|
South Mizoram la Oil & Gas charoh aw pata Experts kaw tlo |
|
|
|
Written by Maraland.net News Network
|
|
Friday, 09 May 2008 |
Aizawl, Pato (May) 9 - Pangea Oil & Gas Exploration Geochemistry Department member papangawpazy nata Reliance company chyhsa athaipa panozy chata Pato 3 khata Aizawl ama kaw tlo.
He chyhsazy he ta Mawrah chhola Lolei, Lytai nata Siaha district chhoh 3,619 sq.km chhoh liata gas nata ti-iatheipazy a y nata y vei ama charoh aw.
Ti-iatheipa nata gas acharoh awpata akaw tlo pazy cha Sr. Geochemist Puhpa Tokavisheu Igor Alexandrovich, Geo chemical Engineer Puhpa Ingo vatov Analoly Pavlovich, Chemical Engineer Pihno Kustikova Elena Rafailovna nata Pi Kharitonova Olga Konstantinovna zy cha ei ta; Reliance la tawhta akaw hlao pazy cha Addl. Manager (E&P/Gas Business) Puhpa ML Thakur nata Geologist S.Karunakaran zy ama cha.
He chyhsa athaipazy heta zahnia kha Industries Departement Director nata Secretary, Home Commissioner nata Chief Minister zy ahmo ei ta, rai ama hria n'awpa dah ama rei khei.
Atanoh he ama hria n'awpa su lata ama pangai aw. Geology & Mining Department Joint Director Dr. H. Lalenmawia ta a chhihtha ei aw. (Source: Lelte.net)
Maraland.net baichhana:
Atahma hla pachana sakha Mawrah chhoh liata a y kawpa cha, Pastor Chhawna aluahna ahmopa zy he a cha. Pastor Chhawna ta aluahna ahmona lia cha Mawrah chhola (South Mizoram) tawhta Khaih-na a y awpa ta reihta, asosahna avaw tlo awpa areipa hlapa kha cha ta.
Atanoh Kaladan Multi-Modal Transport Project (KMMTP) he ahlao avaw tloh khiah cha DoNER Minister Puhpa Mani Shankar Aiyar chhaota Feb.13, 2008 khata he KMMTP he Pastor Chhawna biephuapa (prophesy) ko 150 asie hapa liata abie phuahpa atlona (fulfillment) na a cha tah pata India press-chyhsazy a chhopa kha a cha. (Link here Webindia123.com)
UT Thatih a reipapuana:
DoNER Minister ta District Council sathoh pazy eima backward zie nata ngiachhie eima chhihzie, development fund eima to chyhzie chhao reihta, Mizoram chhoh 15% po cha pi ta fund angiapa deikua achyhkaw a tah. Chavata UT ama hiapa chhao he maochhie achhihvei ei. Chasala Mawrah akai heih awpa he pha lei pata fund deikua adopata ama to chyu awpa a cha a tah hra. ( Samaw.com )
Gas nata oil hmopapuapa a vaw cha chhochhi khiah cha adovia pachai heih ngyu aw! Chhoh la tawh he ta Mawrah he akhaih hmeiseih hri awpa alyu. Atahma no deikua cha Puhpa Mani Shankar Aiyar ano pohpa tlaita South Mizoram a kawtlo khaota press zy achho pa cha Mizoram liata ethnic minorities - Chakma, Lai nata Mara pazy development liata mawla hlata ama hnaivia zie kha hmo ta maniah a ngiachhie kaw tahpa a reih hra. Abie reipa cha acho liata link khi tlyla na hmo thei aw.
Powered by AkoComment 2.0! |
|
Last Updated ( Saturday, 10 May 2008 )
|
