|
Phusa Khih Chhaolo khih la ama pahly |
|
|
|
Written by Maraland News Network
|
|
Tuesday, 22 April 2008 |
SIAHA, April 21 - Phusa khih cha khih nopaw pazy varopi ama pacha khao ta Chhaolo la apahly awpata pathlupa chata O dyh 12 ngala khih liata ama y ba.
Chhaolo lâta ama za pasiena chhâ chaipa cha niebaw rai aru hlei khota lyutao pata apatipavy hmeiseihna a y lei vata nohto hmo peimawhpa sapha, achhi aloh Siaha nata Chhaolo lata chalei pylypa a cha vata Chhaolo la apasie lalao khai awpa he âpha chai pata ama pahno vata a châ. He ama khona he Mara Autonomous District Council (MADC) chhaota apy khei hâ ta, School nata Village Council (VC)-zy chhao ama za pasie khei khai tahna a cha hra.
Chhaolo he Odyh 150 rachhoh khih sana châta, Phusa tawhta a hluvia syuly ama za pasie tawhta odyh 200 ama pha ro ba awpa hawta pachapa a châ.
Phusa khih liata odyh 12 rachho deikua khih puasai awpa a khoh leipa ama y thlah chy pata bie daopa a cha. Chaleipa zydua cha o thiehpa Chhaolo liata ama sa hlei khota otoh ama syuh khai ha ba.
(Mara rah - Maraland Map Chhaolo nata Phusa zy alana, Mizoram state, India)
Chhaolo khih he Siaha tawhta Siata, Iana, Chakhei, Siasi nata nochhi Mara rah khih hlupi lasie chaina alohhawh kawna khih cha ta, atliata tawhta Chapi, Mawhro nata Chheihlu chhaota sie n'awpata lapi ama hma via bana a cha. Siaha tawhta Tipa nata Siaha tawhta Chakhei he ahlana akho thaita, Tipa tawhta Chheihlu hlata Chakhei tawhta Chheihlu he ahnia via hlei khota Tisi Chavah chhitla-chakha kiana he lapi achhie pa hei hra vata hela Chhaolo la tawhta ama zi pathao viaba tahpa bie eima dao hra.
Chhaolo khih he MTP Sub-headquarters sâkha châta, he acho liata khih hlupizy khi he Sub-headquarters ry liata a ypasai ama châ hra.
Mara rah khih tawtaw (small) viapazy he âlai viapa lata apahly lyma pa chasala khihsâ ârai anao via na ta nâ pangiasa ma? Net ahmahtuhpazy nama pachana vaw thyu chyu tua u.
|
Moses C. Tehlo, Chennai
Written by Guest on 2008-04-22 06:55:56
Democracy Ra chhoh liata hehawhta Khih apahlypa thati eima theipa he arona ngasana keimala eita. Khih no paw pazy he amavawpacha thai kaw ngasa.
keiam pacha datala, Phusa khih mo he Khati no raita avaw ngia pachhibei ngyu va ei naw. | Aphakaw
Written by Guest on 2008-04-22 08:41:37
Ama ngiapachhi na ta pangiasa hra vana. Khih hlupi a tawtaw kawpa y hlacha alai viapata a chyhvia ysala transportation phapa nata school phapazy hnei sila biz cha chhaota phavia hrata kyhtoti liata a pha via na ta ei pangiasa. Lyutao daihti chakhao lei pata, taopa chhaota tao dah nanopata tao daihti a cha vata education he ta eima rah he a hra sila eima thokhei via ngyu aw.
Rohna | Written by Guest on 2008-04-22 09:32:23
Dear Adm
He liata pachana thyu awhpa na tahpa he pha ei tah hmeisei. Rah hmasien'awhpa hry liata a peimawh kawpa sakha cha a pohpakhyna, tah ei sila eima chhei tu nahta pangiasa vana. Khaizima keimo Mara sawzypi he eima hmasie thai vei tah khiata cha eima paipatlatu hapa he hmasieleina lata mania a chhihtupa a cha. Khih tatawpa hlupi hlata cha khih laipa khih kha he hmasiena liata a chatlie via syulyu aw, a chhapa cha a chholiata ypazy ama hlu vata phusa vaw hluta cha phusa cha chyhsa tota a chyta saita ama vaw parai thei chyu hra awh, chahlei khota sodaohna a taopazy chata chhaota so la pangiana hluvia hra aw ta, thathyu chhao a chhih hra. Tawhta kyhtotie liata hmasiena a tlokheituhpa, a chuna la tlyma, a taopasuana sports la chhah tlyma, chhieno-phanoh tlyma daihti liata py tha patlotuhpa a cha hra. Chahleikhopa ta khizaw liata hmasiena laita a peimawh chaipa lathlo phapazy tao chhao a rai vaw nao ha ba awh. Chavata kheita rai chasala consolidation of small and scattered village chochah liata chhihtupazy ta hmah thata ama la awhpa he a peimawh kaw. | Written by Guest on 2008-04-24 05:35:27
Full support ei pie ei. Phusa khih nopaw pazy he hawta pachana ama hnei pa he nopaw ama cha thai kaw. Khizaw apahie laihta, khipi viapa taopa he apha hmi chaipa a cha, anodeikua hmia asah tua awpa he aru eima tah kaw sai apha eima tahpa chhaota, he nopaw pazy he ei reithai hmeiseih ei.
Beipha | emon_mara
Written by Guest on 2008-04-25 02:03:55
a pha kaw chu..heta tawta thata ama hma vaw sie lyma maw ei sy.. |
Powered by AkoComment 2.0! |
|
Last Updated ( Tuesday, 22 April 2008 )
|
