|
Jaipur khihpi lia Bomb susari lia pua, 60 thi |
|
|
|
Written by Maraland.net News Network
|
|
Tuesday, 13 May 2008 |
Jaipur: Rajasthan khihpi Jaipur liata atanoh Hriaheihnoh pa Pato (May) 13 zala 7:35pm rachhoh khata bomb susari liata pua ta, chyhsa 60 thi ei ta, 150 hlei ta hmah ama hmo.
He bomb apuana su zy he Manas Chowk Police Station area, Johari Bazar, Tripolia Bazar, Badi Choupal, Choti Choupal, Kotwali area zy cha ta, bicycle lata bomb he ama pachhopa hawta pahnopa a cha.
Apahleibaih pazy cha Sawai Mann Singh hospital lata arakhei pata mohoh haipa ama cha.
He bomb zy he minutes 12 chhohta apua vei chah.
Ahy py hmahta he bomb apuapazy he amo hmotaopa a chazie vaw reih tla leipa eita, police nata intelligence agency la chhao pahnopasia thei mah vei ei.
Investigation asie nga hai. Athipa zie chhao he Rajasthan Chief Minister Pihno Vasundhara Raje ta a pahno pachiena zie a cha chy hra.
Jaipur he khizaw suto tawhta tourist hlupi ta India ama vawtly khiah ama tlypa cheingei tyhpa khih a cha. Taj Mahal, Agra hawta he khih hmolei pa India la tourist ta avy hapa he y lila vei ei tah theipa khih a cha.
He vaduana lata athipazy he Maraland.net ta eima tao khei hlei khota, he hawpa terrorist-zy ta piena ahrialeipa civilian hlupi hrona ama lapa he ama riah achhiezie apalasa eima tah kaw.
China alosina liata 12,000 hlei chyhsa ama thi:
He hawta a cha ngahai no heta China lia cha chyhsa 12,000 hlei hrona alohsihpa Richter scale 7.8 po arupa vata alei hra. May thlahpa cha vaduana ahlu kaw.
Powered by AkoComment 2.0! |
|
Last Updated ( Tuesday, 13 May 2008 )
|
