Maraland.NET - Hy Maraland Khataih Lia Na Y

You are here: Home

Videos

Hy Maraland Khataih Lia Na Y

Written by Dr. Sasa

Saturday, 29 March 2008

'Hy Maraland Khataih Lia Na Y' tahpa Poem angia kawpa Sasa ta aropa he vaw reih hrala pachana thata a chapie na ta eima pangiasa. God bless Maraland!

“HY MARALAND KHATAI LIA NA Y”

Ava, Alei, Ataotu,Cho Khazo Kuzo, Chito Photo, reinano zydua, Chareikhona Khizawpi lia, eivaw charei tyh no, Ava-Chiachi, Meihdo- Pawchhah, Tlatosuto, azawpakholaina,

Tilaipi-Ralipi, Sipahli lai patah, Chinano, Phonano, Satosazah hlupi, amahnei kaw pata ama laizaolao laih tyna rahtosuto,vaw tlo laina, Sihnaso-sili,, Thoko rah ko moh-ia thaileih,pawpi-pawngia, hmohrohneipa reitialei, Chipho hlupi naizaolaona rahphapa,rathlopah, angianazi, aropahana zi, eivaw chaha lai leima tyna nodaiti liah, Maraland, eichiheihpa Marasawzy, chhosoparu, pathipalo, chhopadahpa taw, " Hy Maraland, eichihei pazy, Khatai lia na y, tahta kha vawsai lai tyna nodaiti, Maraland duahmo, khisatotu, hara-nohmei,rairu-vasah, ngiachhichhizi vawpachalai leima tyna nodaiti, vasa taona, ngiachhina mothlie, rama liataih, aparuta, kha vaw palo lai ty na..

Chito Photo, Khizawpi, atly pahlaona su, rah, daiti,vawtlo lai na, Khizaw rah Nothlapa taw “Maraland yna su mania chho te” tahpa awna ao parokawpa, rona ngaita kawpa, Chito pho to, chipho hropa tawh vaw thei laina, “ Hy Maraland Khatai lia na y” Khizaw taopa Khizawrah Nothlapa lia diamaw “Maraland” tapa hawraw zy eivaw hmo theikhao vei, tapa ta ahilaina nodaiti lia, vasataota, ruchhona, hnabeidy,palochhana, eivaw tao lai tynah no daiti khala, pakapalei-reika he ta arei papua theithai khao vei hrawsa, viasa ahy tly ma taokheina paloru ta tah ana pahno kheithai thlyuh aw tapa tah kha avaw ngielai tyh na..

Hy Maraland y, Khizaw tah Ataopa Khizaw rah Nothlapa lia ‘Maraland’ tapah hmo awpah avaw y khao leino daiti, Chihro Pho hro, Khizawpi hmiako liah, Marasaw zy nohnei-pawhneileipa,Harapa -Nohmei haw deita ta mia ama moh ba he zaw!!, Hy Maraland y, Khatai lia na y, avawhnia ba te, kha chavaw tlualai tyna, Nohmei-Harapa nopawbaotu hneileipa haw, Marasaw zy viavi lai leima chy pata, khih eima sa lai leima chy awpah, kopithlapi, nopareizy, vawpacha tyna nodaiti, thlalona rai hnei thei vana, thlazo-Nopo,pacharo, vasa taona mothlieh dei, kha vaw palo laityna, chipho hropa hmophaleina lia, aparu tatah chaparu laitah, Chapho eivaw tu lai tyna nodaiti zy kha arua pata acha aw va ma? tapa tah kha avaw hilai tyh na..

“ Hy Maraland y, Marasaw zy Kokhazi chho ma hara pa hawta sisaipa ta chachy aw pita, chihro pho hro pazy hmikolia, kokhazi chho tlaima nohmeipa hawta mia ama moh thlaha chy aw?, , Hy Maraland y, vawthyu bala Khizawpi Nothlah Pa lia avaw tawh bah te, hy Maraland y, anyu khao khala, chalua pata khaina chhaota Maraland hmiaphao khochhi kawpacha vawpala ha bah te, Khizaw ta acha hmo kho ngaita kaw nazy he hnochhy chachyta leipa beila, araroh y kawpa tah na ngiana pawpi-pawngia, ropahana chhao ta avaw chalua bah te, hy Maraland y, Marasaw zy Nohmeipa baotu hneileipa nata Harapa Nohneilei pa hawta eima cha ngana ao, mohthlieh zy he ahy ma mia avaw panga khao aw va?, Pahmopi ta asawnazy Mathlaw ryu liata khacha akhu tyna..Chaky-barohneipa tah sawchychaipa chata chhao hrona apiepa tah khacha ateileima thlatypa hawta,Hy Marasaw zy Maraland y, Rohmono-pavawpi hawta mathlaw ngiakawpa vaw pakai bala, pahmopi nata Chaky-barohneipa hawta, Marasaw zy chata kuru-a-i- pata avawdua bala, Marasaw zydua chata Khizaw hmiako liah, nakhaina rona pacha, avawpala hah ba te” tapa ta kha avaw hi lai ty na…

Khizaw tah Khizawrah pi Nothlapa ataona liah “ Maraland” cha mei patah azaw pakho hawchy hrawsala Chipho ta mia Apaduatupa Cho Khazoh taopa, Athaona Thabyupa,Avara-Khizawpi Nothlapa liatah la, "MARALAND" tapa he ahawraw lai kawpata tawpa ta a y thla ha na tapa tah pangiesili nachotah sasy-hnanganah bie, vawreih lai tyna nodaiti zy kha, eichheipah Chipho hropa nata khizaw heta, naw pahno kheithai ma vei hrawsala, Maraland liatah Laih zaolao ta eima charei kholapa, Eichiheih pazy pahnokheina lia tala, meipalei hawta akapatlo ngala thlahana, tapa tah sasy- thla avaw paloh lai ty na..

“Hy Maraland y, Nama chata Khizaw thaisona acha daih hra awpa tah Maraland eicha vaw Puasai chy haw, na ngia achhi chachy ta kha se, Maraland liata eivaw pahra hma leino daiti yru pata eichaw so hawno zy kha ngiachhi pata na vaw ngia thai ha bei ma y, Adaiti avawtlo pata nata Pawpi Pawngia, nata Maraland chata ropahapa, eivaw tlokhei hla lei, Maraland taotupa Cho Khazopa tah mia vai chyu thlaha maw se, Maraland chhoh,kuruapata avawngia awpah, angiarona cha eisabia pataita achalyu ty na. Eicha aw chanei hy na “ Pawpi Pawngiapa to, apaw tyna, Marasaw laina narah, Maraland y,Thlazona Meihdoh-khu pa nata, Marasaw tah abyna, angiana hawta eima chatobi, chychalyu thaileina daiti zydua kha mania atheipa thlaha khao leipa beila mia avaw ngia thai ha bei ma y, hy Maraland y, Hara pa hawta chasisai khao leikha awpi ta Nohneileipa, hawsai acha ngapa hawta chaso khao hra aw mapi.. Hy Maraland y, eicha aw chanei hyna, nama chata ropahapa,Pawpi Pawngiah, eivaw tlo khei thei no daiti, ei hrochho,eily chaina nota acha awpah no avaw tlo awpah cha, angiatia khaolei pata kha vaw ha hualua lai tyh na…

"I love you Maraland"

Sasa
YSMU
ARMENIA

Comments

Written by Guest on 2008-04-11 03:50:01

good

Written by Guest on 2008-05-31 11:54:35

Hy hawpa poem zy he vaw roh via leima te u, sasa eicha ly kaw, vaw roh via leima ma y
SP