ngai ma ? Print E-mail
Written by D4W50N   
Thursday, 31 January 2008
Maw(Tlaikao) reih he na nohto reih pathlie pa liata ahlao tahpa na vaw pacha ngai tyh hra tlyma !

Thotlah la siena daihti liata, 'Uar' tahpa zy 'Lar' tahpa zy eima Mano nata Mapaw zy ta chhopasia tua lei pata eima reih cheipa eima chhuahna maniah pahno khei thai khao vei ei. He he ta pachana hluhpi tha ta eina pie.

Ary liata eipa cha dah nata word eima hma hluh viapazy ei vaw roh papua.

Word hmalei thei leipazy a y:
Chi hropa reih Marasaw zy pita eima hma lei thei leipa bie(word) a chapa zy hluhpi a y pata ei pahno; pamopasa nawpata Alu(Potato) he Hindi a cha, Tomato he English a cha.

Eima nohto bie reipa liata eima reih hawhta eima hmah hlei khota eima pi kheipa reih hawhta eima hma lyma thlahpa word hluhpi chhao a y holo.

Maw(Tlaikao) reih chhao cha hawhta eima pikheipa reih hawhta eima hmapa hluhpi a y, a eih pachai pata thyutlia via pazyta.


Maw reih Word hma hluh viapazy:
A ry liata biebo(word) zy he Maw(Tlaikao) reih eima hma hluh via pazy thokha ei vaw pala sa. (Hluh via ei my na ta ei pangiasa.)

banlawk - apaha chypa, class nata class lihkawh apahana
bawl - rei pasipasawh
changkang - asosah
chia - thaithai(pati eima nie khai thai thai).
duham - khohlei kho, khohleina a kho kaw.

em em - kawna, hmeiseina, eima ly kawna, eima ly hmeiseih.

hrisel - hnatlapha, hnatla phana
hlep - athona

laih - noza
lar - alalao
ler - a liela, pahlaih(nama laihsa hla chhaota nama Pahlaih kaw he)

mawl - nokhilei, a nohkhi vei hra
milh - ahmie

nawr - chahrao chatoh
nasa - hluh
nel - hmiakha
nuam - phasa, eg. ama paphasa kaw, atluatla (Chapi-saby la ama hmah tyh),

ngainobei - hiatlia achhihpa reina, chano khotla apaoh kaw tlopa rei viana
ngenge - tlai, nama tlai he na

phur - thathyu. Eima tha athyu kaw.

rum - hmiaphao chi chhih
ren - apasi padi pa

sek - a charih

tleirawl - thyudyupa, khydino, khydipaw
thik - paloh ru chhie, ichhi phaopa, hiatlia pa
thing - maotaona, nokhileina, parohpa reina,
tlang - palah, khih la eima palah aw Siaha tawhta
tluang - patla, palapalo, lasiepha
thlawp - ahly khei - Ano he keimo zydua ta a pachana eima hly kheipa a cha.
titi - bielohawh
tlawmngai - tlyngia, veiseih, apasaithei

A cho liata palasa chiehpa Maw reih WORD zy khi Mara reih ta y khai thlahta, chavata Mara reih ta hma lyma ba su vy. Mara reih word a do leipa na pahno khiah Comment liata correction tao theipa a cha, thlai eima UPDATE lyma aw.

Mara reih cha vei:
"Atanoh chareih pita a 'NUAM' dah la" tahpa eima rei tyhpa zy he Maw(Tlaikao) reih a cha. Chyhsa thokha apa Mara-sa kawpa zy chhaota hmah thlah pita, Maw(Tlaikao) reih ny eima chei tahpa rai a pahno leipa eima y thei aw!

Chabu liata Maw reih a hlao vei:
Eima Mara reih cha eima rohpa liata Maw reih he a hlao tla leipa ta ei pahno. Pamopasa naw pata School Chabu, Bible, Hlabu lia zy ta Maw reih sakha hmata a hlao tla vei.

Maw reih eima hao awma ?
 Khazia a pa Mara-sa kawpa zy pita Maw reih eima pahlao pa khotloh lei kha pita, Mongyu reih (english) he eima pahlao kaw thla tlo? Eima reih pasahsa awpa cha vei ma ? Khazia Maw reih eima hao kaw tly?

Conclusion:
Maraland Gospel Centenary eima hma no ta "Marasaw zy pi he Khazohpa chi nata pho a tlypa eima cha" tahpa eima reih hluh kaw. Chi nata Pho pabohsa awpata reihkah he a peimawh hmeiseih pata ei pahno. Chavata Marasaw zy, a eih pachai pata thyutlia haipa zy, pita eima reihkah pathlie na liata a soh si eisila, chahlei khota eima reih he a chu via awpa a byuh hmeihseih pata ei pahno.

Maw reih zy, Mongyuh reih zy, chi hropa reih kah rai he thai khai a pha pata ei pahno; Chi nata Pho a sah viapa a ma cha hlei khota a mo tawhta eima chu awpa hluhpi hmo a y chy va ta. Anodeikua eima Chi, Reihkah, Pho zy deikua pabosa lyma pata reikah nata lapi/avah lia zy ta eima Marah cha na Chi, Reihkah, Pho zy he eima zua lei awpata ei khoh ngaita.

A cho liata palasa chiehpa Maw reih WORD zy khi Mara reih ta y khai thlahta, chavata Mara reih ta hma lyma ba su vy. Mara reih word a do leipa na pahno khiah Comment liata correction tao theipa a cha, thlai eima UPDATE lyma aw.

He he Notla(West/India) Mara nazy ta Mawreih maniah a kaw tla kawna vata a cha. Nochhi (East/Burma) Mara zy ta Viareih ama hma hluna chhao vaw palasa heihpa a cha aw.
(A cho liata Article he mo pakha pachana dah tla cha ta, Mara Reih pabosa nawpata ropa chhao a cha hra; a hyzy paloh pasa pata nata chi nata pho rei pachhie a chhuahpata article ropa cha vei)

Comments
Adona...!!
Written by Guest on 2008-02-02 02:39:31
Na hmo vaw ropa he eipalo ahria ngasa na, aly achhi kaw, tahma hla thyutlia pa zydua ta eima hmakhai, keichhao eichahla hra haha...!!
Ei pyh kaw
Written by Guest on 2008-02-03 04:57:14
Apa Mara saw kaw pita Mara reih chei nota Mawrei eima pahlao hlutu pa hela basai ba awpa chi tlai na a cha. Ei vaw tah nga tyh hra.
emon_mara
Written by Guest on 2008-02-05 05:08:33
D4W50N....na article ro pa he eipalo ei natla kaw..(chei atlae cho!!)
Written by Guest on 2008-02-10 21:46:01
na vaw ropa he a do ei tah hmeisei hra keichhaota...thyutlia hlupizy ta eima hma kawty,eima reih cheipa liata tlaikao reih pahlaohpa la peivei anodeikua cha marasaw cha tlohta mara reih thai leipa he noza tlao a chhihpa a cha. reih cheipa liata pahlao la pei tiahrah vei a chhapa cha mongyuh (english) na chhao he ama reih pahneirohsa n'awhpata foreign language ama hmana hlupi a y hra,cha hawhna hra chata keimo chhao eima reih cheipa liata chihro-phohropa rei eima vaw pahlao hapazy cha eima reih pahneirohsana tlao a cha hra nahta ei pangiasa...chavata tlaikao reih he a hao leipa ei sila,hmapahlao chhaota peihlei hravei...anodeikuala marasaw cha tlota mara reih thai leipa he noza a chhih ngaitapa a cha tahpa khano raita a thei ei s'u
Written by Guest on 2008-02-11 11:54:35
Keila ei chota liata a vaw rohtuhpa bie he apyh khai thei vana. Mara reih eima chei nota Mawreih eima pahlao chhyh vana heta chi a chhih pathao. English zy cha chei ngahra ei sila Mongyupa cha beih aw mapi. Mawreih deikua la cha hawta chavei, a 'lar' dahla tahpa cha eima reih rai chavei. Alalaoh kawna tla tah awpa chata, eima reih he reihropa lata tlao apua haba, bahta bahta mawreih he ahly via laih lyma aw pita achhana la cha a ualua ta eima cheih pathla khai aw. Keimo chha liata cha Mara reih thai thlah pita, chha pali chha pangaw la cha Mara reih achu cha yzie ahnei chhao takhao leina anaota aw. Chavata, Mara reih chei no cha Mara reihta he chei thei khai sila, eima reihta a hnei leipa cha chi hropa eih ahly ei sila, computer zy cha Mara reih so nga abyuh leipa a cha.  
 
Cha hawta mawreih lia chhao heta eima reihta a hnei leipa a y khiah cha ahly awpa, eima reihta a hnei thlahpa ahly pahe leidiana a cha. Vaw reih lyma tua rai u. 
 
Example, chavaw piesala, eima viasa pakha cha Mara reih he thei khaita, cheithai paheih hrata, chasala cheingai lei pata aka chhie bata cheingah khao vei. Ano hawh heta eima kaw cha khai aw thathei mapi, thalei thei hra mapi. Ano saw nazy la Mara reih ama chei khao nata pangiasa vana....
Written by Guest on 2008-02-12 09:48:09
comment ama vaw pie pa liata vaw hmo hra nata,mara rei eima chei na liata Tlaikao rei eima pahlaopa apei ataleipa zy vaw yeita,keila tathei tlaina,Tlaikao rei eima pahlao pa vata eima rei ahnei ro via awpa he zapa hnotu na,Tlaikao rei eima pahlaopa vata Mara rei eima za pahlei hripata ala.Mongyu na zy la amo pa theipa cha mapi,Amo zyla khati noh raita ama chi nata pho alei thaipa chakhao vei,chipho alai chaipa na ama cha haw,Mara chi zyla chytu ha pita,Tlaikao rei eima pahlao hlu via khiatala eima rei aza lei via lyma hri aw.Rei heta chi nata pho miapa bo sa tu chaipa acha tapa he pahno achhuah chyu suvy,napa hno pasia thai ma?
Written by Guest on 2008-02-12 09:52:28
Tukverh-pyhlie 
Bawl-lu palaipa 

Write Comment
Name:Guest
Title:
Comment:



Code:* Code

Powered by AkoComment 2.0!
Last Updated ( Friday, 01 February 2008 )
 
< Prev   Next >
[ Back ]