|
Siaha District lata Medical Team tuapa a cha |
|
|
|
Written by Mama Chozah
|
|
Monday, 03 March 2008 |
AIZAWL - Tahmahla eima rah liata pasana chatlie kawpa, lathli lachha pasana, Meningitis ama tahpa a charei nga haipa mopasia awpata Aizawl tawhta Medical Team nazy cha eima hnola hata liana khata Siaha District la tuahpa ama cha.
Sawhkha tuahpa Medical Team nah zy he Doctor thai kawpazy tuapa cha eita, Dr. Malsawma, pasana hri charo/tlua/mopasiana lachha liata chysa thai kawpa(Epitomologist) Medical Team na zy he chhitha (guide) ta, Dr. Rempuii nata Dr. Rochhunga zy chhaota he pasana mopasia awpa heta Mobile Clinic Van(he Motor he liana heta x-ray khaw nata ultra sound zy hawpa achakai theipa khai) zy chho a phaopa ta tahma no he eima rah liata ama ypa nga hai.
Eima hnola hata noh charuhnoh na khata Medical Team nazy he Zyhno angia ha ei ta, tahma thati ro nona heta Zyhno liata ama y haina daiti a cha. Doctors nazy heta Zyhno liata ama cha chho ta, he lathli lachha pasana avaw pua pathao da zy, apakia theina da zy, a vai nawpa da nata he hawpa pasana tawhta eima vai nawpa nata amohoh nawpa zie zy chhao ama papasia pa khai hra aw. Siaha la ama lie tawhta chao ama theina da hawta Siaha khihpi nata a chheipa rachho liata khih liata chhao he pasana hri he mo pazi lymapa a cha hra aw.
Zyhno liana he zako November thlahpa rachho liana tawh khata Meningitis pasana he avaw thao ta, he pasana va heta hawti 13 tlai ama vaw thi khei hma haw.Tipa, No-aotla nata Siaha liata athipa zy chhao nata pahly pakhypata cha chysa 23 rachho tlaita he pasana vana heta ama vaw thi khei hma. Athipa hryta thokhapa zy cha Doctor nazy ta ama mopasia leipa zy cha ei ta,thokhapa zy deikua cha he pasana vata athipa ama cha tahpa mopasia hmapa zy ama cha hra.
Meningitis pasana he thlohmia siepa nata hmohro hnopa tawhta zyta apakiapa chi cha leipata, Viral disease-ziza liata hri paka theipa chi a cha tahpa ta doctor zyta ama rei. chavata Anti-biotic hmapata a mohoh awpa acha ama tah hra. Mawta vata nie-do chhie tuh hapa vata tahma he eiam rah lachha liata cha Thari pasana lachha zy chhao a charei pathaopa hawta ama rei hra.
|
Written by Guest on 2008-03-03 17:38:20
Ty, Mama.. he thatih asia kawpata miah navaw taopa vata eima chaly kaw. Thatih peimawh kawpa a cha. | emon_mara
Written by Guest on 2008-03-04 07:08:31
a ly pa acha kaw na... |
Powered by AkoComment 2.0! |
