|
Mara Doctor Hryta Mizoram State Health Director Tua Chaipa |
|
|
|
Written by Admin
|
|
Saturday, 05 April 2008 |
AIZAWL - Mizoram State sawkha ta a ei khana chata Mara dawty Dr. N. Palai cha Director, Health Department chata a rao haw.
 Health Director a parohpa Dr. Rothangliana a pension ha vata April 1, 2008 khata Dr. N. Palai he sopa a cha.
Dr. N. Palai, Siaha khih hlopa he Ko 1974 khata MBBS he passed ta July 26, 1976 pata Medical Officer ta y tuata Civil Hospital Aizawl liata Asst. Surgeon I ta a y.
Siaha, Serchhip nata Aizawl lia zyta rai a hria laih khaota 1986 pa khata Asst. Director (EPI) lata kiasahta, Mizoram state liata 'Immunization' liata hmah alatuhpa nata thatlo kaw pata asie khei tuhpa a cha.
Ko 1993 pa khata Deputy Director (FW) lata kiasah heita, he lia heta project lai kawpa RCH apathaotuhpa cha pata Project Director tuachaipa a cha hra.
Ko 1998 pa ta Chief Medical Officer, Aizawl East District liata sopa chata, 2002 pa khata Jt. Director (FW) lata kiasah heita, 2005 tawh khata Addl. Director of Health Services lata a kiasah khaota April 1, 2008 pata Director pitlohpa lata akiahsa pa a cha.
Rs.16,400 - 20,900 pay-scale ta Doctor atyuh tuachaipa a cha, NPA deikua piepa cha vei.
Dr. N. Palai he alapino Dr. Lalkailiani, Jt. Director (Malaria) na ta sawchapaw pakha nata sawchano pakha hnei pata Zarkawt vaih Aizawl khihpi liata khih ama sa ngahai.
Mizoram Basketball Association liata President cha ngahaipa cha ta, Samaritan Society of Mizoram liata Vice President a cha ngahai hra.
Mara saw hry liata he hawta chana asahpa eima hneipa he Maraland.net ta eima palai khei kaw.
Source: Lelte.net
|
alykheina
Written by Guest on 2008-04-05 04:48:28
 Thatipha vata centenary byhna saklha ta apy su vy. Khazohpa moh chhao reeithai su vy  | emon_mara
Written by Guest on 2008-04-07 03:47:27
mara saw na apa peimaw sa lei tu ha... | Pu Vabeiha Hlychho dua nama my haw !!! :
Written by Guest on 2008-04-07 04:50:40
Pu Vabeiha Hlychho chao a tlia ta lia khata Director Tourism a cha haw!Ly khei a chi hmeisei.
- N.Solomon Beihlotha | Pu Vabeiha Hlychho dua nama my haw !!! :
Written by Guest on 2008-04-07 04:55:23
Pu Vabeiha Hlychho chao a tlia ta lia khata Director Tourism a cha haw!Ly khei a chi hmeisei.
- N.Solomon Beihlotha | Written by Guest on 2008-04-07 05:27:59
Hi Eihlo,
Puhpa Vabeiha Hlychho, Director acha hapa he vaw pahno mah rai mapi. Asia via pata bah maniah pahnosa theila eima ly kaw aw. Dr N. Palai thatih chhao he Lelte.net tawhta eima pahno chyu2 pa a cha.
Maraland.net News Network vyuhpata. | congrat"s
Written by Guest on 2008-04-14 01:11:50
Puhpa Vabeiha Hlychho Director lata akiasa pa hela Mara pa saw zy chata hmo rohna ngaita kawpa dei cha leipata, eima centenary ta thata byhna mia atlo khei hmeisei...avia pa chaipata eima ly ngasa ha.....Puhpa Dr N palai chhao eima palai khei ngasa ha.........
From Tourist Logde siaha |
Powered by AkoComment 2.0! |
