|
Tipa Police ta Zyhno Satlia Thi Daihmana Taihta Chhei |
|
|
|
Written by Maraland.net News Network
|
|
Tuesday, 01 April 2008 |
TIPA, Pachaw(April) 1 - Tipa Police zyta Zyhno Satlia V.T Buatha cha Lock-up liata that chhei ei ta, cheisia ta ama sia khaota Lock-up liata kho eita ama chheipazao hei. Ama chheina vata nokhih pahnolei pata a y.
A myla pata Police zy ta thohna ola achhi eita, hospital liata thlai admit pa hapa a cha.
He hmo he Tipa Police O.C Puhpa Romalsawma chata ano a y lei nota hmo atlopa a chazie reihta, police zy ta ama hmotaopa he ama pahno khei leizie a reih hra. He constable-zy cho liana heta action la awpa a chazie a reih hra.
He hmo vana heta Tipa Mara Thyutlia Py (MTP) cha ama hiehah kawta, he hmo a tlopa he ama pachana a chalei zie ma reih. Satliapa Buatha chhokha chhao ama paloh apasa kaw hra. Chahrasala, Tipa Police O.C ta action la awpa a tah vata ama paloh ama patlahsa pakhuapa a cha, FIR deikua ama pangia. Buatha ama chheina cha apohpa liata hmo thei awpa yta, araroh y kaw (rapthlak) cheisia hnei saina a y pata bie daopa a cha.
V.T Buatha he 1st year B.A achu nga haipa chata, MTP General Conference kha Zyhno liata hneipa chata Pohbieno zata Satlia aparipazy Police nata MTP Duty zyta patu eita, ano he ama patuna tawhta ara papuapa hry liata ahlao pa alyu, cha hawpazy cha patu pakhua heih eita Tipa la avaw chhi eita Tipa Thana liata soh eita he hawpa hmo he avaw tlo pa a cha.
Tipa zawpi nata thyutliazy a eih pachai pata ama hie ahaw kaw sai pata bie daopa a cha hra.
He hmo asie lymapa liata April 1 pa khata Police Constable patho - S. Chhuahmo, VL Lawma nata TC Hramliana he Buatha chheina liata ahlao pazy cha Siaha Superitendent of Police (SP) bie piena ta Suspend ha pa ama cha hra.
|
emon_mara
Written by Guest on 2008-04-02 03:02:51
cheisia ta ama sia hla pa cha PAVAW tama ama rei ma...lolz chhuahmo cha eingie eina chhie kaw..get well soon | strange
Written by Guest on 2008-04-02 23:41:06
Emarah la NGO chhao rai,chhithatupata ama tlypana,Force na chhao rai adaidao pahno thai mapi,keimo ema daiti chyu ema my ty ha.. moleina hnleipana ama vaw lyu kaw..St.Buatha God Loves you.. from young worrior chennai(punkcruiser) | the_man
Written by Guest on 2008-04-03 12:40:14
Satlia Buatha,eima cha ngiachhie kawna chasala namozy cha khikha tawhta cha thai viapazy cha hraw ei chita,nama khi liah conferece a y no zy cha nama sosi chy hraw ma a cha bao...Na kho khia MTP conference chha taw chhaota na do pazao thei hla hei mah ta...navaw tla lai bao na !!!! | Written by Guest on 2008-04-07 04:20:21
A vawcha tlaina,hmohe adaih na rakha y ta,cheisia ta ama sia hla padei apei ei vaw tapakaw chamaw,hmodo leipata hmochhiepa atlo kheity,chahaw nahra chata sahmazy cha adaihti lei kawpa liata do awpa hnai chava.chasala past is past ama tap hawta akho chiepala tao pathi thai awpa chakhao bao vei,hmia lata eima sosi via na awpata eima hma hri kha tly ma.St Buatha thla chha chaw bao lyma pita navaw tla cheingei aw.Bangalore satlia |
Powered by AkoComment 2.0! |
