Site Tools
| Marasaw vaw thyu ba te, Maraland ta acha aw hai |
|
|
| Written by Dr Sasa | ||||
| Tuesday, 06 May 2008 | ||||
|
Hy, Marasaw, na pacho la, Maraland ta acha awna ao pyu rei he nathlie tua te!, Mara rah Chokhazo kuzotaopa tlyuliah liah tlai chata nohmei-hara nawhly apypa zy, mathlai-thisaih atobipa ta thlazo hroroh eita hiakah-hawkho arahreih ngapazy khi chhoso chosu tawhta eivaw sai cha heta, chhoso khiahloh alyna noh rai rai hneithei vana. Hy, Marasaw avaw hyh ba te, Mara pata acha aw haina, Viapa, tlaikao, kala pa charia riachi pata lyurah rapathopa chhotla chakha aviavi ngahaipa nohlie thangia-harapazy khi eisai chah heta chhoso paloru thisaina alo, hy mara saw khatai lia na y vaw thyu ba te, maw nata chho, nochhi nata notla chariapa ta mia adiesao khai daihma haw. Hy Maralaisa chhoso-chhothloh, naizaolaono, lodu, lobie, hlathai no y! khataila rah satlia lobieparu hlathapaw hnoh ma, lyutlah miah nakho sai haw? Maraland ta acha pado haina, Hy Maraland kyhpachatuh paw Marasatlia pasaipha zy khatai rah, ahy laisa chhithaino, sasei loduno hno ma mokhu rama mia na khai sai haw?! Maraland ta achapado nga kaw na, Hy Marasatlai-laisa, siduana sutawhta vawthyu ba te u! Maraland ta acha aw haina! Mara rah tlapipa lia, laisaolao tyh pa Kaora, Mase, Kyhpi, Kyhtaw, Chaolieh, Zunai, Vytuh chiphoto zy maw-chho, nochhi-notla charia kurupa chata apahleipadia khai daihma hawna, Hy Marasaw! Mara rah rapathopa hneiroh na zy cha pahleipadia, paraopari khaipa acha daihma hawna Maraland nata ahmohrohneipazy cha pabosaw pata vaw thyu ba te u! Maraland lyurahpa hneirohna chitoh photo reitialeipa satosaza hmo hro hnei pazy atanoh Maraland lia heta abonasu rairai hneikhao vei ei, Maraland hmohrohneipazy hu cha apona, he hmohrohneipazy phaohrihupo nochazi rima baocha la! Hy Marasaw, thyu la husona ahneipa hmohrohneipa zy cha Maraland tawhta pahleipadia khaipa acha hlana heta ahrohra la avaw hra ba te! Hy, Marasaw vaw thyu ba te, Maraland hmohro hneipazy cha chihropa rah lata abona su tlua holo pata mia ama paipatlai sai khai daihma hawkhi zamaw!: hy Marasaw vaw thyu ba te, Maraland Lyurapa sa hmohrohneipa zy ta acha aw hai. Maraland thoko rako pawpi pawngiapa, tlalaki liata baota akaolai, azaw tyh pa chaicharino, pahmopi, sailaomai, sailaosai, sipavaw, ngohmosopavawpi, kaongapavaw, vazopavaw zy lohratlota naizaolao lai tyh na Mara rah, thobungiapa, lopakao, thokhao, thoburyu zy cha atutako, ahrei, chiachie zy ta chhawsao eita chavei-chacha khao pahlie pata mei patina liata ama thy nga ba hu! Hy Marasaw thyu la Tupi kalino, u-ria lolo pazy taita hawsai nawhneileipa haw, mothliechi chhaota awna ao cha ahy sai khao bei kha la! Hnola daiti Ngasa-Ngavah- Ngapy-Ngarah, Tiryu liatah hmohrohneipa reitialei, chiphoto papua tyh pa Beino Tisi Vapi pazy atano daiti ia-kah nata cha-ia zy chhao apahra thei khaoleina Beino tipuapa, Tisipi tichhiepa ta avaw cha haw hezaw. e.. cha apasa rima bao cha! Beino tihnaw thiehpa, Tisi Tihnawh thiehpa liata Ngavah tawtaw, Ngapataw tawtaw, palaopala ngapazy tlaichhao cha lathloh liah na tlai chata chariapa nata thietheipa chamai zy hma pata vaw thisao lai ba ei, hy, cha , apasa rima baocha la! Mara Tipo angianazi hmiaphao avaw pakai tyh pa Ngavah, Ngasasei, Ngadie zy kha atano daiti chariapa ku liata ama leidia khai hawna, cha taotai aru rima baochala, vakua hyh thaipa chakhao tlo ei va, Hy Marasaw, Beino, Tisi hneirona zydua pahleipadia khaipa acha daihma haw hezamaw! Vaw thyu ba te, Beinotipi, Tisi tipi zy ta acha aw haina. New Maraland, Maraland thiehpa liata avaw laizaolao leima awhpa Mara chhathiesaw zy tawta reipachhipa eima cha hlutu hlana heta Mara rah hneirona, Ti nata tlah, satosaza, hmohrohneipa zydua cha pabosawpa cha cha mapima, hy Marasaw vaw thyu ba te u! " Hy Marasaw, adaiti cha atlo hawna, hawkhao leipata, vaw thyu ba te,vaw thyu ba te,vaw thyu ba te, Maraland ta a cha aw hai" Sasa YSMU ARMENIA
Powered by AkoComment 2.0! |
||||
| Next > |
|---|
Special Music Videos
Login Form
Check Email
Copyright © 2002 - 2008 Maraland.NET.
Maraland.net do not necessarily endorse users' comments.
