“KHAZIA MARA REIH A THI AW. ”

By. Revd. NC. Vabeilua.

 Mizoram liata politician hlôpa nata   Minister taihta a vaw patu hapa ta “ Mara reih he reih a thi haipa liata sopa a cha”, tahpa ta a reipa ei pahno hra no cha, kheihtama ei y tly, ei châh-ao eina hriapa ta ei pahno. Kei he Mara reih a hmâhpa châ nata ei reih hmâ haipa palaipaseihsa awpa kyh ei pachâ haino ta, athi haipa liata pahlaopa a châ tahpa ei vaw pahno thlâh hapa cha, achhâ khapa ma a châ. Khapa vâta a thi haipa hry liata sopa ma a châ. A thi pathlei lei nawpa ta a pabohsana lâpi a y thai ma tahpa zy ei pachâ.

 
                        Ahmiatua ta khapa vâta MARA reih he a thi haipa hawhta pachâpa ma a châ, ama thliena khapa ma a châ rai pahno achhuah nata a sôpi chaipa ta ei pahnopa cha Mara reih Holy Bible Copy 2000 chhita chhuhpa châta, kô hluhpi chhôh ta zuah khai thei leipa a châ tahpa he a chhâpa a vaw châ. He thota Marapa châ tlôh ta ama moh nata chhôhkha liata reih ama hmâpa Mara reih a châ khao leipa he ama pôh via laih ngâ kaw khiah ma tah theipa a châ. A chhâ  hropa rei awpa hluhpi ay thei, anodeikua reihpazi khao leipaw pita, achô liata eima rei chiehpa miano deikua eima pachâpazi tua aw.

 
                        Magazine nata Souvenir liata chyhsa hluhpi ta article ama ro hluh kaw tyhpa cha “eima reih pasâhsa suh u “ tahpa lâchhâh he a châ. Chahrasala chi nata pho hry liata cha Marapazy tluta reih a pasâhsa leipa nata a pasô leipa he ama y tlâh ma tah theipa a châ. Mawrei zy, English nata Hindi reih taihta bie a phuah thei awpa announcer phapa  eima satlia nata laihsa hry liata eima hnei hôlô nota Mara reih ki ado kawpa ta bie phuah awpa deikua eima thyutlia hry liata ama sôh kaw. Mara râh liata pih pita, laihseih pita, Mara râh ti nata râh niedoh pita, Mara reih eima thei leipa he,chi hropa ta miah pahno ei sala khatlu no-ah ama ta’w vâ ! Mongyuhpa , England liata pih ta alaiseihpa, English athei leipa Japan reih a cheihpa y tlâ thlyu veih ei.  Chinapa , China râh liata pih ta a laiseihpa, Spain reih a cheihpa ama y nata pangiasa a chhih vei. Khazie keimo he Marapa râh liata pih pi ta, laiseih pita, eima chhôhkha liata zy reih hropa eima cheih thlâh haw ? Alei awpa eima châpa vâta ma a châ tly ? Eima moh (personal name) tawh chhao Mara eima châ nata châ lei a hno thai khao vei. Hezy he chi nata pho padâhna a châ tahpa pachâ khao ma pi. He tlupo ta eima châna a padâh ha tawh chhao thokha cha “ Marapa pi  he eima buah tu haw. Reih hro a cheihpa ama y nota Mara reihzy cheih thlâh ha pi”, atahpa eima y. Vâdua â chhih ngâsâ. He hawhpa palôh a phaohpazy he Marapa chi nata pho châta cha chyhsa chichhihpa ama châ. Chavâta reih eima hmâpaa zy, moh eimâ bipazy he chi nata pho  alâna a châ tahpa pahnopa ta Mara reih he pasâhsa via chyu suh u.

 
Thokha cha Mara reih ta thlahchhâ thai vana nâ paoh vei eima tah bao ? Noza â chhih, eima thai leipa chhao ta rei ngâ awpa he nozachhihpa a châ. Eima thai leipa chhao ta eima chu lyhlie awpa achâ. Thokha cha Mizo reih ta a pihpathipa, English  (reih) ta alaiseihpazy eima lyu daihmâ tyh. Eima reih hmâzie â doleizie palâsa nawpa ta hockey ama khei nota ama awsaona he duah pachâ tua . (khihropa player zy hnohta) “ Namo khawh, nama tiangkawn kha nama khaisang tu haw” ama tah. He ualua ta eima sie khiahla Khazohpa ta Marapazy châta reih miah a piepa he keimo tlaita eima pahlei tahna a châ aw.

Chakhiahla kheihtama Mara reih he eima pabôhsa aw ? Kheihhawhpa reih rai a hmahtuhpa ama y lei khiah reih  thipa a châ thei. Phopi rei hmah ta châ hra sala ahmahpa ama y lei khiah a thi thei eg. Greek reih, Latin reih, Pali reihzy hih. Reih rôhnahpa,khizaw pahno khipa châ hra ei sala, atahmâ la reih thipa hawhta pachâpa ama châ. Mara reih he a  hmahtuhpa  hluh mapi. Mara reih he Beinô haosa lâ pakawh awpa a ryhpaoh tu vei. Eima literature he Myanmar lâ deikua eima khoh khiah pakawh â ryhpaoh ngâsâ. Mara Hlabu nata Biehrai dei cha leipa ta literature pakawhna châta Bible for Myanmar he paduapa a châ. Yru châta ei pachâ tyh. Marapa saw hry liata khih a sa thei viapa nata eima politician hry liata pano pathôh chhâ ma, eima Mara heih Hlabu Biehrai a hnei thei leipazy chata Bu zakha zano sai vaw thyu thlâh ha ei sala tahpa ei pachâ tyh.

Vasai liata Mara Hlabu Bible for Myanmar zy ta a saipa ta eima rai nota a ypa Km. K. Pari (Sylvia nô) cha a su liata Bible for Myanmar liata life member a vaw châ aw tahpa na chho ta, Siaha eima zatlô tawhta life membership fee (Rs. 500/=) chhao a vaw pie ha.

Nohkha cha Office liata Puhpa. N. Chakhai, MCS  na vaw charei ta, “Internet liata Bible  for Myanmar thâtih na ropa vaw hmô nata ei theina rakha ei vaw thyu hra” tah ta Rs. 2000/= ei na vaw pie. Ei palôh liata Thlahchhana bie avaw puapa cha, “ Abeipa he hawhpa chyhsazy he ama hrona pasisa la, ama chi pathla papôh mah y,” tahpa he a châ.

Eima reih athi lei nawpa ta, eima mo pakha nata Local Church chhaota tao  theipa eima hnei thlyu aw. ECM chhôh liata Local Church 80 hlei y ta, (ei pahnochhei leikhiah) Ebenezer deita ta Myanmar liata Marapazy Hlabu Biehrai paphao nawpa ta Rs. 1900/= (?) ama thyu. Ebenezer Local Church chô liata a thata alyna bie eima reih.

Tikhaoh taona châta Rs. 10,000/= na hmôpa kha kô 1 â daih thei. He vyuhpa ta Bible 1000/= duah paphao la, pakhazie ma Alyna biereihpa ta Abeipa hmiakô liata â bôh aw ei ? Bible na paphaopa vata Mara reih a laiseihpa dei châ leipa sala, ahytlyma ta pipathina vaw hnei sala, khatluta a rôhnah aw vâ.

Biehneituhpa châ sala, lâpi pathaina chata Rs. 1000- Rs. 2000/=hmâ awpa hlâta cha Hlabu Biehrai a hnei thei leipa Marâpazy hnohta paphao nawpa châta ei hmâh cheingei aw. Eikha hmah ta pachâ chanei vana.

Pakhata ta duah pachâ mah y. Abeipa byhnâ na topa vâta na pahnothai khao leipa a châ tlyma ? Marapa saw, dyhchhiena vâta reih hropa Hlabu nata Biehrai ahmahpa ama y tahpa he na palôh cha hria vei tlyma ?  Vaili mapaw zy ta  duah pahno ei sala khatlu ama palôh pasa aw ta, khatlu eima chô liata ama ru a chhô vâ ? Mara reih athipa chhaota, India liata Marapazy ta eima maohphaona eima uasa lei vâta  châ vei mâ. Beichaipa biepipa cha motota ama reih chyu ta rei awpa ama hnei awpa a châ tahpa he Bible pachuna a châ. (Esthy  8 : 9).

Puhpa (Machâ) H.Zacho ta “ Khazia ei reih ei pahlei aw ? Chô Khazoh eina piepa cha . . . . . . . ,” atahpa he ei pahno thai daihmâ khiahma ei tah. Marapa atah tlôh ta, Mara reih a cheih leipa eima hluh kaw  ha ba. Achhôh chhôh deita châ ma pi, a khih khih ta eima y. Viapa ta Mara reih a Thiehpa châ vei. Keimo ta eima pasô lei vata a thi awpa a châ. Chavata, Mara reih a thi lei nawpa ta na Mara heih ,  Mara Hlabu , Biehrai a hnei thei leipazy hnohta na paphao khoh khiahtala, BIBLE FOR MYANMAR vaw pahnosa la, na khonazie eima cha paphaopa thei. Na khopa eima tao khai tawhta life membership certificate cha pie pi ta, eima Album  liata na nohthlahpa (photo) eima paso pâ aw.

MSACS SOH HMANA

1. Buildings (5) repair-na          :           Rs       5,000:00

2. Ochhi (aricdow) 30 chaleina  @ Rs 230     :     Rs.      7,500:00

3. Laboar charge                :           Rs.          750:00

4. Chabu print-na @ Rs 12             :`          Rs.      6,000:00

5. Fencing chata thuari chaleina            :           Rs.     12,000:00

6. Gate taona                                  :           Rs.       3,000:00

7. Bethesda (Revd R.C.Nohro)              :           Rs.       2,400:00

8. Bethel (Upa Lalsiamkima)       :           Rs.          850:00

9. New Saiha (Dr.Hmingthanzuala)       :           Rs.       2,500:00

                                                Total       :           Rs,      40,000:00

Revd. Nc.Vabeilua

Executive Secretary

i/c SS

Write Comment
Name:	Guest
Title:
Comment:
Code:*

Powered by AkoComment 2.0!