|
Cyclone vata Burma chyhsa Sah-hlupi ama thi |
|
|
|
Written by Maraland.net News Network
|
|
Monday, 05 May 2008 |
Siaha, Pato(May) 5 (Updated)- Pato 3 Eirino ta Cyclone apathlipa vata Burma rah viarah chhoh Indian Ocean adaih lata khi hlupi cha raota chyhsa 20,000 hlata hluvia ama thi haw.
 BBC ta arei tah update ataopa liata ta Burma Foreign Minister Nyan Win ta a rei dah ta a thipa zie cha 20,000 hlei syulyu a chazie State TV liata aphuah a tah.
He Cyclone thlihpi vana heta o hlupi cha rao khaita, a percent lata 78% to 80% odyh zy cha arao pata khih thokha liata pahno a cha. Lalaizy cha thoko nata o araopa zy ta abie thlah ha tahpa mokhaohta ahmo pazy ta ama rei hra.
He vana heta ti nata niebaw rai aru pathao hlei khota electric tohzy chhao aphia khaina ama tah. Telephone line zy chhao arao khai hra. Ti asoh tita hri chhiepa chhopatlai pazy chhao ahlu khoh kaw vata pheisai sawkha chhaota state of emergency a phuah ha hra.
 He Pheisai sawkha he foreign aid dao ngah tyhleipa ta, pasai lei pata tla eima tah aw, atahma deikua cha vaduana ama tyhpa he araroh a y kaw vata ama pasai pathao, chasala arah chhoh tawhta BBC, CNN, nata media hropazy ama report pasaih pyly mah vei. Chasala, NGO laipazy angia a pasai pathao vata Pheisai sawkha chhao he bahta bahta ama pahy pathao laihpa alyu kawna a y hra.
He Cyclone thatlo kawpa he amoh cha Nargis tah ei ta, south-east Asian rah zy speeds 190km/h (120mph) ta avawna pasa chaina cha Burma chho (South) tilaipi ngiaka he a cha chaipa alyu. Chasala, division (region) 5 map liata alapa hawta, cha state of emergency ta phuapa chata, he division sapangawpa lia heta chyhsa apahrapa malu he 24 million ama pha. Burma viarah chhoh dadopa ta he a effect chaipa alyu hra.
He liata vaduana atyh pazy Maraland.net ta eima tao khei hmeiseih. Eima thlahchhana liata athei chyu ei si.
|
emon_mara
Written by Guest on 2008-05-07 02:53:55
ngiachhie ama chhi kaw....thata cyclone he pathli via sala burma pheisai phao khai sala apha kaw aw... |
Powered by AkoComment 2.0! |
|
Last Updated ( Tuesday, 06 May 2008 )
|
