Maraland.NET - Marasaw cha ta Kaladan project phahnai awpa lyu vei!

You are here: Home

News

Marasaw cha ta Kaladan project phahnai awpa lyu vei!

Written by Maraland News Network

Tuesday, 15 April 2008

SIAHA (Hriaheinoh) - Kaladan multi-modal transport project hluhvia ta hnabei seih kawpata eima sai nga haipa cha Mara rah cha ta a phahnai lei awpa a lyu.

Maraland News Network correspondant ta a rei dah ta Mara rah khi hluh via ta Kaladan project eima thoh khei awpata a ma pacha pacha a va ziza liata a lei awpa hawhta a reih.

Yahoo News ta a reih dah ta handling points awpa zy cha India la ta Mobyuh khih cha awta, Myanmar la ta Myeikwa a cha. Chasala thatih apathana dah ta Mobyuh cha rei lalao lei ta Tokalo chhao hmata chapia leita Bungtlang, Liarah (Lairam) la ta a sie syulyu awpa hawhta a ma reih.

He he Lapi a sie nawpa thlie pata Mobyuh la kaw chapia sala phusa a hryuh via awpa a cha va ta Liarah la, a hnia viana la tawhta a ma pasiesa hapa hawhta pahno pa a cha.

Chahrasala thokha rei dah heita Lai Politician na a cha hraoh tu va ta a cha pa hawhta a ma reih. Tawhta MADC politician na pakha chhao ta he kyh liata a ma chahraoh lei va ta na a cha tahpata bie eima dao hra. (Ado nata do vei deikua pahno pasiapa cha vei)

ROUTE OF PROJECT A SIA VIA PATA -

By sea (539 km) : Kolkata to Sittwe

Through inland water (225 km) : Sittwe to Setpyitpyin

By road (62 km) : Setpyitpyin to border

HANDLING POINTS
In India : Hmawngbu (Mobyuh) in Mizoram
In Myanmar : Myeikwa

*Project liata phusa a chha nawpa zie kha Rs 535, Rs 535.91, Rs 536-crore or 900 million dollar zy ta news hluh via ta a reih. Noh tota phusa rina a lyu lei va ta a ziepa pahno pasia ta rei theipa cha ngyu vei*

Comments

Thyula Khaih Teh!
Written by Guest on 2008-04-14 15:26:47

U.T zy hla chhaota kho a chhih viapa eima pahlei ha cha zaw, khataih lia e eima rah politician na zy a ma y khai haw ? Rah kyh apachapa saih u, khataih lia na ma y khai haw? Phusa a y chiehpa hmadah ngala khiah thai pita, a vaw y awpa lapangiana dah deikua a thai leipa dia eima lyu kaw.

Aw Mara Rah, Khazohpata ta kyh apacha pa, a hrala, Thyula Khaih Teh, na khaihna cha a hnia daihma tyh taraw, anodeikua na mo rei tu vata a cha ngyu aw.

A saih,A rah!
Written by Guest on 2008-04-14 21:57:51

Lai Politian pe zy dei cha leipa eita,Rev,Pastor etc;;zy dua heta ,ama rah nata chipho chata cha,hophia nadah(A rah)pa he ama thai ngasa vata,ama kiathyh via syulyu haw chazaw!Mara chysa zy (pi)cha,hophian dah(A saih nata a rah) cha rei lei pata,(A vypa) liata Centenary ei ma tlo haw.

buzz
Written by Guest on 2008-04-14 22:49:51

eima politician na la khapa pa cha va ei..kheita ma next election eitlo thei o tapa ngalana ama pa cha..no ja na chhao hneileita, politician ama ta hra bao!!!!!!!..pakha zie hyma political philosophers nata inspired hrw ei tly..what is politics???amo chatala..ans "corruption is politics"..ama sawna mo padei nga leita mia ama so thla ha hi..punkcruiser(young worrior) chennai

Kaladan he khazopata MARA Saw zy chata b
Written by Guest on 2008-04-15 01:43:00

Kaladan ( beino chava) he khazopata Mara saw zy ni eima tlua nawpata ma nia pita he ahma nadah apa hno ma leipa politician hlupi ama y pata ei pa hno.
He zy he Mara pa sawta kaladan chava tawta ni tlua nata eima hma thei.
1.Sadi (sand)O sanawpa zy, Lapi tao nawpa zy,tikhao tao nawpa zy Cha dei chavei Hma nawpa hlupi a y.
2. Alo (Stone)chao Sadi (sand hawta hma theipa acha.
3.Hydro project Kaladan tawta taotheipa acha.
Eima raheta hma tia lei pa cha awh vei. India rah State hropala zy, Burma nata Bangaladesh la zy ei ma zua thei.
4.Atahmata India nata Burma ta ma bua kheipa Water transport nata land transport chhao Kaladan tawta tao theipa acha.
5.Ngasa (fish) chhao ni bo tlua na khi a y hra. Cha dei cha vei Vegeble nata hmo hropa hlupi Kaladan cha ngiaka liata tao thei pa acha. He acho liata ei vaw pala sapa zy he eima rah lu py naw zy ta ama pa cha bei tly ma?Rah ky apa chapa ta cha Ei ma rah ativy na ama pa awhpa ei kho khei kaw ei.Sawkha lata leibah alapata phusa hlupi hmo pa hlata khazopata ma nia apipa Kaladan he eima capital ta hma thei sila. Switzerland of the East la ta eima ra he eima tao thei. Thyu tlia pa saw zy ahra ba su vy.Eima rah leilo hnei ro na hma pata eima rah he eima tao pa thie thei. Eima haw tu khia cha chysa hropata mania ama chhu khai dahdei awh. Atahma chhao Kaladan project cha mara rah chata mania apha hnaipa alyu vei he zaw.

Written by Guest on 2008-04-22 23:25:22

Hmawngbu he Mara reih ta Hmybu tah pi ta, Marapasawzy cha he khih liata khazie rakhama y ei ta, ECM awnanopa chhao a duah ha ta, anodeikua a yna su cha Lai Autonomous District Council chhoh liata a cha.

Motor lathloh che km khazie rakha chhama Maraland chapiasa leipata a chhuahna a y ha hmeihseih khiata cha, eima rah luhpazy ta voice hnei nga vei hra ei sa la, MSO nata MTP zy ta nama hnei thei thei. "Beino (Kaladyne) chava he Maraland liata a lopa cha hra ta, chavata lathloh chhao he Maraland siepahliepa ta taopa a cha lei khiata cha, he project kyh liata eima ly leina kao nano kao nanopa ta eima palasa aw" tah thei aw ei chi ta, nama ly leina palasa awpazie chhao cha program zy nama tao thei hra.

Vanoh Paw