|
Seminar on Quality Education held at Siaha |
|
|
|
Written by Moonlight News
|
|
Tuesday, 05 February 2008 |
SIAHA - Saiha Teachers' Union (STU) pachhuahpanoh pata 'Seminar on Quality Education' cha Nawh(Jan) 26 pa khata Siaha D.C Conference Hall liata hneipa a cha.
Khichhai laipa chata Education Minister Dr. R. Lalthangliana chata, school hotuhpa apo pakhy pazy hnota achuna liata hmasie via nawpata Seminar taopa cha aly achhi zie reih ta, India rah pohpalohpa liata charo nata rei thaipa (Literacy) asah chaipa State eima chana chota, eima thyutlia cha athai pazy ta rai hria awpa ama hmo thei leipa cha pacha awpa peimawh kawpa chata, achuna nata thaina hmeiseih pa pachu papua awpa ta tiama eima papua abyuh na a tah.
Atahma hla khizaw ataopasuana asah kawpa liata chyhsa a tiama pazy dei lei pata adua papua theipa chavei tahpa pahnona chota, pachutuhpazy cha y thlahthli lei pata, ama pachu nga hai pazy tawhta a thai kawpa nata chyhsa rohna kaw pazy ama pua theina tahpa pahnona chota, tah hmeiseihna chota paloh achhuahna a-ipa nata hriapasana ta tao hualua aw pata bie a tah ei.
Mawrah liata chyhsa a thai hmeiseihpa ama peimawh kaw chyh thlahna, adaih mah mapi tahpa pahnona chota, achu hai pazy cha ama chu awpa liata subject atly dah lia zy chhaota pasyupalina phapa pie thei awpata a chho hra ei.
Minister ta Mizoram liata sawkha High School zydua cha sa pathie awpa nata, dyuchhai, dawhka nata hmo hropa byuhpa zydua chhaota akichai kaw pata hnei chyu awpata hmah la nga haipa a cha zie a reih hra.
Mizoram puma Primary School zawng zawng ah Hindi zirtirtu dah vek a nih tur thute a puang bawk.
Mizoram chhoh liata Primary School zydua cha Hindi pachutuhpa so khai awpa a chazie chhao a reih hra.
Minister ta pachutuhpa akiapha pazy hnota alyna chata Saiha Gov't College, Saiha Higher Secondary School, ECM HSS nata Don Bosco zy hnota T.V nata DTH Set sakha rairi a pie ei.
Seminar 1st session he Dr. Chawngkhuma Chawngthu, President S.T.U chata, 2nd session cha Puhpa T. Chatlua, Vice President, STU ta a chhihtha. Puhpa F. Lalhluna, Jt. Director, School Education Department, AIzawl ta Seminar biepipa a reih hra.
Source: Moonlight Newspaper
|
emon_mara
Written by Guest on 2008-02-06 02:21:12
a ly pa acha kawna...hindi he peimaw kaw tlaita primary tawta hindi achu pathao pa acha khiata la..phai rah tly na chata arai nao kaw ba nata ei pangiasa hmeisei... |
Powered by AkoComment 2.0! |
.jpg "Viarah liata Mara satlia amopa tlah achapa")
