Maraland.NET - Sapaw Hropi Eisy Hlata

You are here: Home

Videos

Sapaw Hropi Eisy Hlata

Written by Ngo Cho Le

Sunday, 06 April 2008

He hla angia ngai tapa Dr. Ngo Cho Le ta a phipa he vaw reih hra ma y. Palohlie chhao achhih kaw. He Poem he Thlarah (Sept.) 29, 1993 pata Siaha khihpi atly no ta a phipa a cha.

Sapaw Hropi Eisy Hlata
- Ngo Cho Le

Kahri, Myma, Hrokie nata hrosili tlapizy
Pawto pawna, Sato laina Vangao tlyna rapha
Monyu opy Maizo opi tawta lyubi toti
Chawhla tyna, Liaritlona "Maraland" zocharu chhihra sa

Beino, Tisi, Laki vawzy Naizualua lona ra
Ngasasie no laina, Tiru puana vawpi nata by pha
Byh-zao tla kia lomao zyta liari mia hai kha vama
Viapa opi ngiapawdi lia moku eima khai ngala

Natly hmialia na vypi phao nasawnaw zydua
Chaki ama zo thei khao lei vama nopi Mara
Chana raithli vapia ti haw azalo ngala tly
Eino mothli hru hei pata, Pasai pha zy
Sapaw hropi eima sy daima na.

Kahrie tlapi Beino vawkha lyubi zahla ha maw la
Myma Tlapi y ru no kha, khophei zakia aw va
Hrokie lyubi, Laki vaw y, Tisi chho my khao kha ei
Eina Mara byzao tlapi mia akho sai hla ta.

Pala tipo bypi kialia vypi phao saw zy dua
Sawla kia ta Opi eima do khai hla he la
Eino Mara byzao tlapi mia kia sai ma kha y
Pasai phazy sapaw sopi eima sy ha ba na

Comments