|
Mara Reih Sie zie by Machâ S. Hrachu |
|
|
|
Written by Admin
|
|
Sunday, 20 April 2008 |
Mara reih he ao asie zieta 'tonic solfa' tawhta mo pakhopa ta Doh Re Me (d r m) tahpa ta thlei khai theipa a cha pata pahnopa cha ta. Chata athuna 'doh' lia maihta 'h' hawraw he bai lyma awpa châ ta, 'Me' ao lia maihta ao pasahna alu chho lyma awpa a cha.
Chavata Mara reih roh (write) nota eima cheipa ao (voice pitch) siezie hawta he hawta eima cheipa (speak) na hawta roh hra awpa a cha aw:
d r m =
d - h Doh level liata ‘h’ bai lymâ awpa a châ.
a - pakah â leipa ta reipa.
Example: Abeipa ta a tah.
â - Pakah â pa ta rei awpa a châ.
Example: Lô o liata â tâh.
‘h’ baipa nata ‘â’ luhkhupa ta sentence yzie a panano theizie:
Ahia eina hia = Ado vei
Âhiah eina hiah = Ado
Âhiah einâ hia = Ado = (English ta, He asks me for Chilli, Maw reih ta chasala Hmarcha min dil tana a cha)
Pala ta pala pala ta = False
Pala la a pala haw = False
Pâlâh ta pala palâ ta = True
Palâ lâ a palâh haw = True
Eima chaly kaw = False
Eima châ ly kaw = True
Source: Marasaw.com
|
Alyna
Written by Guest on 2008-05-24 06:43:57
Marah châ hawhrawh chhana 'd' ao liata 'h' baipa he a pha kaw thlaha. Anodeikua nochhi Mara saw thokha ta khoh kaw mâh vei ei. Mo hluh via ta khoh kaw thlaha taraw pi ta, a hmâzie thai mâh ma pi. Hmiala cha eima vaw pôhkha laih awpa ta ei beiseih. Eima cha ly kaw.
Notla Marah sawzy châ nama ro tita - Sentense a chha mâh leipa alyu kawpa 'châ ta' tahpa liata 'comma' hmâ leipata 'fullstop' nama hmâ tyhpa deikua 'Burma Grammar siezie tawhta eima mo tita a hmi a chhie kawpa hawhta a lâ. Bâhvaw pachâpathi tua ula, a pha ngyu aw.
Alyna chôta
Thomas K. sabie (
This e-mail address is being protected from spam bots, you need JavaScript enabled to view it
)
Yangon. | Adokaw
Written by Guest on 2008-05-24 07:21:56
Dear Puhpa Thomas, na bie reipa he ado ei vaw tah hmeiseih. Notla la ta 'châ ta' tahpa liata 'fullstop'a hmahpa ama y pa cha eima pado leina a cha hra. Ama hmana example chhaota vaw soh theila apachuna chata apha kaw hra aw. 'châ ta' tahpa cha 'comma' tlyma achavei khiah semi-colon nata colon zy he ahmiena a y reita hmapa chasala, 'fullstop' la chatlai vei. Tawhta, a hmahpa ama y khiah apachu laih ei sila ado chai ngyu hra aw. Pachana soh kawpa navaw thyu vata eima ly kaw.
He he keima hmo dah a cha.
- Apaw | Apha kaw !
Written by admin on 2008-05-24 09:01:52
Mara saw notla nochhi eima châ thatih rei pahmaoh thei lymana lapi a vaw y pahe aly achhih kaw.
Maraland Gospel Centenary Magazine tawhta vaw mo pata eima nonawpa Puhpa Thomas K. Sabie he Officer rai, Survey Department of Gov't of Myanmar, Yangon liata a hria nga haipa a cha. Mara saw tawhta Geologist eima hneichhohpazy liata pakha châ ta, Yangon Mara Church liata Secretary chakao ngahai ta, Rari khihpa a cha. A bie vaw thyupa chhao he apha hmeiseih. Aly achhih kaw.
A rei sa ta, 'd' ao (sound) liata 'h' bai he chyhsa tota vaw hmahthei chyu ei sila apha kaw tlai aw.
Tawhta, 'châ ta' liata fullstop asohpa ama y khiah cha ado tlai vei, bie reipa a sie nga haipa alyu via hra. Pacha khalia lei pata a roh tlamawpa ama y khiah asohsi abyuh kaw tlai aw.
Nochhi nata notla Mara cha uniform kaw pata eima hma lyma awpa he apohkhana acha hleikhota eima cha ropa eima pahno thaivia lymana a cha hmeiseih aw.
Pazao n'awpa nata pazao lei n'awpa zy chhao he rei pakawh lymapa chasala apha kaw hra aw.
Alyna chota,
Admin | â do kawpa a châ
Written by Guest on 2008-05-28 01:50:48
Thlachhâna eima pachhâna liata "Zisu Krista moh ta eima cha hiapa vâta" tahpa chhao rai he ei ngia na ryh thei tu vei. "vata" liata a chhâpa he "pazao via awpa a y chypa hawhta ei na hria. "d" ao a pua maih liata "h" eima baipa he, thokha "d" ao sai ta ei no, ei â pazao hawpa e.g rôhnah, khihchhôh, ngiahtlâh,hawhrawh, etc.. zy liata khei ta eima hma aw. "rôh-nah"ma? "ro-hnah" ma? tahpa chhao tahpa chhao ei pahlao dai ma tyh. Chavata "h" sa no a pazaopazy he first "d" ao liata "h" bai leipata tahpa zy Mara Grammar a hnei ma? a pahno viapazy na vaw chho bei ula, alypa a cha kaw aw.
susupaw | Written by Guest on 2008-07-18 20:52:14
Bihrai pathaipa liata ay chyeipa hawraw he hmapazao sila aphacha aw eita.
Mara athaikho kawpa. |
Powered by AkoComment 2.0! |
|
Last Updated ( Sunday, 20 April 2008 )
|
Articles 
