Maraland.NET - Ei Kaw Va Kaw Tyh

You are here: Home

Videos

Ei Kaw Va Kaw Tyh

Written by Laiu Fachhai

Saturday, 29 March 2008

'Ei Kaw Va Kaw Tyh' tahpa bie hma pata Poem angia kawpa Vanoh Paw tawhta.

EI KAW VÂ KAW TYH
Laiu Fachhai

Chhôhso paru ta rohpady châh,
Ngiahna sôhsa chhôhso lia;
Lôhhia leita laih zaolao tyhna
Liahri tlona ei râh ngia kha!
Nohlynô a china ki,
Thosôh paw ngia saih, râh, maihnô hry lia
Sopavaw nah raihnô ao ngia zy
Ei chhôhso lia khâ châh thlâh tyh.
Hâhzo sidia pathai pha,
Chôthlapi khaih ngia ry lia
Zâbeinô rohpahâh zy
Chhôhso ta kaw ropadyna maih;
Ngiahna a sôhsa rili chhôhso lia,
Khati lâkô ei kaw daih heih va!

Lailâh rikhazy nah chhôhki ta
Khiluh tlâhpadâ pha lia
Thlihua tlaih ta tyulâhsa tyhpa zy;
Lôhkhyzy nah lôhtlâh ta
Tlyliah bôh di pha ry lia
Châkizoh khoh tyhpa zy;
Kaolâhzy chhaota lôhraoh ta
A su pathaizy lia
Bei reithai khoh tyhpazy kha
Ei kaw theina maih ta
Ei kaw vâ kaw tyh.
Sihnôh kua ta ei sy heih thlyu aw;
Cha ti lôh ei rie chai ei pina râh kha
A ualua khâ châ aw tlyma i!

Comments

emon_mara
Written by Guest on 2008-04-09 03:39:10

kei chhao ei va kaw ty hra

mararei ahneiro thei nawpata cha se,,,,
Written by Guest on 2008-04-17 08:35:00

1980's no rachhota chathai penawhzy saih u khataih liama nama y khai haw....a vaw phi pasua lyma teh u